انجمن لوتی: عکس سکسی جدید، فیلم سکسی جدید، داستان سکسی
شعر و ادبیات
  
صفحه  صفحه 24 از 103:  « پیشین  1  ...  23  24  25  ...  102  103  پسین »

اشعار کردی و لکی


مرد

 

هه‌ڵوه‌رین


دوێ رۆژ
ماسی یه‌ک
له‌ سه‌ر دارێک
له‌ ژماره‌ی سێ دا
نه‌هاته‌ دی سێو و
له‌ مه‌رگا ڕاچڵه‌کی...
له‌ چاوه‌کانیدا لیخن
ده‌ریا.
     
  
مرد

 
"تا پاییز له دێڕدا شه‌هید بێ، سابڵاغ ئوتووبانی خه‌ونه‌كانته و به هیچ شێعرێك ناسه‌لمێ"


شه‌رم مه‌كه
مه‌خمه‌ری خه‌ون
دوایین به‌یانی ژیانت وه دره‌نگی خا
كێشی هه‌تاو
هه‌روا له سه‌ر شانی به‌یانییه،
لێوم كه ڕژایه ناو فینجان
سه‌گه‌كانی دراوسێش
تا دوا ڕۆژی ڕێبه‌ندان
مافی ئه‌وه‌یان هه‌یه وه‌كوو خه‌ونی گێلاسه‌كانی حه‌وشه دووانه بن
له ته‌كلیفی مومه‌ییزی خه‌ون و كاره‌با و
ڕووتایی نینۆكت كه گه‌ڕای
سابڵاغی بیرت
تا یه‌كه‌م خه‌ونی فه‌رمی دایره
به هه‌ده‌ری قۆڵی "با"وه كێشی زستان دیاری ده‌كا،
فڕۆكه‌ی سه‌رگه‌ردانی نیگاشم
له ئۆستووای شێعردا
حه‌سره‌تی عه‌قره‌به‌ی سرنجت ده‌خوا
زه‌وی ئێستاش بۆ شه‌قامێك بۆ ده‌رباز بوون به ده‌وری خۆردا ده‌سووڕێ
تا شه‌رمت وه دره‌نگێ كه‌وێ...
زه‌مان كه له دێڕدا شه‌هید بێ
ئه‌م پیاوه‌ی سابڵاغی تێدا قاتیه
مانیفێستی پاییزێكه له‌م بڕگانه تێناپه‌ڕێ؛
1. كه‌سایه‌تیه‌كه ده‌ست به ڕه‌‌گی هیچ پیاوێكه‌وه ناگرێ
2. هیچ ڕه‌نگێك باشاری ناكا
3. پاییز به‌رده‌وام ڕه‌نگه‌كان ماشه‌ر ده‌كا و به قژی ژنه شاعیره‌كانی ده‌فرۆشێ
4. له پاییزدا ئه‌و پیاوانه ده‌قه‌ومێن هیچ كات خه‌ون به ڕه‌نگه‌وه نابینن
5. پاییز ئه‌گه‌ر لاپه‌ڕه‌یه‌كی نارسیسیستش بێ ته‌نیا به سه‌ر پیاو دا زاڵه
6. پاییز پادشای وه‌رزه‌كان نیه، بووكێكه پێخۆر به ماتیك ده‌كا
7. پاییز سه‌نده‌ڵییه‌كه به‌‌شی حه‌سانه‌وه‌ی خۆریش ده‌كا
8. پاییز گورگێكه له گه‌ڵا، تۆبه به شاریش ده‌شكێنێ
9. پاییز عاده‌تی خه‌مۆكیی درێژخایه‌نی مانگه
10. پاییز په‌پووله‌یه‌كه هه‌ر كه له ده‌ستی خوا دا خه‌وت سنوور ناسنامه‌یه‌كه‌ی لێ ون ده‌بێ
11. یا نه پاییز سه‌ربازی ئه‌م شێعرانه‌یه واژۆی خۆیان نین
هیڵنج ئه‌گه‌ر ستراتێژی پاڵنه‌دانه‌وه‌ی سانسۆڕ بێ
مه‌خمه‌ر و فینجان و گێلاس
ئیزن له زه‌نگوڵه ده‌خوازن
تا زه‌وی له كاتی خۆیدا له بری سووران فوو له دۆ بكا
ئێره پاییزه و
خوا وه‌ك هه‌میشه لیمۆی خۆش ده‌وێ
مومه‌ییز و ڕووتایی و سابڵاغ كه‌ون بوون
لیمۆ بوو به ته‌عاڕوفی دوگمه‌یه‌ك مێژوو له ئه‌تڵه‌سی سینگی ژنێكی شارده‌وه و
له پاییزدا بوو به مه‌مك،
پاییز ئێستا كلیلی دروشمی حه‌وسه‌له‌ی شاعیره
واژۆی بێ ئیددعای ده‌رگای جیهانی ژنیشه...
شه‌رم مه‌كه
دوا به‌یانی ژیانت ئه‌گه‌ر له پاییزیشدا جێ بمێنێ
سابڵاغ هه‌ر ئوتووبانێكه خه‌ونه‌كانتی بۆ ناسه‌لمێ و
دێڕێكیشه له شێعری پیاو
دوور له تیتری ڕۆژنامه‌كان
خۆی ده‌پێكێ و
هێڵنج به پیاوه‌تی ده‌دات...


عه‌بدولقادر نیازی
     
  
مرد

 

*یاخی‌بوون لەو نامۆبوونەی كە ناوی بوون بوو*


بە هزرێكی دیواراوی‌دا
هەڵدەگەڕێم، هەڵدەگەڕێم، هەڵدەگەڕێم
وردەوردە، وردەوردە
بە چنگەفڕكە چوومە سەرێ و
چاو دەگێڕێم...:
ئەم دیوەم
بازرگانێكی نامۆیە و
سەرسووڕهێنەر...!!
ئەو دیوەم
خۆرهەڵاتێكی
سەد خۆری هەزار رێیە... ــ
لە دوندی دیوارەكە راوەستاوم
بگەڕێمەوە ئەم دیوەیان
یان
خۆ پازدەمە ئەو دیوەیان
گرینگ نییە...
گرینگیشە...
هەر هێندە دەزانم لە خۆم دەگەڕێم
بۆشم دەركەوتووە
(( یاخیم لەو نامۆبوونەی كە ناوی بوونە..))


موحسین مام‌ قادری
     
  
مرد

 

« له‌ولاتر »

رابورد ئێواره‌ و
سه‌ره‌و لێژ
باڕنی کرد له‌ حه‌واکه‌ت رۆژگارم.
ده‌مه‌ نه‌پوشکووتۆکانی غونچه‌ی ئه‌ستێران
له‌ تاسه‌ی بێزووکه‌ری کاتا
نه‌سه‌لماون ئێستاکه‌ش و
له‌ وێنا کرنی شه‌و خه‌سێنی کازیوا
وا به‌ سبه‌م ده‌وه‌ڕن
که‌ گێژه‌ڵۆکه‌ی ئه‌مڕۆم
هێناوییه‌تی به‌ری له‌چکه‌ و داوێنی وه‌راندۆ
تێپه‌ڕه‌، له‌ منیش ئه‌ولاتر
منکه‌ سۆنداوی تفم
کردوویه‌ غوسڵی دارتێله‌کانی فێرگه‌ی سه‌ڵته‌نه‌تیان
تۆش تێپه‌ڕه‌
له‌ متبه‌خی بێ چه‌وه‌ڵڕا
له‌ خۆشت ئه‌ولاتر .


شێعری '' ئارەزوو ئەحمەدی ''
     
  
مرد

 
« بایه‌خ »

فتوایه‌ک له‌ مناڵیم
له‌ چاوم
کوا ئه‌کرێ موتالای رۆشتی کرده‌وه‌م
به‌ نیازی پاپۆڕه‌که‌ی ده‌می
مل که‌چیم ببا به‌رده‌باز
که‌ ئاودزی ساویلکه‌ئیم نه‌بن.
رێگه‌کان قه‌رزدارمن
کووچه‌کانی
له‌ یه‌کتر کێشانه‌ ده‌ئامێزیان
ختیلکه‌ی حه‌زی هه‌نگاومیان ئه‌دا
به‌ خوتبه‌یه‌ک له‌
( واز )
نه‌ یه‌ک جار نه‌ دوو جار
به‌ر هه‌یوانی چاوانم
نبه‌وانی زریوانی ئه‌سرین ده‌بوون
له‌ کێلی بێ گۆڕ و مه‌زاری پێما
له‌ چه‌پۆکده‌ریی ده‌سه‌ڵاتی ده‌ستم
له‌ هه‌رێمی سه‌رما
ڕکی درۆکانی شاهانه‌ی
ده‌وڵه‌تی چاو له‌ ده‌ستیم ؛
لێیان ده‌چمه‌ به‌ڵگه‌دڕانی کویله‌تیمان
له‌ پاراوگه‌ی بایه‌خیان
بایه‌خ له‌ بایه‌خ خه‌م.


شێعری '' ئارەزوو ئەحمەدی ''
     
  
مرد

 

له چۆڵه‌وانی به‌رینی ناباوه‌ری
ئیمان به‌ وجود
خه‌یاڵی خاوی ناوه‌رۆكه
كه‌ به عێرفانی نه‌رمی گه‌ڵا به‌فرم ناسی
له هۆده‌ی قورماوی بیر و رامدا
له باران تۆرام
ئوبژه‌یه‌كی ساردم
له جێی ئۆبژه‌یه‌كی سارد و بی مانا چاند
چریكاندم به گوێی
په‌ڵه‌وه‌ره‌كاندا
كه ئاسمان جێی پیاسه‌ی ئاشقانه‌ی گولله‌یه و
ئه‌شق له چاڵه قوته‌كاندا
پیك بۆ به‌رده‌وامی هه‌ڵده‌دا
پێكه‌نیم به فرمێسك و
رژاندم چاوانم به خۆشی رێبواریم
له ژێر تاقانه داره‌كانی بڵیندترین كێوه‌كان
وا له ته‌نیایی دا هه‌ر هه‌ڵۆ ده‌یانگاتێ و
له چریكاندندا هه‌ر گوله
گریاوم بۆ هه‌رچی بزه‌یه
وا له‌سه‌ر لێوی ئاڵی مرۆڤی چاوه‌روانه‌وه
كاڵتر خۆی ده‌نوێنێ
له ئاوه‌دانی مێشك هه‌ڵده‌فڕێ
و رۆحم ده‌خزێته دره‌ختی سه‌ر سه‌وزه‌وه
ئه‌شق ئازادم ده‌كا و له‌هه‌ناسه‌م ده‌خا
خوێن به‌لاپه‌ره‌كاندا ده‌پڕژێ
و تامی ئازادی ده‌نوسمه‌وه
گه‌رمای فرمێسكه‌كان گۆنام ده‌سوتێنێ
و به‌ره‌و ناباوه‌ریم ده‌خشێنێ
هه‌ڵده‌وه‌رم و رۆحم له‌ خاك ده‌خزێ
جێ پێی هه‌ر چی هاورییه له دڵمدا ده‌نه‌خشێ.
چاوه‌كان فێری فه‌رامۆشی ده‌بن
ئه‌شق فێری تاڵی ته‌واو كردنی نه‌توانین
ره‌نگی ده‌نگی سه‌گی برسی ده‌نیشی له
تاڵی رووت بوون له خود دا
سوك و ساده لاپه‌ڕه‌كان
پێده‌كه‌نن
به یاسای داپۆشراوی بوون
به چاندنی خود له وجود و
هێنانه كایه‌ی من له باوه‌ڕه‌كاندا
پێده‌كه‌نن
به عێرفانی من گه‌یشتن
له ئوبژه‌یه‌كی سارد و سارد دا


دیمه‌ن سۆهرابی
     
  
مرد

 
" ئاشقانە"


لێیان پرسیم:
چاوی کام کیژۆڵەی جیهانت
پێ جوانە؟
پێیان گوتم : بەژن وباڵای کام
تولە نەمامت پێ لەسەر دڵانە
باسی ئەگریجە وبرۆ ونیگای
کار ئاسکی کوێت بۆ بکەین
کە لە بە رچاوت بێتە گۆ و
بۆ زامی دڵی زامدارت مەرهەمی ساڕێژ و
بە وێنەی دەرمانە
چوومە بەر دەرگای دڵم

بۆ جواب ؟
هەڵبژاردەی تۆ بۆ ئەوینداری
ڕێڕەوی داستانی خودای راستانە
شواری دڵ وخۆشاوی خوێن
بڕیار دەدەن
چاوی جوان وخومار
بەژن وباڵای لاوێن
ئەگریجەی لول ونیگای
پڕ لە ئەستێرە و
لەنجەولار
تەنیاو تەنیا لە لای کچی
کوردوستانە .



جه‌عفه‌ری که‌ریمی
     
  
مرد

 
ئه‌دره‌سی گوڵه‌كان

1

ئەگەر ئەوەندە عاشقی ده‌ریایی

وه‌ره‌ دەستم بگرە و

پڕمكه‌ له‌خۆت!.

با حه‌رفه‌كانی ناوم

له‌سه‌ر زاری تۆ ببیستم


2

ئه‌گه‌ر تامه‌زرۆی شه‌پۆله‌كانی ده‌ریایی

وه‌ره‌ نزیكم به‌ره‌وه‌


له‌م ته‌نیایی و بێ تۆییه‌

رزگارم كه‌


له‌ئامێزی گه‌رمی خۆتا


توندم بگره‌


به‌لای لایی خۆشه‌ویستی

به‌شیرینی وشه‌كانت

به‌ئارامی بم لاوێنه‌!.


3

نیگای چاوه‌كانی تۆ...

گڕی ئاگره‌و

ناخی ده‌ریا روناك ده‌كاته‌وه‌

ئه‌دره‌سی گوڵه‌كان

له‌رۆشنایی چاوت ده‌دۆزمه‌وه‌

خۆت ون مه‌كه‌

لێره‌ ژیان خه‌وێكه‌

زوو خۆری ئاوا ده‌بێ!.


4

من...

ده‌ریایه‌كی خه‌یالاویی و

تۆ...

شیعرێكی ئه‌فسوناوی

من...

كوڤانی سه‌دان ساڵی ته‌نیایی

تۆ...

ئه‌ستێره‌ی به‌ری به‌یانی

من...

به‌تاسه‌ی هه‌ڵفرین

هه‌موو رۆژێك شه‌و و رۆژ

تێده‌په‌ڕێنم

تۆ...

زه‌رده‌په‌ری ته‌مه‌نی

نه‌كه‌ی لێم ئاوابی

ئێره‌ ته‌نیایی پێبه‌خشیوم

تۆش خۆشه‌ویستی

ته‌نیایی و خۆشه‌ویستیت

هه‌ر ده‌مێنێ و

كۆتایی نایێ!.


5

باران ته‌ڕم ده‌كا

خۆشه‌ویستی ناخم

گه‌رم دامده‌پۆشێ

نازانم تۆ ته‌ڕم ده‌كه‌ی

یان

تۆی گه‌رمم ده‌كه‌یته‌وه‌

كه‌ هاتی

ته‌فسیری ئه‌وه‌م بۆ بكه‌!..




دەریا ڕەواندزی
     
  
مرد

 

کراس کۆدەری ئاورێشم با بەس ئاخت بۆ هەڵکێشم
کچێ به خودا سوێندت ئەدەم ساتێ وەره لات دانیشم
وەره، وەره له بەرانبەرم ساتی دانیشه
ڕۆژی دوو جار بۆچ ئەتۆری کردوته به پیشه


کراسەکەت چیتی مۆره تۆزێ هەڵیکه زۆر شۆڕه
دڵ هەر دڵێکه دامە تۆ، تۆ خوا چاوجوان دڵ مەگوڕه
وەره، وەره بەر پەنجەری گێلگێلەداری
خۆم ئەبم به میوانت ناسک و نازداری

کراسەکەت کەتانچینه موبارەکت بێ شیرینه
له سەر چی له من تۆراوی ڕەحمت بێ بەسیه ئەم قینه
وەره، وەره تو خوا وەره ئەی شۆخی دڵدار
من فیدای باڵای بەرزتم ڕۆژێ دو سەد جار



"فولکلور"
     
  
مرد

 
هه‌ر خۆشییه‌ک

له‌به‌ر ئه‌که‌م ..،

یان قۆڵه‌کانی درێژه ‌..

یاخود کورته‌ ..

یاخود فشه ‌..

یاخود ته‌نگه‌ ..،

به‌ به‌ری من ..!

هه‌ر خه‌مێکیش

له‌به‌ر ئه‌که‌م ..،

ڕێک ئه‌ڵێی بۆ من کراوه‌

له‌ هه‌ر کوێ بم ..!
     
  
صفحه  صفحه 24 از 103:  « پیشین  1  ...  23  24  25  ...  102  103  پسین » 
شعر و ادبیات

اشعار کردی و لکی

رنگ ها List Insert YouTube video   

 ?

برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.

 

 
DMCA/Report Abuse (گزارش)  |  News  |  Rules  |  How To  |  FAQ  |  Moderator List  |  Sexy Pictures Archive  |  Adult Forums  |  Advertise on Looti
↑ بالا
Copyright © 2009-2024 Looti.net. Looti.net Forum is not responsible for the content of external sites

RTA