تالارها ثبت نام نظرسنجی جستجو موقعیت قوانین آخرین ارسالها   چت روم
شعر و ادبیات

اشعار ترکی

صفحه  صفحه 29 از 56:  « پیشین  1  ...  28  29  30  ...  55  56  پسین »  
#281 | Posted: 23 May 2012 07:32
بو کارواندا سؤزون ذوالفقارینی داشی سان

و ظولمو ییخماق اوچون کوکره ییب جوشوب داشی سان

قیامی دوز او سولان لحظه لرده دیرچلتدین

جهانه ثابت اولوندو کی نهضتین باشی سان

سنین اؤنونده یزید آلچاق ایدی خیردالدی

قادین حماسه سی نین، سن یقین تمل داشی سان

جمال حقین عیاندیر بو جلوه گاهیندا

حسین اگر گؤزو اولسا یقین کی سن قاشی سان

اسارتین یوکو، قارداش داغی، بؤیوک حسرت

او خیرداجا اوره یین ایچره گؤر نه لر داشی سان

یقین کی قارداشیوین قانی سنده دالغالانیر

حسینه سن باجیسان، سن وفالی قارداشی سان

اؤنونده دیز چؤکوب آنجاق بوتون قارانلیقلار

گونش حماسه سی سن، اودلانیب ایشیقلاشی سان

حسین نهضتینی سن یاشاتدین عالمده

یاشا کی، کرب وبلاسی دورونجا، سن یاشیسان.

     
#282 | Posted: 23 May 2012 07:37
سالما گوزوندن منی بیگانه تک

گل دولانیم باشیوه پروانه تک

گل قولومی حلقه لییم بوینونا

تئللرینی دسته لییم شانه تک

من سرکویینده سنون بیر قوشام

دامه سالیب قاره خالین دانه تک

مرحمت ائت قویما یانیب قورتاریم

قویما چاتا عومرومی پایانه تک

هی سر کویونده سنون گلمیشم

آه و فغانه ائله دیوانه تک

ایستیرم هر گون دولانام باشیوه

اگله شه سن صحنه ده جانانه تک

قلبیم ائوین گوزیاشلا سیلمیشم

ساخلامیشام وصلتیوه خانه تک

     
#283 | Posted: 23 May 2012 07:41
یارین بیون قوجاقلادیم ، یار آغلادی من آغلادیم

ییغیشدی قونشولار بوتون ، جار آغلادی من آغلادیم

باشیندا قار قالان داغا ، دانیشدیم آیریلیق سؤزون

بیر آه چئکیب باشینداکی ، قار آغلادی من آغلادیم

طاریمدا نار آغاجلاری،منی گؤروب دانیشدیلار

بو یوموزیتون اوخشادی، نار آغلادی من آغلادیم

ائلئی کی اسدی بیر خزان،تالاندی گوللریم منیم

خبرچاتینجا بولبوله،خار آغلادی من آغلادیم

اورک سؤزون دئدیم تارا،سیملر اولدو پارا پارا

یاواش یاواش سیزیلدادی،تار آغلادی من آغلادیم

دئدیم کی حق منیمکیدی،باشیمی چئکدیلر دارا

طناب کسنده بوینومو،دارآغلادی من آغلادیم

جعفرییم؛بویوم بالا،غم سینهمده قالا قالا

یار جانیمی آلا آلا،یار آغلادی من آغلادیم

     
#284 | Posted: 23 May 2012 07:43
کلید تبریز = همراه گل نرگس
[صفحات انتظار]
آبونه ی خوراک من شوید!

اللهم عجل لولیک الفرج-تصاویر
درباره تبریز

دسته بندی: شعر ترکی
اردیبهشت۸۱۳۸۹
حضرت صدیقه طاهره (س)‌نین شهاده‌تینده نوحه
عبدعاصی
۰

حضرت صدیقه طاهره (س)‌نین شهاده‌تینده نوحه
قوْشار: تبریزلی رضا صراف

چون محبت بزمی خلوت‌دیر عم‌اوْغلێ یا علی
گل ائده‌ک صحبت غنیمت‌دیر عم‌اوْغلێ یا علی

بیر دقیقه قوْیمادێ عالمده قلبین شاد اوْلا
درد-ی-محنتده‌ن موبارک خاطیرین آزاد اوْلا
چوْخ اذیت‌لر سنه وئردیم ائوین آباد اوْلا
ایندی وقت-ی-رفع-ی-زحمت‌دیر عم‌اوْغلێ یا علی

دوْیمادێم بۇ عالم-ی-الفت‌ده سنده‌ن آغلارام
قبرده هم ائیله‌ره‌م شوریله شیون آغلارام
آغلاما مندن سوْرا سن آغلاسان من آغلارام
باخمارام فردوس-ی-جنّت‌دیر عم‌اوْغلێ یا علی

دوْققۇز ایل اوْلدۇم بۇ دولتخانه‌ده همسه‌ر سنه
متّصل وئردیم بۇ دوْققۇز ایلده درد-ی-سر سنه
ایندی گل اگله‌ن باشێم اۆستۆنده سرتاسر سنه
عرض ائدیم نئچچه وصیّت‌دیر عم‌اوْغلێ یا علی

اوّله‌ن عرضیم بۇدۇر اؤلسه‌م اگر بۇ گۆنده من
اؤز الینله‌ن وئر گئجه غوسلیم، گئجه ائیله کفه‌ن
وۇرسا ال تابۇتیمه بیگانه راضی اوْلما سن
روحیمه آرتێق اذیّت‌دیر عم‌اوْغلێ یا علی

ثانییه‌ن منده‌ن سوْرا ائی خسرو-ی-گردون مدار
عورت آلسان بیر نجیبه عورت ائیله ایختییار
غم گۆنۆ تا زینب-ی-کلثومه اوْلسۇن غمگوسار
ائیله‌سین هر نوع حۆرمت‌دیر عم‌اوْغلێ یا علی

بیرده قلبین مجتبادن اینجییه هر آن سنین
گئچ حۆسئینیم جانینه من جانۇوا قۇربان سنین
قوْیما غم چکسین خصوصه‌ن جان حۆسئینین جان سنین
چون اوْ جدّینده‌ن امانت‌دیر عم‌اوْغلێ یا علی

من بۇنۇن چوْخ زحمه‌تین چکدیم نه آسان بسله‌دیم
پرورش وئردیم گۆل اۆسته طورفه-ی-رئیحان بسله‌دیم
سسله‌یه‌نده جان دئ، منده جان دئدیم جان بسله‌دیم
چون جفاسی جانه منّت‌دیر عم‌اوْغلێ یا علی

بۇ حۆسئینی کی سنه تاپشێردێم ایندی رو-به-رو
دقّت‌ایله‌ن باخ نئجه وئرسه‌م ائله آللام گئرو
باش بدنده، بارماق الده، ال بیله‌کده، مو-به-مو
گؤر هامێ عضوین سلامت‌دیر عم‌اوْغلێ یا علی

چوْخ مکدّر اوْلسا وار بۇ سؤزده درد-ی-سر یئری
یاخشێ باخ سالێمدی برگ-ی-گۆل تک آخه‌ر هر یئری
نه باشێندا وار قیلیج نه سینه‌ده خنجه‌ر یئری
نه بدن یئکسه‌ر جراحت‌دیر عم‌اوْغلێ یا علی

نور-ی-دیده‌م دیر حۆسئن باعیثدی چون گؤز یاشیمه
من گؤزۆمده‌ن سالمامێش سن تاپشێر آل-ی-هاشیمه
……..
ایستی کۆللــه‌ر اۆسته راحت‌دیر عم‌اوْغلێ یا علی
عاشیق-ی-جانبازدیر گیرم حۆسئینیم یوْخ سؤزۆم
منده نقد-ی-عئشقی خرج ائتمه‌کده صرّافم اؤزۆم
بیر بدن دؤرت مین یارا لاکین نئجه گؤرسۆن گؤزۆم
گؤر بۇ اینصاف-وْ-مروّت‌دیر عم‌اوْغلێ یا علی

التماس دعا

السَّلاَمُ عَلَیْکِ یَا سَیِّدَةَ نِسَاءِ الْعَالَمِینَ السَّلاَمُ عَلَیْکِ یَا وَالِدَةَ الْحُجَجِ عَلَى النَّاسِ أَجْمَعِینَ‏
السَّلاَمُ عَلَیْکِ أَیَّتُهَا الْمَظْلُومَةُ الْمَمْنُوعَةُ حَقَّهَا

پس بگو

اللَّهُمَّ صَلِّ عَلَى أَمَتِکَ وَ ابْنَةِ نَبِیِّکَ وَ زَوْجَةِ وَصِیِّ نَبِیِّکَ صَلاَةً تُزْلِفُهَا فَوْقَ زُلْفَى عِبَادِکَ الْمُکَرَّمِینَ مِنْ أَهْلِ السَّمَاوَاتِ وَ أَهْلِ الْأَرَضِینَ‏


به تحقیق که روایت شده است که هر که به این زیارت آن حضرت را زیارت کند و از خدا طلب آمرزش کند حق تعالى گناهانش را بیامرزد و او را داخل بهشت گرداند.

اللهم عجل لولیک الفرج

نوشته شده در امام علی علیه السلام, حضرت فاطمه زهراء سلام اللّه, شعر ترکی, شعر مذهبی

برچسب:
دی۲۴۱۳۸۸
وداع حضرت رقیه (سلام الله علیها ) با پدر در قتلگاه
عبدعاصی
۱

شعر : استاد کریمی

وداع حضرت رقیه (سلام الله علیها ) با پدر در قتلگاه

ترجمه : میزنند کوفیان مرا , ببین بابا کنار تو

سنیـن یانـۇنـدا گـؤر بابا، وۇرانـدا کـوفییان منـی


ترجمه: می کشد این ساربان مرا ، تا برسیم به شام

گئدینجه شامه اؤلدۆره‌ر، یقین بۇ ساریبان منـی


هانی ازه‌لکی عیزّه‌تیم، نه گلدی آل-ی-هاشیمه؟

قالێب هایاندا اکبریم؟ وۇرۇللا قمچی باشیمه

عمیم هانی؟ گلیب باخا گؤزیمده قانلێ یاشیمه

گؤره سالێب نه حالته؟ بۇ گرده‌ن-ی-زمان منی

مگه‌ر یتیمه قێزلارێ سالار بۇ حاله روزگار

نه وار باشێمدا معجریم، نه یۆزده بُرقَع-وْ-خمار

جفای-ی-تازییانه دن وجودیم اوْلدۇ زخمدار

ندیر گۆناهیم ائی بابا؟ وۇرۇر بۇ شامییان منی

ائدیبله غم خزینه‌سی، بۇ قلب-ی-پاره پاره‌می

یاناندا خئیمه‌گاهیمیز، آلێبلا گوشواره‌می

یوْخۇمدۇ بیر کسیم بابا، کسیبله راه-ی-چاره‌می

سالێبلا آت قاباغێنا، ائدیبله باغرێ قان منی

یتیمه بیر قێزام بابا، اسیر-وْ-خواره‌م آغلارام

گئدیبدی صبر-وْ-طاقه‌تیم، علیل-وْ-زاره‌م آغلارام

گله‌ن وۇرار، گئده‌ن وۇرار، یوْخۇمدۇ چاره‌م آغلارام

غریق-ی-سئیل-ی-اشک ائده‌ر، بۇ چشم-ی-خونفیشان منی

وۇرۇبدێ سیلی شئمر-ی-دون، بنؤوشه تک یانێب اۆزۆم

اوْدۇر کی متّصل تؤکۆر، عذاره قانلێ گؤزیاشێم

قوْلۇمۇ باغلایێب عدو، دؤنۆبدۆ شامه گۆندۆزۆم

کسیر قوْلۇمۇ اینجیدیر، بۇ بند-ی-ریسمان منی

نقدری صبر ائدیم مگه‌ر، دیل آچمایێم شیکایه‌ته

هله جفاسی دۆشمه‌نین، یئتیشمه‌ییب نهایه‌ته

عیالیوی اسیر ائدیب، چکیلله هر ویلایه‌ته

خرابه‌لرده اؤلدۆرۆر، بۇ مئحنه‌ت-ی-گیران منی

علاج یوْخدۇ دینمیره‌م، وۇراندا شئمر عیتابیله

باشۇن دالێنجا شامه دک، گره‌ک گله‌م شیتابیله

وئره‌م خرابه‌لرده جان، بۇ سوز-وْ-ائلتیهابیله

غم-ی-فیراقون ائیله‌ییب، علیل-وْ-ناتوان منی

دوْیۇنجا آغلێیانمادێم، اۆره‌کده قالدێ حسره‌تیم

دییار-ی-شامه عازیمه‌م، چتیندی بیر رجعتیم

بۇیۇر دارێخماسێن بی‌بیم، یئتیشسه هر اذیتیم

قاباغا وئرسین اللــه‌رین، وۇراندا ساریبان منی

بۇ اهل-ی-کینه آنلایێب کی من چوْخ ایستیره‌م سنی

اوْدۇر سبب کی چکدیله‌ر، بۇ قتلگاهیده‌ن منی

موزاحیم اوْلمایێم داخێ، مرخّص ائت رقیّه‌نی

اگرچی سن‌سیز اؤلدۆرۆر، بۇ ناله-وْ-فغان منی

گله‌نده؛ قارداشێم منی سوار ائدیردی محمیله

محبّت‌ ایله ائندیریب یئته‌نده هر منازیله

اوْدۇر کی آختارێر گؤزۆم، کی بلکه اکبریم گله

سوار ائده کجاوییه اوْ یار-ی-مئریبان منی

کریمی‌نین رقیّه‌ده‌ن حیمایه‌ت آرزوسی وار

همین بۇ شئعره جاییزه شفاعه‌ت آرزوسی وار

هوای-ی-شامی چوْخ سئویر، زییاره‌ت آرزوسی وار

دئییر یئتیر اوْ قبره ائی، خودای-ی-لامکان منی

نوشته شده در امام حسین علیه السلام, حضرت رقیه ( علیه السلام), شعر ترکی, شعر مذهبی

برچسب:حضرت رقیه(س).شعر ترکی.شعر مذهبی
تیر۱۶۱۳۸۸
شعر:حضرت زینب(س) وفاتی
عبدعاصی
۱

آی باتدی صؤبح آچی لـدی، زینب نـوایــه گلـدی

زهرا دئدی حوسئن وای، عاله‌م صدایه گلـدی

چون یوخدیلار آتیندان، سولطان-ی-تیشنه کامی

دونیایـــه اوْلــدؤ ائعــلان قتــل‌الحسیــن پیـامــی

جننـاتیـده‌ن ائشیتــدی پئیغـه‌مبــه‌ر-ی-گیـرامـی

نعلئین‌سیز عباسیز کرب-وْ-بلایه گلدی

پئیمانه عالـه‌م اوْلـدو، جانـانـه وئــردی جانیــن

شوْق-وْ-شرافه‌تینه‌ن، طئی ائتدی ایمتیحانین

شمر-ی-دغا تؤکه‌نده، خاک-ی-مینایـه قانیـن

یوزدوتدی آسمانه حمد و ثنایه گلدی

خون خدا توکولدی گودال کربلایه

یئرله‌ر تزه‌للزول ائتدی، رعشه دوشوب سمایه

کـرروبییـان-ی-لاهـوت، آغلاشــدی بو بـلایـــه

یئل اسدی گون دوتولدی ظلمت فضایه گلدی

خون حسین بوغازدان جاری اولان زمانی

جئبریل آپاردی عرشه، بیر شیشـه ده اوْ قانی

اوْل شیشــه‌ده‌ن نومــودار، اوْلدی بلا نئشـانــی

قوْزاندی بـویـئ ماته‌م، اهلئ سمایه گلدی

نور-ی-حق اوْلدی لامئع، باشسیز قالان بدنـده

رأس-ی-حوسئینئ مظلوم، سر نیزیه گئدنده

باد-ی-سییاه اسه‌نـده، یئر زلـزه‌لـه ائـده‌نــده

سیندی نظام-ی-دونیا حد-ی-فنایه گلدی

نزدیک ایدی یئرینده‌ن، چیخسین مدار-ی-دونیا

آل-ی-اومیه ائتسین، دستور-ی-شرعی مولغا

سرنئیزه ده‌ن ائده‌نده نور-ی-حوسئین تجه‌للا

دین-ی-محمد اوسته نورانی سایه گلدی

فـرمــان-ی-غـارتیلـــه‌ن، تللــی آشیب عربلــه‌ر

گؤردو اوْ های-وْ-هویو، اطفال-ی-زار-وْ-موْضطـه‌ر

قاچییلا خئیمه گاهه، بیرده‌ن اوجالدی سسله‌ر

عممه آماندی لئشگه‌ر، خئیمه سرایه گلدی

صحـرانـــه‌وه‌رد عـربلــه‌ر، خـرگاهــی یاندیـرانــدا

باشــی آچیق حره‌مله‌ر، اوْددان چیخیب قاچاندا

قالخیب بحتر آتش گیزلندیلر دوماندا

توسدی اوجالدی قاره پرده هوایه گلدی

بیر خردا قیز قاچیردی دوتموش اله عباسین

مرد یهودی دوتدی خاموش ائدب لباسین

گتدی اله حوسئینین، دیلبه‌ندینین ریضاسیـن

احسه‌ن اوْ شئیخه موشکول، وقته هرایه گلدی

گر ائتمه‌سئیدی زینب، نسل-ی-حوسئینه ایمداد

اولموشدی اودایچینده سوزان امام سجاد

قیلـــدی رشـــاده‌تیــلــه، اوْددان ایـمـــامـــی آزاد

بیر تــازه زینده‌قانلیق، زین-وْ-العئباده گلدی

زهــرا گــزه‌ردی گــونــــدوز، اطـــراف-ی-مــاجــراده

تا کـوفییـه حـــوسئینیــن، گـئتــدی باشی جیـداده

نعش-ی-حوسئینی آخشام، باشسیز قوْیوب آراده

گون باتجاقین او خاتون مطبخ سرایه گلدی

حوران-ی-باغ-ی-جننه‌ت، محــزون گیریفتــه سیمــا

حــووا خـدیجــه خــاتـون، مــریــه‌م جناب-ی-ســارا

آشوفته مو سییه‌ه پوش، دیلله‌رده وای حو سئن وا

زهرایــه همـده‌م اوْلسون، بزم-ی-عزایه گلدی

اللهی چوخ ایل قالیپندا، وار یحیوی حـوسئن جان

نؤحه یازیب غمــوندا، اوْلمــوش مریـض-وْ-نالان

دست-ی-مـــوبــاره‌کــونلا، دردینـه ائیله درمان

اومید-ی-صئححه‌ت ایله، باب-ی-شفایه گلدی

     
#285 | Posted: 23 May 2012 07:48

آنالار گونی

آنا جان دنیانین آغریسین غمین

مادرم درد و غم دنیا را

بوزار میش ساچوندا عیان گؤرموشم

در زلفهای سپید تو دیده ام

سویوق آه چکنده ، اورکدن درین

وقتی از ته دل آه سردی می کشی

دونیانی چولقایا طوفان گؤرموشم

در دونیا طوفانی عظیم دیده ام

دئییرم گوره سن هانکی طالعین

میگم در کدوم خانه بخت

شومچا قایداسینین اوسته دوغولدون

خانه نئس به دنیا اومدی

یانیرام گؤره نده ، بو کولوب بئلین

میسوزم وقتی می بینم ، کمرت خم شده

آغ بیر گؤیرچین ، تک چنده بوغولدون

مثل کفتری سفید در تنهایی خفه شدی

اوزیون قیر یشی ،زاماندان دئییل

آن چروک داشتن روی تو از زمانه نیست

آجی فلاکتدن، نشاندیر آنا

از فلاکت سخت و تلخ ، نشان است مادر

گؤزیون تور چکن ،چن دومان دئییل

آنی که به چشم تو تور کشید ابرها ی کوه ها نیست

آغلاما غدان گلن زیاندیر آنا

از گریه کردن هر چه بیاد زیان دار مادر

ایندیکی آنالار گونی چاتیبدیر

الان که روز مادر رسیده

سنه جان تحفه سی وئر سمده آزدیر

به شما جانم را اگه هدیه بدم باز هم کم هست

قات قات اورگونده آرزی یاتیبدیر

در لایه لایه ی دلت آزرو هایی خوابیده

سینه ن ساوالاندیر ، گؤزون آرازدیر

سینه تو مثل ساوالانهست ،چشمت مثل آراز

چوروتدون عمریوی بیز لرین اوسته

عمر ت را بخاطر ما تباه کردی

مهربان گؤزیوه ، قوربانام آنا

قربانم به چشمهای مهربانت مادر

سنه غلام اوللام اؤزوم پیوسته

به تو غلام میشم همیشه

مین یول باش ایره م ، سن تک انسانا

هزاران بار سرم را خم می کنم برای انسانهای مثل تو

ناقابیل تحفه می ، قبول ائیله سن

تحفه نا قابلم را قبول کن مادر

قاریشقانین شاها نه یی وار وئره

مورچه چه دارد که به شاه هدیه دهد

ایسته سون گؤزومی ، هدیه وئریم من

اگه چشمهایم را بخوای هدیه میدهم

اوگول قدملرین ،التدا سریئره

می افتم زیر قدمهایت

سنین قانادینلا ، اوچور «اولادین»

با پر های تو پر می کشد«اولادین»

سنسیز بو دونیا دا ثروتی یوخدور

بدون تو دنیا ثروتی نداره

سنسیز بیر یتیمدیر آنا سوراغلی

بدون تو یتمیم است سراغ مادر را گرفتن

آنا سیندان بؤیوک نعمتی یوخدور

نعمتی بزرگتر از مادر نیست

     
#286 | Posted: 23 May 2012 07:53
وفاسیز
ای وفا سیز دلبرم؛سن سیز جفالر گور میشم
آتش هجرانیدن ؛بس بیر بلالر گور میشم
جانیما اوخلار ویریلار بوگروه اشقیا
رحم سیز بی دین وایمان کافران واغنیا
هرگئجه صبح قدر آغلار گالیپلار گوزلریم
کیم سیلرگوزیاشیمی کیم یازارجان سوزلریم
سزلارام دردن کی یوخ مرهم جانیم منم
گوزلریم سوزگون اولوپ ؛بوزلایپ قانم منم
صبروطاقت گالمیپ؛ناله وافغان دن
گل گوتارهجرانوی؛ائتمه حیران عالمی
گل بهار آرزو؛ائتمه حیران عالمی
حوانین عشقی تک ویرانه ائتدی آدمی
اینجیدم دونیا ده من طاقتم یوخدور داها
سن کی یوخسان سوزلریم چوخدور داها
سوزلریم یازدم داغا سیل تک آخدی گوزی
موج ویردی ساحله دریا کی بیلدی او سوزی
دوشدی طوفان عالمه بیلدی اورکده دردمی
عالم دوشدی بوران گوردی ناله های سردمی
رحم ایله بیرده باری دنیا یه ورسن شادلیغی
بوک گینن دشمن لیغین بایراقنی ؛یادلیغی
*****

ترجمه فارسی :
بی وفــا ...

ای دلبر بی وفا بی تو جفاها کشیده ام

از اتش هجر تو بسی بلاها کشیده ام

تیرها یر جانم زده اند این گروه اشقیا

این بی دینهای بی رحم و کافران بی ایمان و اغنیا

هر شب تا صبح چشمانم گریان مانده است

چه کسی اشکهایم را پاک می کند . چه کسی حرف دلم را می نویسد

از درد ناله میکنم و مرهم ندارم جان من

اشک چشمانم جاری است و بدنم سرد و بی روح شده

از ناله و فغان ، صبر و طاقتم تمام شده

بیا تا هجران به سر آید و دنیا را حیران خود مکن

مانند عشق حوا که آدم را حیران خود ساخت

در دنیا آزرده شده ام و دیگر طاقت ندارم

تو که نیستی حرفهای زیادی برایت دارم

حرف دلم را به کوهها گفتم ، مانند سیل گریه کرد

دریا حرف دلم را شنید ، موجهایش را به ساحل کوبید

و طوفان عالم را در نوردید

رحم کن و با وجودت دنیا را شاد کن

پرچم دشمنی و بیگانگی را جمع کن

     
#287 | Posted: 23 May 2012 07:59
گؤزؤنؤ آچ گؤر ای طالیب!علی دیر دؤنیایا سرور
محمد عئشق دریاسی،علی دیر،قیمتی گؤوهر

محمد علمه کان اولدو،علی نؤطق و بیان اولدو
آنا سیرلر عیان اولدو،علی دیر خواجه ی قنبر

علی دیر جؤمله نین جانی،محمد دیر آنین کانی
حقیقتدیر علی شانی،علی دیر یار پیغمبر

هزاران دؤرلؤ جنبشلر،علی امری ایله ایشلر
واریر یایلار،گلیر قیشلار،علی دیر یار پیغمبر

علی اوّل،علی آخیر،علی باطین،علی ظاهیر
علی دیر نور ایلن انور،علی دیر شمس مستنور

نه بیلسین جاهیل و نادان،محمد یا علی کیمدیر!
محمد صاحب دیندیر،علی دیر جؤمله دن بهتر

علی دیر جنبش هر جان،علی دیر جان و دل مهمان
علی راحیم،علی رحمان،علی دیر جؤمله یه رهبر

علی عین عینایت دیر،علی نور هدایت دیر
علی میر بشارت دیر،علی دیر شاه هر صفدر

علی واحید،علی اوحد،علی فرض و علی سنّت
علی دیر جؤمله یه رحمت،علی دیر شافع محشر

علی سبحان،علی سولطان،علی جنّت،علی رضوان
علی دیندیر،علی ایمان،علی دیر میر هر لشکر

علی وصفی دؤرؤر حیدر کی آلدی قلعه ی خیبر
علی دیر قاتل عنتر،علی دیر میر هفت کشور

نسیمی نین دل و جانی منوّردیر علی نوره
علی والی،علی والا،علی سرور،علی صفدر

     
#288 | Posted: 23 May 2012 08:00
اگر آهیمدَه تأثیر اولسا ؛ من دنیانی یاندیرّام

وَ یا چاتسا گوجوم چَرخَه اونی والله دایاندیرّام

قؤلومدا قدرت اولسا؛چرخه بیر محکم تکان وئرَّم

همان محکم تکانیلَن ؛اونی من پارچالاندیرّام

عزیز اِنسانلاری خوار اِیلیَر چرخِ دَنی پَروَر

بودور علّت اورک قانیله گوزیاشیم بویاندیرّام

اولوب بوکُهنه چرخین عادتی عُشّاقی یاندیرماق

قولاق وئرسه منه؛چرخه رموز عشقی قاندیرّام

اینانمور چرخ بلکه ائتدیگی ایشلر جنایتدی

هامی عاشقلَری شاهد دوتوب چرخی ایناندیرّام

چاغیرّام وامِق و مجنون و فرهاد و زلیخانی

جنون صَحراسی ایچره یاتسا بیر عاشق اویاندیرّام

قبول اِیلَر او یا جور و جفا اِیلوبدی عشّاقَه

وَ یا اِئتدیکلرین منطقله چرخِ دونه داندیرّام

بوچرخِ کَجمَداره ظُلم و جورین ؛ شرح وئرسَم مَن

اونی اوز ظلم و جوریندن یقینیم وار اوتاندیرّام

دِل آچسام ؛ اِئتدیگین سایسام چَکَر گونلَر مُسَلَّمدی

بیر آزدا مَطلَبین شَرحین اوزوم عَمداً اوزاندیرّام

بو ایشلَرلَه هدف بیرشئیدی یوخدور آیری منظوریم

اَقلّاً کج مسیرینده اونی بیر آز یوباندیرّام

اگرچه چوخ سؤزوم وار کجمَدار و کج رَوِش چرخه

حَیا قیلاّم چوخون یانمیش اورکدَه دالدالاندیرّام

خداوندا باغیشلا (( جعفرینی )) بیلمِیور بلکه

اونا اِلهامیلن قاندیر:که چرخی من دولاندیرّام

     
#289 | Posted: 23 May 2012 08:03
چرخ دؤیمور ائتدیگی جور و جفادن نیلیوم

چکمور اَل بیر لحظه من بختی قرادن نیلیوم

قاره بختیملن وئروبلر اَل اَله بو چرخِ دون

باج آلوللار من کیمین بیر بینوادن نیلیوم

آغلادیقجان من؛گولور چرخِ دنی گؤزیاشیمه

قورتارام هیهات من بو ابتلادن نیلیوم

هرگِئجَه نالَم منیلن هم نشیندور صُبحَه جَن

گوندوز افغانیم گئچور عرش خدادن نیلیوم

شمع مثلی بوتۀ غمده مُذاب اولسامدا من

نی کیمین حاشا دوشَم شور و نَوادن نیلیوم

گولمَدیم دنیاده بیرگون ؛ غم قالاندی سینَمَه

قسمتیم غم ؛ غُصّه دور دارِ فنادن نیلیوم

گرچه تقدیریم بودور که غم چَکَم عُمروم بؤیی

یوخ گِلایَم نه قَدَردَن ؛ نه قضادَن نیلیوم

چوخ دیردیم پیس گونومده واردی خویش و اَقربا

گؤرمَدیم مهر و محبّت اَقربادن نیلیوم

دوست کوسوب؛فامیل قاچیب؛بیگانه تحقیر اِیلیور

غم یاغیر غم اوستونه؛اَرض و سَمادن نیلیوم؟

گر گولور بیگانه لَر اَحوالیمه هئچ عیبی یوخ

طعنه لَر اَمّا ائشیتدیم آشنادن ؛ نیلیوم ؟

من وفا اومدوم؛جفالَر گؤردوم انسان آدلیدان

یوخ نشان انسانلارین ایچره وفادن نیلیوم

((جعفری))هرنه اولور اولسون؛ولی اَل اوزمه سَن

درگهِ حق ؛ رحمتِ بی انتهادَن ؛ نیلیوم

     
#290 | Posted: 23 May 2012 08:05
فاطمه ؛ بُرجِ عفافون قَمَرِ تابانی



فاطمه ، قُلزُمِ عصمت گُهَرِ رَخشانی



فاطمه ، ختم رسولون ثَمَرِ شایانی



فاطمه ، عشقی بئجَردَن شَجَرِ ایمانی



آدی پاک ایلر اورَکدن اَثَرِ عصیانی



اُمَّته فاطمه نون آدیدی عزَّت یارادان



نام زهرادی مسلماندا شجاعت یارادان



شیعه لر ایچره همان آددّی مَوَدَّت یارادان



قلب مؤمنده گؤزل آدی مَسِرَّت یارادان



فاطمه آدی بَلی ؛ شاد ائلیَر اِنسانی



آدینه فخر ائلیَن حضرت خاتَمدی اونون



جودینه مات قالان بللّیدی حاتَمدی اونون



برکت آرتیراجاق آدی مُسَلَّمدی اونون



ذکر نامی شرفِ حضرت آدَمدی اونون



اودی ختمِ رُسُلون گلشنینون ریحانی



شأنینه نازل اولوب سورۀ کَوْثَرْ بیلوسن



او ائدوب دشمنِ پیغمبری اَبْتَرْ بیلوسن



اونی اییلَردی اوپَن وقتده پیمبَر بیلوسن



چوخ سِئوَر فاطمه نی خالقِ داوَر بیلوسن



گتیرَر جوشه آدی ؛ لطفِ حقِ سُبحانی



آدینه فخر اِئلیَک بو خانمین؛وار یری بیز



شخصِ پیغمبرَه بو آددّی گرامیّ و عزیز



تاپشیروب فاطمه نی اُمَّته پیغمبریمیز



اوپدیگیجن بویوراردی اونا سُلطانِ حَجیز



آتا آدیله قیزیم سَسله گیلن بابانی



بعدِ پیغمبر اونی حیف اولا زار اِیله دیلَر



آنلامازلار اونی مین دَرده دُچار اِیله دیلَر



کافر ائتمزدی او ایشلر که اولار اِیله دیلَر



او مُقَدَّس قاپوسین طُعمۀ نار اِیله دیلَر



سالدیلار بسترِ مرگ ایچره خانم زهرانی



فاتحِ خیبری آغلاتدیلا زهرا غَمینه



آغلادی فاطمه دَه حضرتِ مولا غَمینه



چاتا دنیا غمی مولامیزین حاشا غَمینه



وار یری آغلیا حَشرَه کیمی دُنیا غَمینه



شَب پَره اولدی جَری تنگه سالا عَنقانی



باغلانوب مَکریله خیبر داغیدان گوجلی بیلَک



لعن و نفرین ائدَه شیخینه بوگون شیعه گَرَک



اَللَّریله اولارین تاپدی شَرَف گوزگوسی لَک



ییخیلِیدی اِئوون اِی کاش سَنون چَرخِ فَلَک



قولی باغلی چکیلور مسجدَه غیرَت کانی

     
صفحه  صفحه 29 از 56:  « پیشین  1  ...  28  29  30  ...  55  56  پسین » 
شعر و ادبیات انجمن لوتی / شعر و ادبیات / اشعار ترکی بالا
جواب شما روی این آیکون کلیک کنید تا به پستی که نقل قول کردید برگردید
رنگ ها  Bold Style  Italic Style  Highlight  Center  List       Image Link  URL Link   
Persian | English
  

 ?
برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.



 
Report Abuse  |  News  |  Rules  |  How To  |  FAQ  |  Moderator List  |  Sexy Pictures Archive  |  Adult Forums  |  Advertise on Looti

Copyright © 2009-2020 Looti.net. Looti.net Forum is not responsible for the content of external sites