تالارها ثبت نام نظرسنجی جستجو موقعیت قوانین آخرین ارسالها   چت روم
شعر و ادبیات

اشعار ترکی

صفحه  صفحه 38 از 56:  « پیشین  1  ...  37  38  39  ...  55  56  پسین »  
#371 | Posted: 19 Jun 2013 18:22


اؤزومو اول ایسترم تانییام
اوغوزا شرحی حال سونرا یازام
آناما آد آتاسی قویدی حیات
فطرتینه ذکاوتیدی بارات
آتامیندا آدییدی روح الله
موتقی اینسانیدی،صاحبی جاه
دده‌سی بیر فقیه عالیقدر
فلکی علمده باباسی بدر
آنامی اولماغیم سئویندیردی
اولدو اول جمادین اون دؤردی
یودولار،کسدی‌لر گؤبک،سونرا
پاک اولان حالدا وئردی‌لر آناما
منه بیر آز کره اودوزدوردو
سود دؤشوندن بیر آز دادیزدیردی
اوخودو ساغ قولغیما اذانی
سولا اولدو ایقامه‌نین بیانی
شرع رسمین یئتیردی یئرینه
ائتدی عطف توجوهی ائلینه
دئدی تورک اوغلوسان،اوغول سن تورک
اولما هر باشا اوغولسانی بؤرک
منه وئرمیشدی او لقب یئکه باش
مغز اولایدی یئکه باشیمدا ائی کاش
اولما تاریخیمی یازیب،او،منیم
موسا آدیم،هئریس‌دیر وطنیم
قیرخدؤرده اضافه،مین اوچ یوز
ایلیدی هیجرته ساییلمیش دوز
قیلدیراردی ناماز پیوسته
رفع ائدردی نیاز پیوسته
آذرسیتان سانا ائدیرم تورکو دیل سنه تعلیم
آنا‌لیق حقین ائیلییرم تسلیم
باباسنین دده باباسی مودام
لق ایچینده موررویجی ایسلام
من ایریدیم،بابام دیریدی هله
ایستمزدیم حایاتی باشه گله



     
#372 | Posted: 19 Jun 2013 18:22


آراز کیمین آخیـــــرام
یاندیریرام یاخیـــــرام
گوزلرینده گوزوم وار
حسرتیله باخیـــــــرام

آراز بورولدی گئتدی
سویو دورولدو گئتدی
من دئدیم یار اینجیدی
دئمه یورولدو گئتــدی

آرازین باشی منــــــم
دیبی نین داشی منـــم
هر یاندا غریب اولسا
اونون یولداشی منـــم

آراز قیراغی مئشه
گتیر دسمالین دوشه
آراسینا گول قویـوم
دورسینه بنوشــــــه

آراز دان کئچه ن هانی ؟
سویوندان ایچه ن هانی ؟
یاخشی ایله یامانــــــــــی
ایل ایچره سئچه ن هانی؟

آرازي ايرديلار
قوموينان دولدوردولار
من سندن آيريلمازديم
زور ايله آيرديلار

آراز آخير قيقاجي
جوت گزير ايكي باجي
بيري منيم ائوز ياريم



     
#373 | Posted: 19 Jun 2013 18:24


مسير عشقيده هر كس كي كاروان آپارور

وصال بزمينه سرمايه نقد جان آپارور

محبت عالمينين آشناسي شوقیله

تمام گوللريني ياره ارمغان آپارور

بو عشق ساحه سینه کیم چیخوب ایاق قویدی

یارالی باشینی اغیار میهمان آپارور

چيخاندا سيره گونوز باشليار سفر شاهلار

شكوه دولتينه غبطه هر باخان آپارور

نه وار مدينه ده بولمم مدينه نون شاهي

گئجيله عترتيني جمع ايدوب نهان آپارور

مگر قطا قوشی اوز باشینه ایوین بوشلار

ایوندن ایریلانی درد بیکران آپارور

گليب بقيعه او گيزلين مزارين اوسته امام

ديدي آنا مني بير عشق جاودان آپارور

يقيندور گيدورم بيرده گلمرم بو يئره

قوجا جوان كي گيدور منله جمله قان آپارور

مدينه دن ال اوزوب كربلايه يول ساليرام

او يئر كي حسرتيني عرش و فرشيان آپارور

ديوبدي درد دلين آيريليب وداع ايلدي

مناي عشقه طرف چشم ناگران آپارور

اويان طرفده ده بازار كوفه تاپدي رواج

بيريسي تيغ و سپر آیریسی كمان آپارور

طمع ايدوبدي چوخي دولت سليمانه

نه نقشه لر كي چكير باشدا ساربان آپارور

چيخيب دي شمس امامت گئجه مداريندن

آي اولدوزي جمع ايديب دي بير آسمان آپارور

مدرس عالم عشقه آنا قوجاقنده

او رزمگاهه طرف طفل بيزبان آپارور

قضا ساليب دي يولا ، قدر حسرتيله ده دي

بو گلشن ايچره آچان گوللري خزان آپارور

يولي گئدرديله اهل حرم صفاييله

نه بيري غصه لنيب نه بيرين گمان آپارور

كيمين خيالينه گلمزدي كي اولار بير گون

همان بو قافله ني شمريله سنان آپارور



     
#374 | Posted: 19 Jun 2013 18:25


هارای بیر ال یتوورون بوردا بیر جوان ییخیلیب
یارالانیب باشاباش چوخ گیدوبدی قان ییخیلیب

باشی یارادی گوزی یاره صاف یری یوخودی

اورک یاراسی اونا قویمیوب توان ییخیلیب

چالیخلاییر دورا غیرتله هر زامان ایاقا

وروولا قول قیچینا تازه ریسمان ییخیلیب

ایکی طرفدن اونی داشلییولا دوربری

یالانچی دوسلاریلا خیل دوشمنان ییخیلیب

اومیدی چوخدی هله دورماقا ایاق اوسته

یوخودی ال دوتانی یاره باغلیان ییخیلیب

بو حالدا یاره سینین قانی اخسا دورمیاجاق

گلوب گورله کی جسمنده یوخدی جان ییخیلیب

'گرک طبیب کیمین جمله یا رو یولداشلار

باخیب بیلیب گوره لر کی نه پهلولان ییخلیب

هاموسی ال بیراولوب بو جوانی قالخزالار

یخلسا قالمیاجاق عرصه ده امان ییخلیب

منیم گوجوم بونا چاتدی دانیشدیرام قلمی

دیدم نه اولدی یخلدی یره هاچان ییخلیب

یا را دوداقلاریلا قانلی گوزلریله دیدی

دینن او واخ کی دوشوب دیللره یالان ییخلیب

قوناقلار ال بیر اولوب میزبانین هرنه وارین

چیخیب لا اوزلرینه هرکس هر زامان ییخیلیب

اماندی بیر اییلین ورماسوون یوخی باشوزا

گورون نولوبدی زمینه ندن زامان ییخیلیب

گنه هارای چکورم هردا قالموسوز ایللر

بورا بیر ال یتورون بوردا بیر جوان یخلیب



     
#375 | Posted: 19 Jun 2013 18:26


ای تاپان بیت خدا ایچره ولادت یا علی

ای وجوددین عالم امکانه رحمت یا علی

سن ازلدن ایلمیشدون دعوت حقی قبول

سوره اخلاصه ائتمیشدون شهادت یا علی

تا رسول الله تاپیپ فیض رسالت حقدین

سن همان گون دعوتین ائتدون اجابت یا علی

محضر پیغمبریله گئچدی عومرون خوش گونی

چوخ چتین اولدی ایدن ساعتده رحلت یا علی

اولمادی بیر کس سلونیدن بوله منظوریوی

دوتموشیدی گوزلری دست جهالت یا علی

اولمادی بیر کس سنه مونس سوزون چاهه دئدون

چکمیسن تاریخ بویوندا درد غربت یا علی

سن نه بیر گون نه بیر ایل نه قرن تاریخین بویی

تاپمیوبسان درد غربتدن فراغت یا علی

اولمادی هئچ عصریده بیر همدم و مونس سنه

آچدیلار هر عرصه ده باب عداوت یا علی

سن هدایت رکنی سن افسوس دست ظلمیله

قانه غرق اولدون سینیب رکن هدایت یا علی

اولماسیدون سن صفا تاپمازدی قران مبین

سن وئروبسن دین و قرانه شرافت یا علی

ای نماز اوسته وئرن انگشترینی سائیله

روح تاپدی سنله محراب عبادت یا علی

کوفه ده یوزلر یتیمه باش چکیردون هر گئجه

سن شهید اولدون چوخالدی در د حسرت یا علی

ناطق قران سنیدون ای عدالت معدنی

تپراقا دوشدون تمام اولدی عدالت یا علی

کوفه محرابینده قانلی صبحیده اولدون شهید

یاره لندی باش سینیب رکن هدایت یا علی

ایندی اون دورت قرندن صونرا یئنه تک قالموسان

یوخدی بیر کیمسه ایده دینه حمایت یاعلی

دولدوروب ریب و ریا کفر و جفا محفلری

حقین اهلی باشلییبدور راه عزلت یا علی

مدعی لر دولدورب دونیانی یوخ مرد عمل

کور ایدوب دی گوزلری حب ریاست یاعلی

آه او گوندن نهروانین شیخلری ایتدی ستم

قرمزی قانه دونوب محراب طاعت یا علی

اوندا کی جسم شریفون دفن اولدی قبریده

سن نه بلکه قویلانیب عدل و عدالت یا علی

ایلدون جنگ و جهادیله عدالت برقرار

آرزو ایتدون نصیب اولدی شهادت یا علی

ایستورم منده یازام مدحینده نچه بیت شعر

نیلیوم یوخ الده سرمایه بضاعت یا علی

تیکمیشیخ گوز یوللارا بلکه گله مهدی بالان

ایلیه تفسیر قرانی قیامت یا علی

روز محشر کی اولار آشکار تمام سریلر

وار اومیدیم کی تاپام فیض شفاعت یا علی




     
#376 | Posted: 19 Jun 2013 18:37


بیز خرابات اهلی‌ییک، میخانه‌لردن چیخمیشیق

باده‌لر نوش ائتمشیک، پیمانه‌لردن چیخمیشیق

آتش غمدن نه قورخاق کیم، سمندر خصلتیک

شمع‌لر یاندیرمیشیق، پروانه‌لردن چیخمیشیق

پیریمیز پیر موغاندیر، خادم میخانه‌ییک

رندلر ذؤقین گؤروب، دیوانه‌لردن چیخمیشیق

ایندی بیر اکراه اولوب مئیدن، نظردن دوشموشوک

یوخسا مین مین مجلیس مستانه‌لردن چیخمیشیق

گاه اؤپوب یارین آیاغین، گاه دولاننیق باشینا

بیز پریشان زولف‌لر تک شانه‌لردن چیخمیشیق

بیر شعاعین ذرّه سیندندیر، فقط رنگ اؤزگه‌دیر

دیرلردن، مسجدِ ویرانه‌لردن چیخمیشیق

قدر و قیمت سیز بیزی ظن ایتمه واحد، عارف اول

پر بها گنجینه‌ییک، ویرانه‌لردن چیخمیشیق

شاعیر: علی آقا واحد




     
#377 | Posted: 19 Jun 2013 18:37


تؤکوب قانیم، روان، غیب اولدو اول سروِ روان گؤزده‌ن

بو روشن‌دیر که،قان توکجگ، اولور مردم نهان گؤزده‌ن

کمندِ زولفونه باغلی چیخار جان جیسمِ زاریمدن

کنار اولدوقجا هر لحظه او یارِ مهربان گؤزده‌ن

گؤزومده طفل تک اوینار خیالِ چشمِ مخموری

باسوب باغرینا مردم، قویماز آنی بیر زمان گؤزده‌ن

تکی مین اوخ رضایم، سینه‌مه پیوسته سانجیلسین

منی تا سالماسین اول دلبرِ ابرو کمان گؤزده‌ن

اگر بیر دفعه باغ ایچره بو قامتله خرام ائتسه‌ن

سالیر تا حشره‌تک اؤز سروِ نازین باغبان گؤزده‌ن

ائشیتدیم، غیرایله اول لاله اوزلوم سئیرِ باغ ائتمیش

خدایا، ساخلا سن اول ماهِ بی‌مهری یامان گؤزده‌ن

نئجه سرمست ایکن واحد، چیخیم میخانه‌دن هوشیار؟

منی بیر لحظه قویماز بزمده پیرِ مغان گؤزده‌ن

شاعیر: علی آقا واحد



     
#378 | Posted: 19 Jun 2013 18:38


معشوقه گرچه عاشقه ناز و عتاب ائده‌ر

عاشق شکایت ائیله‌مه‌ز، هر جوره تاب ائده‌ر

مین دفعه جور ائدوب منه بو ماه پاره‌لر

بیر دفعه‌سی یازیلسا اگر، مین کتاب ائده‌ر

من عاشقم، دئدیم، دئدیلر، ای اسیر عشق!

بیر درده دوشموسن کی علاجین شراب ائده‌ر

بیر آن شرابیم اولماسا، درد اؤلدوره‌ر منی

هر کیم بو درده چاره ائده، مین ثواب ائده‌ر

داغلاردا، لاله‌لر قدحی دولدو ژاله‌ده‌ن

گولگون شرابه غملی کونول‌لر شتاب ائده‌ر

جانا، لبیندن ائیله بو دردین علاجینی

اغیاره سرّی سؤیله‌مگه، دیل حجاب ائده‌ر

یا آل بو جانی، یا کی دوز‌لت احتیاجیمی

بو حسرت آتشی، منی، یوخسا کباب ائده‌ر

آلدیقدا جام مئی اَله، جمشیدی یاده سال

زرّین پیاله چوخلاری خانه خراب ائده‌ر

واحد، او شوخه دردینی ده جام وصل ایله

بیر لطف گؤستر‌رسه، سنی فیض‌یاب ائده‌ر

شاعیر: علی آقا واحد



     
#379 | Posted: 19 Jun 2013 18:38


چشمین که آلیر ناز ایله جان، شیونی نیلر؟

مژگانین اوخوندان ییخلان شیونی نیلر؟!

سرو چمنه قامتین افتاده‌سی باخماز،

محتاج تماشای رخین گلشنی نیلر!

سن جور ایله من یالواریم حقه، سن اینانما

تانریم، گورگ آخر، سنی نیلر، منی نیلر!

دفن ایله‌مه، اولسام سر کوینده شهیدین،

عریان گرگ عاشق، کفنی، مدفنی نیلر!

جان و تنی نذر ایله میشم راه وفا ده،

یارین سئوه‌ن عاشق داخی جان و تنی نیلر!

غم پیرهنین سیل سرشک ایچره بوراخدیم،

گرداب‌ده غرق اولسا گمی، یلکنی نیلر!

ئوز دوستی که، مین جور ایله‌دی واحده، گیتی،

قیل ایندی تصوّر اونا، گؤر دشمنی نیلر!

شاعیر: علی آقا واحد



     
#380 | Posted: 19 Jun 2013 18:38


او قـارا زولف که هر دم دولاشیـر شانه‌لره

گؤستریر عشق کمندین دل دیوانه‌لره

مهرِ روخسارینی مندن کسوب اول ماه تمام

دوشدی فرصت یئنه بوندان بئله بیگانه‌لره

یوخسا، ای گول بو قدر باده‌ی ناب ایچمه‌ز ایدیم

شوقِ لعلین منی جلب ائیله‌دی میخانه‌لره

قانا دؤنسون، گؤروم، اول باده‌ی گولگون سنسیز

بیر ده، گر رغبت ائدیم ساغر و پیمانه‌لره

حسرت چشمِ خمارین، لبِ لعلین هـوسی

گؤستریر گوشه‌ی میخانه‌نی مستانه‌لره

شوقِ روخسارین ایله اودلارا یانمش کؤنلوم

اؤرگه‌دیب شمعده یانماقلیغی پروانه‌لره

جؤرین آز ائت منه، قورخوم بودو، بیر آه چکیم

بیر یانار اود دوشه باشدان باشا کاشانه‌لره

واحدم، شاعیر آزاده پرستم، نه غمیم!

قیلماسام رغبت اگر مسجده، بوتخانه‌لره

شاعیر: علی آقا واحد



     
صفحه  صفحه 38 از 56:  « پیشین  1  ...  37  38  39  ...  55  56  پسین » 
شعر و ادبیات انجمن لوتی / شعر و ادبیات / اشعار ترکی بالا
جواب شما روی این آیکون کلیک کنید تا به پستی که نقل قول کردید برگردید
رنگ ها  Bold Style  Italic Style  Highlight  Center  List       Image Link  URL Link   
Persian | English
  

 ?
برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.



 
Report Abuse  |  News  |  Rules  |  How To  |  FAQ  |  Moderator List  |  Sexy Pictures Archive  |  Adult Forums  |  Advertise on Looti

Copyright © 2009-2020 Looti.net. Looti.net Forum is not responsible for the content of external sites