تالارها ثبت نام نظرسنجی جستجو موقعیت قوانین آخرین ارسالها   چت روم
شعر و ادبیات

اشعار ترکی

صفحه  صفحه 13 از 56:  « پیشین  1  ...  12  13  14  ...  55  56  پسین »  
#121 | Posted: 4 Feb 2012 14:37


چشم سیه یار - حاجی رضا صراف

چشم سیه یار دل پیریلن اوینار
آهوی خطادیدیه باخ شیریلن اوینار
سالمیش اوزه تک خالین یاندیرسین حریفی
لیلاج دغل بازدی تدبیریلن اوینار
آئینه ده اؤز عکسینه یاریم اولوب عاشیق
صورتگره باخ چکدیگی تصویریلن اوینار
صبریم کسیلیر عمر آزالیر محنتیم آرتار
فوج مژه تا غمزه پی پیریلن اوینار
روحیم اوچار از بس کی سیزیلدار دل زاریم
مطرب کیمی دستگاه بم و زیریلن اوینار
اویناتماغا یوخ زولفون اگر اولما مکدر
دیوانه اولان حلقه زنجیریلن اوینار
مستانه گؤزون اوینادا قاش ائتمه ملامت
میخانه ده هر کیم قالا شمشیریلن اوینار
تؤک خنجر نازیله قیزیل قانیمی دورما
صیاد هاچان توتدوغو نخجیریلن اوینار؟
چوخ ائیلمه پیچ و خم و دستاریله بازی
قورخام دیه لر فتنه دی تزویریلن اوینار
اوینار تب عشقیله وجودوم گئجه گوندوز
صراف دی گویا غم اکسیریلن اوینار



     
#122 | Posted: 4 Feb 2012 14:39


دیلیم یانسین اگر - حاجی رضا صراف

دیلیم یانسین اگر دیلدن دییه م گل ترک ناز ائیله
ولی دلده تحمل قالمییب بیر قدر آز ائیله
خدنگ نازیلن ویردین منی ییخدین ، قویوب گئچمه
مسلمانم منه ایسلام رسمینه ن نماز ائیله
کرم قیل باشیمی ، تورپاقدان آل قوی دیزیوین اوسته
منی گل آخر عمریمده عمریم سرفراز ائیله
خراب ائتمه کلیگه دونیانی بیر ایما کفایتدی
نه فکر قتل نه قصد ترک ناز ائیله
سنه کج باخسا هر گؤز قویما گؤزدن ای کمان ابرو
اونی توت ال به ال قربان مژگان دراز ائیله
بلاگردانووام رحم ائت منه آل جانیمی قورتار
آلیم دردین منی گل دردسردن بی نیاز ائیله
تمام ائیله محدث شرح وئرمه حال محمودی
دانیشماق حالتین وار صحبت حسن ایاز ائیله
خدنگ جانستان غمزه جانان گلیر ای جان
اوتورما جسمده اؤز روحووی چیخ پیشواز ائیله
توکندی نقد عمرون گئتدی ای صراف بی مایه
قوجالدین چاره سیز اؤز دردووه بیر چاره ساز ائیله



     
#123 | Posted: 4 Feb 2012 14:39


قارا گؤزونده گؤزل - حاجی رضا صراف

قارا گؤزونده گؤزل قصد جان علامتی وار
بو جان اونوندو قوی آلسین منه نه منتی وار
گؤزون گؤز ائیله دی جان آلماغا قاشین آلدی
بو امر خئیرده قاش و گؤزون شراکتی وار
بو درد هجریلن اؤلمه ک اگر چه خوشدو منه
باشیم دیزینده وئرم جان بیر اؤزگه لذتی وار
نه قدر اوخ آتا مژگانلارین توتار سینه م
سنین اوخونلا منیم سینه مین رفاقتی وار
او خنجرین بو باشیم ، کس آپار منی قورتار
چکنمیرم بدنه باشیمین اذیتی وار
شکنج زولفووی گؤرجک دئدی نجوم اهلی
بو آی باشیندا غجب فتنه لر قیامتی وار
گتیر قدملریوه باش و جان ائدیم شاباش
گؤروم بو جان سنه قربان اولا ، لیاقتی وار
ملامت ائتمه منی مدعی اوتان تاریدان
بو عشق عشق مجازی دئییل حقیقتی وار
منیم بو عشقیمه به نزه ر نئجه سنین عشقین
ظهوری منده ائدیب جلوه ، سن ده صحتی وار
منیم نگاریمی عاشیق گؤزونده گؤرمه میسن
همین بو قدر ائشیدیبسن گؤزلدی شهرتی وار
زبان حال ایله حالیمدان ائتمیشم حالی
چوخ اهل حالدی یاریم غریبه حالتی وار
نه قدر من اونو چوخ ایستیرم اوره ک دولوسو
اونون منه بیره یوز مین ائله محبتی وار
ریاض حسن ده سیر گوله اولوب قانع
ریاضت اهلی دی صراف چوخ قناعتی وار



     
#124 | Posted: 4 Feb 2012 14:41


تؤکوب عذاره - حاجی رضا صراف

توکوب عذاره بو مه پاره زلف قاره گلیر
باخان هلالینه کجراست ذورالفقاره گلیر
چکیبدی قتلیمه خنجر ولیک اؤلدورمز
بو امیر خیره یقین ائیلیر ایستیخاره گلیر
پیاده وادی محنتده مات اولوب قاللام
او شاهزاده نی گؤرسم اگر سواره گلیر
شکسته کؤنلومو بیر گلدی ائیلدی ویران
خرابه ملکی خراب ائتمه گه دوباره گلیر
گلیر بو آهوی وحشی کؤنول خبردار اول
خیالی اؤزگه دی معلوم اولان شکاره گلیر
سالیبدی زولف سیاهین قراخط اوزره مگر
اؤلوب عزیزی ، سالیب قاره اوسته قاره گلیر
بهار اولاندا بئله رسمدیر اوخور بولبول
اوزون گؤرنده اودور کؤنلوم آه و زاره گلیر
او نازنین کیمی معشوقه ، من کیمی عاشیق
بئله گومان ائدیسیز بیرده روزگاره گلیر
انیسیم آه و فغان اولدو مونیسیم ناله
بو غم گونونده عجب آه و ناله کاره گلیر
رقیبی قویمارام عالمده راحت ایلنسین
او قدر آه و فغان ائیلرم که زاره گلیر
یولوندا مایه نقدی توکندی صرافین
گومانی ایندی بو اشعار آبداره گلیر



     
#125 | Posted: 4 Feb 2012 14:42


جانیم وای - حاجی رضا صراف

منی چرخ فلک آواره قیلدی خانمانیدان
کنار ائتدی کنار خسرو شیرین زبانیمدان
الیم چیخدی گولومدن گولشنیمدن گولستانیدان
طریق عشقده من چکمیشم ال باش و جانیمدان
اولان مجنون کیمی زنجیر عشقه بسته جانیم وای
وطن آواره سی غربت اسیری خسته جانیم وای
الیمده تار زولفی قصه پرداز اولدوغوم گونلر
کونولده تار عشقی سوزیلن ساز اولدوغوم گونلر
خوشا جانانیلن هم درد و هم ساز اولدوغوم گونلر
سر کوینده ایتلرلن هم آواز اولدوغوم گونلر
اولان مجنون کیمی زنجیر عشقه بسته جانیم وای
وطن آواره سی غربت اسیری خسته جانیم وای
دئیین جانانه ای خورشید مه رخساریوه بنده
کؤنول جمعیتی چون ذره نوروندان پراکنده
فراقین طاقت و صبر و تحمل قویمویوب منده
علیلم دردمندم دردیمین درمانی وار سنده
اولان مجنون کیمی زنجیر عشقه بسته جانیم وای
وطن آواره سی غربت اسیری خسته جانیم وای
سنه شایسته دیر گولمه ک نه چون بیر غونچه لب گولسن
ائدیبسن سینه می پیکانم غملن بیله گول گول سن
یانار قلبین منیم احوالیمه گر حالیمی بیلسن
اولان مجنون کیمی زنجیر عشقه بسته جانیم وای
وطن آواره سی غربت اسیری خسته جانیم وای
اگر من سیز گولوم گئسن تماشای گولوستانه
گؤرو دؤنسون الهی لاله تک باغرین قیزیل قانه
گؤزون بیماریم نرگیس الیندن آلما پیمانه
لبین قربانیم سالما نظر گلبرگ خندانه
اولان مجنون کیمی زنجیر عشقه بسته جانیم وای
وطن آواره سی غربت اسیری خسته جانیم وای
گؤروم منده سورا شمع رخون پروانه سیز قالسین
ایراق گؤزدن گؤزون بی سرمه زولفون شانه سیز قالسین
ائدن قان کرنلومو مویگون لبین پئیمانه سیز قالسین
او ایکی نرگیس مستین مئی و مئیخانه سیز قالسین
اولان مجنون کیمی زنجیر عشقه بسته جانیم وای
وطن آواره سی غربت اسیری خسته جانیم وای
اگر آلسان اله ساغر الینده باده قان اولسون
صراحی باشه چکسه ن حاشه لله نوش جان اولسون
دؤنوب پئیمانه یه باخسان اوزه اشکین روان اولسون
اوزون مخمور چشمین مست غمزه ن سرگران اولسون
اولان مجنون کیمی زنجیر عشقه بسته جانیم وای
وطن آواره سی غربت اسیری خسته جانیم وای
منی ترک ائیلییب گر اولسا یاریم اؤزگه لر یاری
گؤروم عالمده اولسون من کیمی غملر گرفتاری
داغیلسین رونق بازاری اسکیلسین خریداری
گئجه گوندوز اوزه اشک ندامت ائیله سین جاری
اولان مجنون کیمی زنجیر عشقه بسته جانیم وای
وطن آواره سی غربت اسیری خسته جانیم وای
گزیب من گؤرمه دیم دونیانی محنت خانه دن غیری
تاپیلماز کنج راحت گوشه مئیخانه دن غیری
انیس بزم خلوت یوخ غم جانانه دن غیری
دئمه صراف سن ده یازدیغین افسانه دن غیری
اولان مجنون کیمی زنجیر عشقه بسته جانیم وای
وطن آواره سی غربت اسیری خسته جانیم وای



     
#126 | Posted: 4 Feb 2012 14:44


لازیمدیر - حاجی رضا صراف

اگر چه ناز و غمزه او بت طنازه لازیمدیر
ولی ناز ائتمگه بیر حد و بیز اندازه لازیمدیر
گؤتور مرحم طبیبیم توتما زخم سینه سوراخین
بو دارالملک عشقه بیر آچیق دروازه لازیمدیر
کؤنول مشاطه قانین شیشه یه گر توتسا قوی توتسون
رخ جانانه چون زینت زمانی قاره لازیمدیر
اگر سلطام ملک عشق سن وئر ساخلاما باشین
خیال منصب سرداریلیق سربازه لازیمدیر
منی صباغ درد و غم بویار هر گونده بیر رنگه
یقین معشوقه عشقه لباس تازه لازیمدیر
چیخیب ترتیب دن اوراق اولوب مجموعه جسمیم
محبت رشته سیندن جلدیمه شیرازه لازیمدیر
نهمفته رازدیر آغزین اونی اغیاره بولدورمه
او گیزلین سره همراز اولماق اهل رازه لازیمدیر
دگیل لازیم کؤنول گنجشکینی پابند زلف ائتمک
او محکم پاچه بند ای نازنین شهبازه لازیمدیر
چمنده باغبان شمشاد و سروین ریشه دن کسدی
گؤروب چون شانه شمشاد او سرو نازه لازیمدیر
دئیین صرافه چوخ لاف محبت ویرما آرام اول
بساط عشقی گؤرمک صاحب اعجازه لازیمدیر



آغ آتیم - خوشنگ جعفری

آغ آتیم ، قول قاناتیم
آت قدمین یورتمه یئری !
آش تپه لردن
سیلدیریم تک سره لردن
سئله سینمیش دره لردن
بو نه طوفاندی گؤزل که لیگیمی
ایستیر آییرسین فره لردن
غیرتیم جوشه گلیر غملی خبردن
آغ آتیم – قورخما خطردن !
آغ آتیم قول ، قاناتیم ،
شیهه چک ، قوی سسیوه
بلکه یاتانلاردا اؤیانسین
یاتماغین واختی دگیل دورسون اوتانسین
یاتانین عؤمرو تالانسین
تازا نعلین وار آتیم
چال بو داغین سینه سینه ، قوی پارالانسین
چال داغین سینه سی باتسین ، یارالانسین
داشی داشدان ، آرالانسین
آغ آتیم قول قاناتیم
داش قایادان آشما چتیندی
قاباق اؤز یوققوشادی ، قاشما چتیندی
داغا دیرماشما چتیندی
داشا ، سووخاشما چتیندی
باخما یوللاری چتیندی
اورانین هئیبتی یوخدور
آغ آتیم همت ائله !
غیرتی یوخدور
هله اؤز یوققوشالار چوخدو قاباقدا
آشماق اولماز بو آیاقدا
آغ آتیم قول قاناتیم
بسدی ایاق ساخلاما ، گون باتدی قارالدی
گون گئچیب داغ دالینا رنگی سارالدی
داغین اوستون دومان آلدی
آغ آتیم ، بس بو نه حالدی؟
بورا یارقاندی آتیم دورما آماند.

آغ آتیم ، قول قاناتیم
آت قدم آیدینلیغا ساری
هؤرکوشن اوولاریلان
چیخ سره یاللاری یوخاری
قار قالان داغلارا سال بیر نفسین
قوی اریسین بوز کیمی چئگینینده کی قاری
سولاری آرخلارا سال بلکه سووارسین
قوری قالمیش اوبالاری
قوی بؤیوک گؤلده اؤزوشسونله
یاشیل باش سونالاری
آغ آتیم
جهد ائله باریسنی تاری !
آغ آتیم ، قول قاناتیم
طبعیمین دریاسی جوشقوندو
یئل اسدیر لپه لنسین
قوی چالیم صخره لره دالغامی
دالغام سپه لنسین
قوی یاغیش تک قورویان
داغلارین اؤستونده اله نسین
هرزه اوتلاری آپارسین
لالا بیتسین
هامی گؤللر تزه لنسین
گؤلو بلبل یییه لنسین
آغ آتیم ، قول قاناتیم
آت قدمین قلعه ی بابکدن آشاق
قارا گونلن ساواشاق
آت گؤلوندن سس آتیب
بابکین حالین سوروشاق

یئنه طوفاندا جوشاق
دریالار تک قوووشاق

آغ آتیم ، قول قاناتیم
شیهه چک قوی سه سیوه
هاجرین ترکینه چکسین نبی گلسین
قوی کور اوغلو آتینی داغلارا سالسین
ائشیدیب شیهه نی گلسین
الده کسگین قیلیجیلا
بویاسین قانه کئچل حمزه نی گلسین
قوی کرم سازینی سالسین دؤشونه
چؤللره دؤشسون
های سه سی ائللره دؤشسون
دئگیلن غملی کرم ایستر اگر ، اصلینی گلسین
دشمنین بلکه کسه ک نسلینی ، گلسین
قوی بو داغلاردا بؤیوک هلهله دوشسون
داغلارا ولوله دؤشسون !
آغ آتیم ، قول قاناتیم
منه بیر قالغی بابامدان ، بو ورن دیلدی
بونو چئگنیمه ساللام
قاراداغ باشینی آللام
اورا بیر ولوله ساللام
آغ آتیم دورما ، یوبانسان ، دالی قاللام
آغ آتیم ، قول قاناتیم
بیز اگر قلعه ی سیمرغ دان آشساق بیزه آزدی
باخما یوللار ناتارازدی
باخما بو قارلی دماوند
بو قفقاز بو هرازدی
باخما داغدا هاوا دوتقوندو ، آیازدی
باخما بو قیشدی بو یازدی
آغ آتیم آت قدمین دریا ، دایازدی
دریانی گئچسن اگر شهرِ نیازدی
اوردا هر قان کی تؤکولدو یئره
آزادلیقی یازدی
بشر آزادلیغا بازدی !
آغ آتیم ، قول قاناتیم
اوردا دولبرچین اوتو دؤرت پَر آچیبدی
اوردا دیلله نمگه دیل تازه شیرین دیللر آچیبدی
اوردا باغلاردا بوتون گ,ل لر آچیبدی
آغ آتیم
آت قدم آیدینلیغا ساری !



     
#127 | Posted: 4 Feb 2012 14:45


یار گئده نده - هوشنگ جعفری

باخدیم دالیسیجا یار گئدنده
بیر یولدا دئدیم باخار گئدنده
باخدی قاپیدان کئچنده گولدو
بیلمیردی اوره ک اومار گئدنده
باغلاندی دیلیم اوره کده ن آمما
آز قالدی چئکم هاوار گئدنده
گئتمه گئدیسن ؟ یاواش – یاواش گئت
جانیم بیلی سن چیخار گئدنده
دؤندر گؤزونو خومار – خومار باخ
قویما منی ده ، خومار گئدنده
سن سیزلیگه دوزمه گیم چتیندی
گل جانیمی آل قوتار گئدنده
سندن سورا عشقی نئیلیرم من
آل عشقینی ده آپار گئدنده
مئهر ائیله نوازش ائیله بلکه
گول بیتسین اورک ده قان گئدنده
من گؤر نه دئییردیم اؤز اؤزومنه ن
قول بوینوما بیر سالار گئدنده
بیچاره اوره ک بولود کیمین دیر
گؤردوکجه سنی دولار گئدنده
دای « جعفری » بسدی سیزلاما چوخ
سؤز اوستادی شهریار گئدنده
ایراندا هونر دیلنچی لیک دیر
باخما کی تاپار ویقار گئدنده




بایاتی لار

عزیزیم ایر باشین
یاسدیغا دیر باشین
باشینی قووزا غریب
گلدی سنین یولداشین
*
عزیزیم اوو سه سی وار
داغلاردا اوو سه سی وار
غریبین نه قوهومو
نه ده بیر کیمسه سی وار
*
عزیزیم سؤز دئمکدن
هئچ دویمور سؤز دئمکدن
جانیم محنت ده کئچدی
یار دئییب گؤزله مکدن
*
عزیزییم چکمه کدن
قلیات آلیب چکمه کدن
قدیم کمانا دؤندو
غربت دردی چکمه کدن
*
سوراغین آلدیغیم یار
من یولا سالدیغیم یار
اوره ییمه اود سالیر
غربت ده قالدیغیم یار
*
داغلاردا مارالیم یار
اوره گیم یارالیم یار
غریب لییه دوشموشم
گؤزله رم قراریم یار




     
#128 | Posted: 4 Feb 2012 14:48


اسوبدي بادخزان نوبهاريميز گيتدي
الوبدي طاقتي الدن بوچرخ دورزمان
هميشه بين ملل اعتباريميز واريدي
اوگونكه عزتيميزشهرياريميزواريدي
اوتاجداريدي اشعاره اوز زماننده
نه شهريار بيزه افتخار و عزتيدي
اگرچه چوخلي بيزيم افتخاريميزواردور
اگرچه ملكوموزون لطفي يوخدي شاعرينه
حسادت اهلي بيرازچوخدي ملك ايراندا
حسادت اهليدي شعرين قوروتدي ريشه سني
ندندي بيرده تاپولمور ابوعلي سينا
هنوزملكوموزون واردي چوخلي شهرياري
حسات اولماسا الدن دوتالا بيربيرينون
هاني اوبيرلقي شاعرلرين بوتبريزده
اوگوژلي شاعرين الدن دوتوب آدين چخادون
بونوعي كشمكشيله بيري باشا گيتمز
نه سوزدي بوديوسن بيرده حافظ اولميه جاق
بوشهرلرده نه چوخ حافظيله سعدي وار
بيزاتحادايله ساخ چوخلي واردي شاعريميز
بيرآزدا باعثي بوانجمندي ارشاددي
بجاي طعنه گلون شاعري ايداخ تشويق
گورنده شاعري بعضي قاچور اجنه كيمي
بدون عيب فقط ايه هاي قرآندي
گورنده شعريني اصلاح ايله بومغربنون
وصال وقتي سووشدي نگاريميزگيتدي
زمانه اولدي عوض اختياريمزگيتدي
بولنميرم نه گلوب اعتباريميزگيتدي
دونرگه دوندي اله شهرياريميزگيتدي
قويوبدي تاجي يره تاجداريميزگيتدي
اونيله عزتيميز افتخاريميزگيتدي
بونيله بيله گنه شهسواريميزگيتدي
ندندي بيرلقمزهرنه واريميز گيتدي
اودورعالم وعلم دياريميزگيتدي
بودوركه قورخودان علم كباريميزگيتدي
بهائي تك ندي شيرشكاريميزگيتدي
اوقطبيدي بيزه قطب ماريميزگيتدي
گوررسن اوندايولاراه وكاريميزگيتدي
يواش يواش اودوكي اقتداريميزگيتدي
كه اوزگه لرديمه سين هرنه واريميزگيتدي
گوررسن اونداتمامي عياريميزگيتدي
بولارندور ديولور اشتهاريميزگيتدي
ديمه كه اولميه جاق يادگاريميزگيتدي
گوررسن اونداكه دوتقون فكاريميزگيتدي
گورنده شعري ديولله وقاريميزگيتدي
نه اينكه هامي دياخ كاروباريميزگيتدي
كه گلمه سنله بيزيم اشتهاريميزگيتدي
ديمه كه قافيه ابداريميزگيتدي
نوخوشلاما ديمه كه ابتكاريميزگيتدي

دوشنده ياديمه سنگرده رمز يازهراس
اوگون اوتورموشودوم سنگريمده عشقيله
قضامنيم يولومي سالدي پشت خاكريزه
وروب گلن گيدني دوردولارولي حيران
باخانداهراوچونون يوخدي گوردوم اسلحه سي
بيري ديديكه قوتاردوخ فشنگي ظهرچاقي
بري جبندن اوساعت چخاتدي بيرنامه
بله خيال الديم نقشه دي الندن الوب
يازوب آناسي اوغول ايندي نذرايله ميشم
مني آپارسن اوزون كربلا زيارتنه
ديديم اگرسيزي آزاد ايدم بياباندا
گتوردوم هراوچوني سنگره مشقتيله
ديديم ندورجرياني اوشاقلاراولدي خبر
قالوبلابيرنچه گون گلدي تازه دن نيرو
اوگونكه جنگ قوتاردي امامين امريله
اسيرلر آراسندا تصادفا گوردوم
دوشوب گوزي منه بيردن بيري اواوچ نفرين
گليب اياقمه دوشدي هزار شوقيله
ويروب منه ادرس كربلايه گلسن اگر
عماره شهريدي مسكن بيزه عراق ايچره
اوپوش گوروش الدوخ آيريلوب سواراولدي
دولاندي بيرنچه ايل كربلايه دوشدي يولوم
خلاصه تلفون ايدوب منزلي نشان ويرديم
ولي آناباجيسي گلوب قارداشي قوجا آتاسي
النده بيرنچه جعبه ويروبدي آلموردوم
چوخ اولدي صحبتمزآخرايريلوب گيتدي
قويوبلاجعبه ده چوخ رنگ برنگ لباسلري
قويوب پاكاتدامنه مين دلاريازوبدي اوزي
اوياخجلق كه منه ايتميسن يقين هيهات
اودوركه ياخجلقين واربودهريده عوضي
الين دوتون بيرينون خاصه دست مظلومي
بواوش گون عمربرادريقين گيچوب گيدجاق
ماكافاتين گوره جاق بوجهانداهرعملين
گل اتحادايله بيگانه ني سووندورمه
بوبش گون عمره گوره گل اياقلاما قانين
خيانت ايليه ني چاتماسين باشايارب
بيزاحترام الياق ايتمياخ شهيدانه
يازوبدي مغربي واردورسندبواشعاره
يازوب شهيدلره خاطرنه لوح تقديره
حسادت اهلي پشيمان ايدوربيري يازسين
دگول اوشعركه دستوروفعل وفاعليله
اصيل شعراودي متني مخاطبه يتوره
خيال ايوينده مجسمدي صحن عاشورا
ديديم دوروم دولانوم بوچولي غميم آزالا
نگوردوم اورداياتوب اوچ عراقي بي سروپا
ديديم اسيرسوزايندي منه دورن اياقا
ديديم عجبدي هاني اسلحوزاولون گويا
آتوب سلاحي ديدوخ صبرايداخ كه گون دوتولا
اوپوب گوزاوسته قويوب ايليردي شكرخدا
باخانداناميه گوردوم باشندايازهراس
بوجنگدن گله سن بي كراهت وايذا
قبول ايتسه اگر نذريمي حق يكتا
خطرتاپارگوزي يولداقالارباجيلان آنا
يتشدي عده اي رزمنده اولدولارجويا
سوويرديلرواريدي اللرينده هرنه غذا
سفارش ايلدوخ ايتسونله احترام اولارا
معادله اولونوردي او وقتكه اسرا
دوروبدولارصفه گيتسونله رداولاندا قوا
چخوبدي صفدن اولوب جمعدن اودمده جدا
اوپردي گه اياقمدان ايدردي ذكرودعا
تماس دوت منيله گرچه يول اوزاقدي اخا
گنه گلوب ايدرم حق زحمتيوي ادا
گيده گيده گنه ده گوزلري قالوب داليدا
ديدوم تماس دوتوم حيدريله اولسا روا
صباح اولاندا نگوردوم گليب دوروب قوپودا
توكوله گوزياشي گورجاق ايدوله حمدوثنا
زبسكه ايتديلر اصرار قويدولاراطاقا
آچاندابوقجاني گوردوم الهي واويلا
بيرايري ايش مني حيران ايدوب ايدنده جدا
اولومدن ايله ميسن سن مني اوچولده رها
چخاياديمدان ايديديم گرگ گوزومي فدا
كه بولمسون بيري اماگورورخداي علا
دوشنده ايش اليوه ايتمه خلقدن سن ابا
تكبر ايلمه بوخلقه ايلمه ايذا
چه ياخجلق وچه پسلق گورورخداي سما
گورورجناندا بيزي قانلي ياره لي شهدا
براي پست ومقام وبراي سيم وطلا
مقدس هفتيه خاطر بخاطر شهدا
مكاندي چون اولارا خلدو جنت ماوا
بيان اولوب اونا اهوازدا ايليوب انشا
ولي عدالتيله شعره باخ اولوب املا
قالوبدي گوشه عزلتده زمره شعرا
گركدي شعرگله خاميه زسوي سما
منم دن اوتري ندورايليسوزبيله دعوا



     
#129 | Posted: 4 Feb 2012 14:50


سوئیله ای گول، هانسی باغین، سن گولِ رعناسی‌سان؟

هانسی گلزارِ بهشتین، سروی سن، طوُباسی‌سان؟

آچما زولفون عطریله بیهوش ائدرسن عالمی

چونکی سن دشتِ خطانین، عنبرِ ساراسی‌سان

نازنین جانان گؤزه‌للر، قارشی دُورماز روُیینه

جمله سیندن سن گؤزه‌ل‌سن، هامی‌نین اعلاسی‌سان

باغبانین کیملر اولموش؟ گؤزلرین حئیرانی‌یام

سن مگر گلزارِ حُسنون نرگس شهلاسی‌سان؟

گؤرمه‌یینجه گول اوزون، جسمیمده قالماز طاقتیم

روحی‌سان گویا، بو مسکین عاشیقین، اعضاسی‌سان

من کیمی مینلرجه مجنولار، اسیروندیر سنین

سؤیله یاریم، دوغرو سؤیله، سن کیمین لیلاسی‌سان

اینجیمه‌ز، «واحد»، او گول آه و فغانیندان سنین

سن گؤزه‌للر باغی‌نین بیر بولبولِ شیداسی‌سان



     
#130 | Posted: 4 Feb 2012 14:53


عاشیقم عاشیقم ای دلبر اعیان سنه
ور می شم طاقتیمی صبریمی ای یار سنه
سو ورم بزم اولا خلوت قویاسان من الی یم
غمی می محنتیمی دردیمی اظهار سنه
گزرم کوچه و بازاری دالین جان سوخارام
پیچاغی قارنینا هر کس اده آزار سنه
نی یه وه وه دیی سن اینجیدیری قوی چخادیم
سخسا باشماغ ایاقون اولسا اگر دار سنه
گل اوتی دیم مه دانشما نجه توتسان گچه جک
دمه خاطیر قویاجاخ چرخ جفاکار سنه
گل اوتی قو زا قچن گیی دیریم ای یار عزیز
قره دون آبی بلوز قرمزی شلوار سنه
دل من باز به سودای تو دیوانه شده ست!
در غمت بی خبر از خانه و کاشانه شده ست
زاهد از عشق تو بیهوده مرا منع کند
جهلش این بس که نصیحت گر دیوانه شده ست



     
صفحه  صفحه 13 از 56:  « پیشین  1  ...  12  13  14  ...  55  56  پسین » 
شعر و ادبیات انجمن لوتی / شعر و ادبیات / اشعار ترکی بالا
جواب شما روی این آیکون کلیک کنید تا به پستی که نقل قول کردید برگردید
رنگ ها  Bold Style  Italic Style  Highlight  Center  List       Image Link  URL Link   
Persian | English
  

 ?
برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.



 
Report Abuse  |  News  |  Rules  |  How To  |  FAQ  |  Moderator List  |  Sexy Pictures Archive  |  Adult Forums  |  Advertise on Looti

Copyright © 2009-2020 Looti.net. Looti.net Forum is not responsible for the content of external sites