تالارها ثبت نام نظرسنجی جستجو موقعیت قوانین آخرین ارسالها   چت روم
شعر و ادبیات

اشعار ترکی

صفحه  صفحه 43 از 56:  « پیشین  1  ...  42  43  44  ...  55  56  پسین »  
#421 | Posted: 20 Jun 2013 18:19
یاساق

اوچدوق دنیزدن دنیزه
و گؤیردیک بنیزلرده
تورکجه میزله، قانا دیمیزلا، قادینلاریمیزلا
قادینلاریمیز، گؤی قورشاغی کیمی اتک لرده، چادیرلاردا؛
سوته ردیلر اوشاقلاریمیزی
و بیز یئنی تاپدیغیمیز تورپاقلاری، داغلاری
سوت امر اوشاق کیمی سوردوق
اوبالار تیکیب
شهرلر قوردوق

* * *
و ایندیسه قرین لر گدیگینده
زامان بوینا شیندا
دمیرله سیمیت آراسیندا
یاساقدیر قانادیمیز
یاساقدیر تورکجه میزده
یاساقدیر حتّی «یاساقدیر تورکجه میز» دئمه گیمیزده
یاساقدیر قانادیمیزدا

     
#422 | Posted: 20 Jun 2013 18:20

اونوتما

چیغیر
چیغیر
چیغیر ماسان
یومروغا چئوریلرسنین
اوره‌گینده‌کی نیفرت‌لرین

* * *
چاغیر
چاغیر
چاغیرماسان
یارایا چئوریلرسنین
دامارینداکی نیسگیل‌لرین

* * *
اوخوت
اوخوت
اوخوتماسان
داشلارا چئوریلرسنین
بوغازینداکی بولبوللرین
اونوتما نیسگیلینی
اونوتما نیگیلینی
اونوتما بولبولونو
اونوتما

     
#423 | Posted: 20 Jun 2013 18:21
سئوگی

سئویرم من اؤلکه‌می
اؤلکه‌مین داغلارینی
اؤلکه‌مین باغلارینی
اؤلکه‌مده کی ایشلک آداملاری
قالین پالتارلی قوجالاری،
یئددی اوغول آنالارین
حیاتی‌نین سمفونوسون/ تربه نیشین، اوتور-دورون؛
سئویره‌م یوللارداکی
بیغلی شوپورلارین یاغلی اللرین؛
سئویره‌م آیاق‌یالین
بابا آلقیشینا، بوروم- بوروم کوچه‌لری،
قاچان اوشاقلاری
خالچالارین نرده سینده دخیل دوشن بارماقلاری

* * *
من بورداسام قوجا شهرین گوبه‌گینده
یازیق کندین اوره‌گینده
قایماق کیمی بوز باغلامیش دونموش چایین اوره‌گیندن
آخیر حیات

* * *
من بورداسام اوزاقلاردا
بنیزلری پالچیق پاخیر
گئییم‌لری شیریم شیریم
دئییم‌لری پلتک پلتک
ایشچی‌لرین، چوبانلارین
اوشاقلارین، قادینلارین
قویون رنگی گؤزلریندن
باخیر حیات

* * *
من بورداسام بولودلاردا
شاخیر حیات
سئومه‌سم‌ده، یا سئوسم‌ده
من سیز، منلی
آخیر حیات
من اؤلکه‌می سئوجه‌یم

     
#424 | Posted: 20 Jun 2013 18:23
منی دیل دن نه اولار سالمایا جانان بو گئجه
چاغیرا خلوتینه کام آل مهمان بو گئجه
یخیلا هرنه حایل وار پوزولا پرده ی غم
کوکی تک دن قورویا قالمایا هیجران بو گئجه
منی قلبین ائوینه دوستاق ائده جانانیم
یکه میدانه دونه بیر بئله زندان بو گئجه
باخیشیلا چونه مست ایلیه او ساقی کیمی
روحوما مرحم اولا دردیمه درمان بو گئجه
لبینین سیررین آچیب وجده گلیب غونچه لنه
سوزوله شهد و شکر اینجه دوداخ دان بو گئجه
تاپارام جراتیمی ایزن وئره دیلداریم
اوپه رم باللی لبیندن او یاناخدان بو گئجه
جانیمی نذر ائله رم یاریما خاطیر گوره کی
سانکی حاجی چالیشیر ذیبحینه قوربان بو گئجه
ناخدا اولسا یاریم دالغیا دوشموش گمی ده
اولارام من هاماشی جومدورا طوفان بو گئجه
(کیانام) یالواریرام سائیل اولام کویوندا
بلکه ده قیسمت اولا رویتی احسان بو گئجه

     
#425 | Posted: 20 Jun 2013 18:23
" هر حباب اشگیمه بیر عکس سالمیش پیکریم
شاه ملک محنتیم دوتموش جهانی لشگریم
قطره اشگیم دوزور روخساریمه دورر و گوهه ر
بو یارین احسانیدیر گوزدن آخاندیر گوهریم
بیر جاهان عاشیق یاشیر اوز یارینین هیجرینده زار
سئوگلیم ده اودلاییر شاید قالا خاکستریم
تا کی عشقیمدن اوزولدی رشته بندیم منیم
بللی اولدی بو جهان دا توربت اولموش بستریم
دالغالی دریالاری اوزدوم نشانسیز ساخیله
غملی دریادا قالیب بیر پارچا تخته سنگریم
هر جوره رفتار ائده سیمین تن فررخ لقام
آسمان عشق ده پارلاق قالاندیـر اختریم
شهسوار توسن عشق اولدوقوم برپا قالار
غیر حق دن قلب ده اولی اولوبدیر دیلبریم
ال گوتورمز اوز مورادیننان ( کیان ) دونیا بویی
من ده یازدیم عشقیمی شیرن غزل ده گوسدریم

     
#426 | Posted: 20 Jun 2013 18:23

ائولادین حالینا حیران جانی قوربان آنادی
حیاتین گوللو گولوستانینا ریحان آنادی
عومرونی وقف ائلین جانینی اوغجوندا دوتان
یاشایش گولزارینا مورغ غزلخوان آنادی
سوزو شیرین دی اورک تسکینی دیر هر باخیشی
دونیانی روشن ائده ن نور دوّر افشان آنادی
دوعاسیندان آچیلار یوزلریله باغلی قاپی
نفسی حق نفسی طالب قرآن آنادی
بالانین بختی یاتیب حالی پریشان اولالی
نظمینه چاره قیلان دردینه درمان آنادی
بی وفالیق گوروبن ائولادی قارقیش ائله مز
غم لری حبس ائلین سینه سی زندان آنادی
آچیلا یوزلریله باغ جهاندا تازا گول
یته بیلمز او گوله لبلری خندان آنادی
دونیانین جورینا دوزموش ائله بیل شاه داغیدی
او خومار گوزلریله بیر دلی جیران آنادی
بالاسین زحمتیله جان شیره سی نن بویوده ر
روشوه سیز دوست کیمی دیر حامی پیمان آنادی
شرط انصاف دئیر بیر سوزیله قلبی سینا
بو گوده دونیامیزا ساده جه مهمان آنادی
سئوگی لر دفترینه یازدی (کیان) اوز سوزونی
شعرا عالمینه ، صاحب دیــوان آنادی


     
#427 | Posted: 20 Jun 2013 18:24
آمان اللاه یئنه شیطان گلیب ایمان آپارا
قورویون قویمایون ایمانوزی شیطان آپارا
شیطانا واردی پاپیشلار تیکنی دونیادا
نه اولار ابلیس اونی ! دوزخه لرزان آپارا
وجدانی حفظ ائلیون مفتری نین شرریندن
قویمایین خلق آرا او ، وجدانی آسان آپارا
بیرلیقا حلقه سالین قوللاریزی زنجیر ائدین
وحدتی برک قورویون قویمایین ارزان آپارا
بو طلاطملی زمان دا یئلی نن اوینامیون
دالغالار اوسته لنیب وارلیغی طوفان آپارا
هوسیله یاشییون فیض آپارین منزل دن
تا کی دونیا یاپیشیب توربته ترسان آپارا
عهد ائدیب بوشلامیون یاخچلیقین بونیانین
یوخسا ابلیس تله سر توولویا پیمان آپارا
جهد ائدون نفسیزه غالب اولاسیز تا کی رجیم
قالا حیران بو ایشه ، دوزه خه ویلان آپارا
شهریارین نه قده ر سئومه لیدیر شعریلری
امیدیم وار ( کیانی ) جننته مهمان آپارا

     
#428 | Posted: 20 Jun 2013 18:24
" من دولاشمام ، منه بیر غمزه لی ترسا دولاشیر
سانکی بیر تازه مسلمانه مسیحا دولاشیر
گئدمیرم مسجد و محرابه ساری دینیم اوچون
ایشه باخ گور کی منه بور دا کلیسا دولاشیر
یا کی مجنون چالیشیر لیلی یه خاطیر دایانا
اونو هیجران کول ائدیر بختینه صحرا دلاشیر
یوسفی کنعانا قایتارماق اولار غم یئمیین
بو آرا یوسیفه البت کی زولیخا دولاشیر
گول تاپیب دیر هاماشین ، قول بویون اولموش نازینان
اوخویور چه چه ایلن بولبول شیدا دولاشیر
باغلادیم قلب ائوینی دوشمویه بیرده ته لیه
ظالیم آلتدان باخالی گوزلری شهلا دولاشیر
گئجه لر ساکن اولوب صبجه قده ر آرزیلیرام
قورویام گوزلریمی توک لری یلدا دولاشیر
(نیازین ) مطلعینه یازدی ( کیان ) قیسا غزل
دویغولار آزدیریری ، ال ده الیف با دولاشیر

     
#429 | Posted: 20 Jun 2013 18:25
" سن آیریلالی سینه مه غم لر قالانیبدیر
گل گور نئجه سن سیز اورگیم پارچالانیبدیر
نفرین ائلیرم یختیمی شاید آزالا غم
قلبین گوزه سی هیجر اودونا قورسالانیبدیر
حسرت یئمیرم یالقیز اولوب سا یاشیرام من
رویام دا گوزل نازلی تنین یونتالانیبدیر
خلوت ده تجسم ائلیرم سانکی یاخین سان
آشکاردا گوزل عطر تنیندیر جالانیبدیر
بیر سال یادووا باغ دا گزه ن گونلری ای یار
بولبول گئده لی گول لری کوک دن تالانیبدیر
عشقین دنیزی دالغالانیب طوغیان ائده ر کن
بختیم بولانیب ننلی کیمی چالخالانیبدیر
عومروم قوتاریر گون گئدیری ظولمه ته ساری
سونسوز گئجه نین جان آلانی چیرمالانیبدیر
آمما دوزورم بیرده گور ام کولگه وی هیهات
شانسیم بئله بیر خام خیالا آرخالانیبدیر
یئرسیز اوزووی خام سوزه آللادما ( کیان ) سن
عومرون بیجگی قووه تیلن امضالانیبدیر

     
#430 | Posted: 20 Jun 2013 18:26
گولوستاندا ، باغدا ، چمنده ، سئویری هزار سنی
ایسته یر غونچه سنی ، گول سنی، باهار سنی
باخاندا آل الوان آچیلان گولزاره بیر کره
سارماشیق دا ، لولفرده ،به یه نیر ، حتتا خار سنی
باهاردا آچان شکوفه یه بنزییر ، یاناقلارین
نه گوزل خلق ائلیب منه روزگار سنی ؟
عطیرلی گوللرین رایحه سی مست الئیر منی
مززمت ایله مه رم گاه گوره م خومار سنی
باهار نغمه سینی جارلاییری بولبول شیدا
نوائیلن تعریف ائدیر کمانچه ایله تار سنی
چیخیر گونش ویقاریله یاییری ساری تئللرین
اورک دن ایستیرم زمان ائده بختیار سنی
گوزللر ایچینده سئچمیشم مارالیم یاریمی
قلبیمده ساخلاییب دیر گومانیم اعتبار سنی
دویولسه دولت سرانین قاپیسی هوله دوشوب قاچما
قونشودا ، قوهوم دا ، سئویری هم طلبکار سنی
رقیبه تولانیب سا گوشه چشمیله ناز اتمه
آماندیر اوگلیر آللادیب ائلییه شکار سنی
یئرینده ثابت اول چاپیردیم عشقمین آتینی
گلیم کویووا ایلئیم مرکبه تا سوار سنی
سئوینجه آند ایچیر (کیان) بوتون وجودیله
طبیعت یارادیب دیر منه همدم و یار سنی

     
صفحه  صفحه 43 از 56:  « پیشین  1  ...  42  43  44  ...  55  56  پسین » 
شعر و ادبیات انجمن لوتی / شعر و ادبیات / اشعار ترکی بالا
جواب شما روی این آیکون کلیک کنید تا به پستی که نقل قول کردید برگردید
رنگ ها  Bold Style  Italic Style  Highlight  Center  List       Image Link  URL Link   
Persian | English
  

 ?
برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.



 
Report Abuse  |  News  |  Rules  |  How To  |  FAQ  |  Moderator List  |  Sexy Pictures Archive  |  Adult Forums  |  Advertise on Looti

Copyright © 2009-2020 Looti.net. Looti.net Forum is not responsible for the content of external sites