تالارها ثبت نام نظرسنجی جستجو موقعیت قوانین آخرین ارسالها   چت روم
شعر و ادبیات

اشعار ترکی

صفحه  صفحه 23 از 56:  « پیشین  1  ...  22  23  24  ...  55  56  پسین »  
#221 | Posted: 10 Apr 2012 07:27


غريب بير يولچويام
غريب بير يولچويام ايندي ،
كؤنول غملي – غملي ديندي ،
بو درديمي هامي بيلدي ،
ياريم ندن بيلمز اولدو .
او يار آيا ، گونه دؤندو ،
ياندي باغريم كوله دؤندو ،
گؤز ياشلاريم سئله دؤندو ،
ياريم ندن سيلمز اولدو .
داغلاريمي دومان آلدي ،
عؤمرو ، گونو زامان آلدي ،
گؤزلريم يوللاردا قالدي ،
ياريم نه دن گلمز اولدو ،
بو حسرتدن گلديم جانا ،
اريييرم يانا – يانا ،
اؤتوب كئچير سايماز يانا ،
مني نه دن گؤرمز اولدو ،
قارلا ياغديردي يازيما ،
جواب وئرمدي سؤزومه ،
نه دن دير بير يول اوزومه ،
او يار باخيب گولمز اولدو



     
#222 | Posted: 10 Apr 2012 07:31


او يالانچي ايللر گونه ديمزميش ،
گول وئرديم ، وئردييم گوله ديمزميش ،
گؤزوم ده چاغلايان سئله ديمزميش ،
حئيف او سؤگييه ، او محبّته .

بير دفعه اوره ك دن گوله بيلمديم ،
كؤنلومو كيمسه يه وئره بيلمديم ،
سندن باشقاسيني سئوه بيلمديم ،
حئيف او سؤگييه ، او محبّته .

سنسيز گئجه لريم يوخو بيلمدي ،
ايچيمده آليشان آهي بيلمدي ،
من بيلديم ، سن بيلدين ، چوخو بيلمدي ،
حئيف او سؤگييه ، او محبّته .

اؤزومون اؤزومدن آجيغيم گلير ،
دوستلاريم كدرلي ، دوشمنيم گولور ،
اؤلن سئوگيميزه يازيغيم گلير ،
حئيف او سؤگييه ، او محبّته .

سولتانليق تاختيميز دئوريلدي نئجه ،
كولكسيز ، طوفانسيز سوورولدو هئچه ،
او سئوگي نيفرته چئوريلدي نئجه ،
حئيف او سؤگييه ، او محبّته .



     
#223 | Posted: 7 May 2012 12:29


شعر جدید ترکی میانرودان
چوخ گوزلدی میاروانین داغلاری

گزمه لی دی باغچالاری باغلاری

کره لری قیماق لری یاغلاری هر نه دئسم سندن آزدی میاروان

سنون قیشون منه یازدی میاروان

یاز اولاندا بولبولرین نواسی

کورپه لرین گلر سسی صداسی

قودوخلارین لوتوگلری اداسی اوئلکه لر ایچینده خالدی میاروان

سالمانی یادیما سالدی میاروان

فرح لنیب باش قویاسان چوللره

بیر باخاسان داش تپه یه یوللره

سن سورسن آتی قزل گوللره تک سویودون کولگه سینده یاتاسان

غم غصه نی بیر باشوندان آتاسان

مبهوت ائدیر بو طبیعت اینسانی

یتیم قالسین بو بی وفا دونیانی

میرزا قلی حضر تقلی مکانی چوخ اینسانلار بوردا زحمت چکیبلر

ز میلرده آرپا بوغدا اکیبلر

قزل گوللر اوستی سردول دره سی

کهلیگ اوخور یانیسیندا فره سی

بو دوشلرین سوپورگه سی تره سی قوزوچولار گلیب بوردان گچلر

بولاغیندان سرین بیر سو ایچلر

میرزا حسین دره سینین آدی وار

بو دره ده اوت بیچمگین دادی وار

صفینن ستارین بوردا یادی وار رحمتیکلر چوخلی بیچین بیچیبلر

بو اوئلکه ده جانلاریندان گچیبلر

اوردان قوزان بیر آشگینان سردوله

ایله بیل کی بولبول باخار تک گوله

اوردا سونبول قاش گوز آتار بولبوله یاراداندا تک یارادیب ایلهی

اوزی اولسون بو میلتین پناهی

هر طرفین سوسن سونبول بزردی

بیلر آتین مینیب بوردا گزردی

عاباس عرضین نازلی یاره یازردی هم آتلاری قوشان یردی بویرلر

هم دردیمی دشان یردی بو یرلر

بیچینچیلر بوردا درگاز ورالار

اوستدن آلتا اوزون هلی سالالار

مصلحتدن ساعات خبر آلالار ملی دیر آزجا قالیب اون اولا

یتیم تزاول دو خلواری سال یولا

خلورچیلر بوردان خلور داشالار

آق تورپاخدان گچیب کنده آشالار

قاییداندا آتلارینی قوشالار بیری کتده خلورینی آچان یوخ

بیری یولدا خلور آشیب چاتان یوخ

خوش گونلریم یهرچیده گچردی

مرغ روحیم قاناد چالیب اوچاردی

قویون قوزی داغدان داغا قاچاردی سن بهیشته رقیب اولدون یهرچی

دردیمیزه طبیب اولدون یهرچی

بیر های گلدی ایت دوشانی قاچیردی

بیلدیرچینی کول دیبینن اوچوردی

مش بالاجا عمرون بوردا گچیردی رحمتیگین یونجالیغی یول اولدی

غم غصه میز آز آلماخدان بول اولدی

حیران قویوب طبیعتی یارادان

بهیشت ماواده یوخدی بوسودان

بویوک اینسالاری یادا سالمادان فلک بیر بیر جانلارینی آلیبدی

بو یرلرده تک آدلاری قالیبدی

مشه کرم بوردا اوخار جیرانی

اوزوم اولوم خومار گوزون حیرانی

قوزوچولار بوش گورنده میدانی حیوانلاری زمیلره سالالار

داغ باشیندا اوتلارینی قالالار



     
#224 | Posted: 7 May 2012 12:33


دولاشما

اي باد خـزان گـل , گول خندانا دولاشما

گئت اوز ايشيوه لاله نـعمانــا دولاشما

گر بـاده ايچيب مست اولاسان چيخما ادبدن

ساغــر دن اوتــان , ساقي دورانا دولاشما

مين آددا قويارسان خليج , فارس آدي اولماز

تـاريخــدن اوتــان , كشورايرانا دولاشما

رستــم تكين اصلانناري ايـراندا گوروبسن

گئت بــير ده داهي , رستم دستانا دولاشما

يــوخــدور بـو حرمخانه ده نامحرمه مامن

اي شــانه ساقين زلـف پــريشانا دولاشما

ديـوانه ديئـب ملت ايـرانا , گلوبسن

ديـوانه يه اي عــاقــل و فـرزانه دولاشما

مين عاشق ديوانه يه باخ ,بوردا ,آماندير

عـشاق ائويـنه,اي ائوي ويـرانا,دولاشـما

يوخ چاره منيم درديمه , (سرخي) ده طبيبه

بير شخصه كي اولماز , چاتا درمانا , دولاشما



     
#225 | Posted: 7 May 2012 12:33


گونده منه باش ووران ، ایندی منه داش وورور
ایندی منه داش ووران ، اوزگلره باش وورور
اوزگه اگر داش وورا ، دردینه دوزمک اولار
باخ بوراسوز بوردادی ، داشلاری یولداش وورور
.
.
.
دریادا گمیم قالدی
اکمدیم زمیم قالدی
آرزون جانیندا قالسون
نجه کی منیم قالدی
.
.
.
قیزیل گولم در منی
مخمل اوسته سر منی
الله اوزی شاهدی
چوخ ایسترم من سنی
.
.
.
قاشلارین اوخدی سنین
عاشقین چوخدی سنین
من سنی چوخ سئویرم
خبرین یوخدی سنین
.
.
.

دونیادا اوشدانا شی چوخ ایسترم
داغدا داشی
گوزده یاشی
سن کیمین ناز یولداشی
.
.
.
اگر من نقاش اولام دونیانی زندان چکرم
اولومی ، آیرلیقی ، حسرتی پشمان چکرم
اگر من صیاد اولام ، سن کیمین جیران اودونا
اوره گی پاره ادیب عشقیوه هیجران چکرم
.
.
.
ای گول سنی دنیایه مقابل توتارام
دنیا منیم اولسا ، سنه خاطر ساتارام
.
.
.
گزلیم گزلریم رحم ایله اغلاتما منی
عشقیمین قدرینی بیل ، آیریسینا ساتما منی
من سن جان دمیشم باقریمی گان ایلمیشم
بو قریبانلرین محملین ساتما منی
.
.
.
اورییمله باجارمرام او گزلره ویریلمیشام
لیل سو کیمی آخیب گلیب چاتیب سنده دورولمشام
آتما منی زمان چاشیب بو دونیادان یورولمیشام
.
.
.
یاغیش یاغیر داشلارا
دیین اوچان گوشلارا
آپارسین بیزدن سلام
وفالی یولداشلارا
.
.
.
عزیزیم آشا آشا
سو گلیر داشا داشا
بیر جانم وار ثروتیم
اودا قربان داداشا
.
.
.
داغدا پائیز اولاندا
ساری سنبل سولاندا
یارا ائلچی گوندررم
اون بئش یاشی دولاندا
.
.
.
یاریما اولسون سلام
قوی کی دییم بیر کلام
ایستییرم من سنی
ایسته منی والسلام
.
.
.
اللریوی ور الییم ، گوزلریوی تیک گوزوما
سن کیمین دونیانی ورمرم بیریسینا
.
.
.
عاشق آدین شیرین دی
فرهاد دوستو شیرین دی
دوست دان دوستا گلن پای
بئچه بالدان شیرین دی
.
.
.
اولدوز گلیب آی اولماز
بهار گلیب یای اولماز
نجیب لرین ایچینده
هیچکس سنه تای اولماز



     
#226 | Posted: 7 May 2012 12:37


ياتميش هامی بير آللاه اوياقدير داها بير من
مندن آشاغی کيمسه يوخ اوندان دا يوخاری

قورخوم بودی يار گلمه يه بيردن ياريلا صبح
باغريم ياريلار صبحوم آچيلما سنی تاری!



     
#227 | Posted: 7 May 2012 12:37


آذربایجان مارشی
آذربایجان سن سن منیم
حورییتیم شأن شؤهرتیم
آدین منیم اؤز آدیمدیر
سن سیز منیم نه قیمه تیم
آذربایجان آذربایجان
یاشا یاشا آذربایجان
نفسیمیز بابک لرین
صابیرلرین گور نفسی
ماهنیمیزدا یاشار بیزیم
بابالارین آیاق سسی
آذربایجان آذربایجان
یاشا یاشا آذربایجان
بیز تاریخا سیغینمادیق
دونه ن واریق بو گون واریق
بیز گئچمیشه گووه نره ک
گله جه یی آددیملاریق
آذربایجان آذربایجان
یاشا یاشا آذربایجان
Azərbaycan marşı
Azərbaycan sənsən mənim
Hüriyətim şan şührətim
Adın mənim öz adım dır
Sənsiz mənim nə qimətim
Azərbaycan Azərbaycan
Yaşa Yaşa Azərbaycan
Nəfəsimiz babəklərin
Sabirlərin gor nəfəsı
Mahnımızda yaşar bizim
Babaların ayaq səsi
Azərbaycan Azərbaycan
Yaşa Yaşa Azərbaycan
Biz tarıxa sığınmadiq
Dünən vardığ bu gün varığ
Biz geçmişə güvənərək
Gələcəyi addimlariq
Azərbaycan Azərbaycan
Yaşa Yaşa Azərbaycan



     
#228 | Posted: 7 May 2012 12:38


ساوالان چنلی چاغیندا

منیم ایلهامیم اولارکن

کؤنلوم اؤز سیرری سؤزون صدق ایله سؤیلر ساوالانه

ساوالان کؤز قالادار شاعیر اولانلار سینه سینده

اوردا زرتشت گئدیب تانریدان ایلهامین آلانه

اگیره م باش ساوالانه، اگیره م باش ساوالانه



     
#229 | Posted: 7 May 2012 12:39


دده قورقود سازی چالسا

دلی دومرول باش اوجالدار

بلی البته کی یولداش باشینی یولداش اوجالدار

سسله عاشیق سازی چالسین

سسیمیز بیرده اوجالسین

اویناماق لیزگییه دؤنسون

کاس شوشم گوزگویه دؤنسون

قوی وئره ک سس سسه باهم اوخویاق بیرده کوراوغلو دلی سینده ن

هجه رین قوچ نبی سینده ن



     
#230 | Posted: 7 May 2012 12:41


یارین عشقینده کونول قان اولا، خوشدور
هجرینده گوزوم هر گئجه گریان اولا، خوشدور
من کی بو قارا گوزلولر عشقینده اسیرم
سینه م هدف ناوک مژگان اولا، خوشدور
سن عصریمیزین ایندی زلیخاسی سن، ائی گول
عاشق سنه مین یوسیف کنعان اولا، خوشدور


*****

یار اوچون عاشق اودور شوقیله جاندان گئچسین
کیم وفا بسلییه جک دوستونا جان قویمویانا؟

سنده واحد وطن اوغروندا چالیش مرد کیمی
اینجه قلبینده بویوک حس محبت اویانا


****

زولف زنجیرینه عقلیله اسیر اولمامیشیق
عشق دیوانه سی ییک باخما بو نقصانیمیزا

گلدی گول فصلی بیزی ساقی نظردن سالدی
پیر میخانه گره کدیر باخا دیوانیمیزا

*****

آيرليغين باغرين ياريب گلميشم
سودانين غنچا‏سين دَريب گلميشم
دنيزين، دالغانين، دومانين، چه‏نين
ظاليم اور‏کلرين يوروب گلميشم



     
صفحه  صفحه 23 از 56:  « پیشین  1  ...  22  23  24  ...  55  56  پسین » 
شعر و ادبیات انجمن لوتی / شعر و ادبیات / اشعار ترکی بالا
جواب شما روی این آیکون کلیک کنید تا به پستی که نقل قول کردید برگردید
رنگ ها  Bold Style  Italic Style  Highlight  Center  List       Image Link  URL Link   
Persian | English
  

 ?
برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.



 
Report Abuse  |  News  |  Rules  |  How To  |  FAQ  |  Moderator List  |  Sexy Pictures Archive  |  Adult Forums  |  Advertise on Looti

Copyright © 2009-2020 Looti.net. Looti.net Forum is not responsible for the content of external sites