تالارها ثبت نام نظرسنجی جستجو موقعیت قوانین آخرین ارسالها   چت روم
شعر و ادبیات

اشعار ترکی

صفحه  صفحه 44 از 56:  « پیشین  1  ...  43  44  45  ...  55  56  پسین »  
#431 | Posted: 20 Jun 2013 18:28
من آشیقام سوز آچیرام اورک دن
سوزلریمه قووت وئرن ساز اولسون
ائل هاواسین دینله یه سیز سازیمدان
خومارلانیب دیل داماغیز ساز اولسون

آذربایجان مارال لاری اویناسین
قوناخلاری اینتظاردا قویماسین
مجیلیسیمیز ماهنی لاردان دویماسین
شادلیق اولسون عیشوه اولسون ناز اولسون

من آشیقام سیز ایسته سز چالارام
محفیلیزده سحره جن قالارام
ائل اوبانین قاداسینی آلارام
آرزلیرام غصه لریز آز اولسون

آنصاف دئیر ساکت اولوب دینمیاق
اورک لردن غم توزونو سیلمیاق
خلقیمیزین احوالینی بیلمیاق
ائلیمیزین خزان فصلی یاز اولسون

یوردوموزون گورمه لیدیر باغلاری
میوه لری قوهون قارپیز طاقلاری
هیبت لیدیر اطرافیندا داغلاری
قوری گول ده اوردک اولسون غاز اولسون

من (کیانام ) آذربایجان جانیمدی
حیاتیما قووت وئره ن قانیمدی
اونده گئده ن کاروانا ساروانیم دی
وطنیمین کئفی دائیم ساز اولسون

     
#432 | Posted: 20 Jun 2013 18:29 | Edited By: banoo
ازل دن باغلییام گوزل وطنه
سسلیرم وطنیم عاشیقم سنه
آنادان مهربان اولوبسان منه
وطنیم اورگیم آذربایجانیم
قلبیم سن دیلگیم آذربایجانیم

توپراغین قیزیلدیر گوز قاما شدیریر
تاریخه افتیخارلار یاراشدیریر
دوشمنی دوستلاردان تز آراشدیریر
وطنیم اورگیم آذربایجانیم
قلبیم سن دیلگیم آذربایجانیم

اطرافیندا اوجا اوجا داغون وار
گول بئجه ردن یاشیل یاشیل باغون وار
بوستانیندا شیرین شیرین تاغون وار
وطنیم اورگیم آذربایجانیم
قلبیم سن دیلگیم آذربایجانیم

دوشمن لرون ایسته یبدیر زور دئیه
وئرمه میسن توپراغیندان بیر سییه
اوز وئزمه سن بیگانیه اوزگیه
وطنیم اورگیم آذربایجانیم
قلبیم سن دیلگیم آذربایجانیم

تبریز سنین اورگیندی جانیندی
قلبینده کی آل قیرمیزی قانیندی
دارگونلرده دردلره درمانیندی
وطنیم اورگیم آذربایجانیم
قلبیم سن دیلگیم آذربایجانیم

     
#433 | Posted: 20 Jun 2013 18:30
گلدی بایرام گوزلیم باده گتیر نوش ائلیاق
پوسته نی قنده قاتیب دردی فراموش ائلیاق
تار قاوال دیر اورگین مرحمی موطرب چالالی
عقلی باشدان بوراخیب مجلیسی مدهوش ائلیاق
قارمانین نازلی سسی روح آ نوازش وئره لی
شاباشی یاغدیریبان محفیلی مفروش ائلیاق
قدحین حورمتینه وجده گلیب دیر اوخویاق
ساقی دن می آلالی جان شیره سین نوش ائلیاق
ال چالانلار داهی دا مجلیسه شورقاتمالیدی
یئری گلسه بیر اولوب شمع لری خاموش ائلیاق
می نن موسیقی نین الفتی وار هاممی بیلیر
اجنبی گلسه اگر باده نی سرپوش ائلیاق
حافظین دیوانینا عشقه تفائل ائده لی
عاشقانه غزلی ذهن ده منقوش ائلیاق
اولمویا قهر و غضب غالب اولا قلبیمیزه
حددیدن عقل چاشیب محفلی پرجوش ائلیاق
الغرض یازدی (کیان) نظمیله حق سوزلرینی
یاخچی دی شبهه سالان سوزلری مخدوش ائلیاق

     
#434 | Posted: 20 Jun 2013 18:30
سن بلا اولسان عزیزیم من بلانی ایسته رم
گوزلرونده پارلایان ناز و ادانی ایسته رم
احتیاجیم یوخ بیر آیری مه لقایه هچ زامان
مهربانلیق نغمه سین شیرین ندانی ایسته رم
قویمارام باشدان چیخا عشقین نواسی بللیدیر
شنلیگه خوش نغمه نی ساز و صدانی ایسته رم
ایسته رم مطرب چالا شادلیق نواسی قوزانا
آیریلیق دوشسه بیزه مارش عزانی ایسته رم
من اگر مجنون اولوب صحرایه گئدسم دانلاما
لیلی دن اوز دوندریب سن تک سارانی ایسته رم
گر وئره خلعت منه بیگانه زرین پالتاری
ورمه رم ال دن سنی کوهنه ردانی ایسته رم
اوزگیه قیمت گوموش اولسا سنه لایق قیزیل
بیله فرقی ایله یقین حتما طلانی ایسته رم
ویرسالار تیر جفا ترکین قیلام ایلقاریمی
آتمارام پاک عشقیمی البت یارانی ایسته رم
عهدیمه شک ایله مه ، ای ماه تابانیم دو گل
آیرسین سن دن سووای تکجه خدانی ایسته رم
نه گوزلدیر سویلییر هر دم (کیان) عشقین سوزون
هاممی بیلسین عاشقه دائم دوعانی ایسته رم

     
#435 | Posted: 20 Jun 2013 18:31
ایستیرم جانیم آخا شح کیمی گول یاپراغینا
گوز تیکم یار گله لی الوان آچان گول باغینا
گوزله یم دیلبریمین آی اوزونو بیرده گوره م
تاماشاسین ائده لی شاهید اولام گو لماغینا
قارا ساچلارینی او باغدا گلیب هورسه اینان
راضی اوللام من اولان گول پوداغین درماغینا
گیینه آق حریرین باغدا گزیب سیره چیخا
گوره رم آق تنینی دوزسه ، باغیش یاغماغینا
باخارام سرو آغاجین تشبیح ائدم قامتینه
یا دا کی سرو آغاجین اوخشادارام دورماغینا
بیلمیرم هانکی گولو باخسا پسند ایلیه جاق
من اولا گول پوداغین یا کی قالیب سئوماغینا
آیدین ائدی یارینا یازدی ( کیان ) قیسا غزل
بئله بیر آرزیلاری ساخلایاجاق گورماغینا

     
#436 | Posted: 20 Jun 2013 18:32
دونیادان اوز دوندریب من آشنا دن کوسموشم
کبردن ، تزویردن ، رنگین ردادن ، کوسموشم
من محبت سائلی اولدوم ولی گوردوم جفا
باش یازیمدان بخت دن قدرو قضادن کوسموشم
تا مسیحا سنتین گلدیم اجابت ایله یم
سیلی لر وئردی فلک من اولیادن کوسموشم
زاهدین ده سوزلری تائیر ائده نمز حالیمه
منبریندن موعظه دن فیض عبادن کوسموشم
گر طبیبیم ده علاجی کوسمه ماق تجویز ائده
اتمه رم امرین اطاعت چون دوادن کوسموشم
دلبریم ده میل ائدیب اغیاریدن اوز دونده ره
رغبتیم یوخدیر اونا نازو ادادن کوسموشم
دوستلوغا قیمت وئرردیم حیف اولا زحمتلریم
صیغه قارداش دان قیریب کاذب وفادن کوسموشم
یئل گتیرسه خوش خبر بیر گون مراده من چاتام
پیک دن پیغام دان باد صبادن کوسموشم
ایستیرم گونلر گوده لسین عومروده چاتسین باشا
بو جفاکار دونیادا سونسوز بقادن کوسموشم
قارونون گنجین منه اهدا ائده چرخ فلک
شمش دن الماس دن سیم و طلادن کوسموشم
سینماسین هچ بیر اورک دونیا بویو ایسته ( کیان )
یوخسا بنده سویله یر من ناخدا دن کوسموشم

     
#437 | Posted: 20 Jun 2013 18:32
" او ج آلان قارتال کیمی گوی لر مکانیمدیر منیم
ذیروه لر عنقاسیام قاف آشیانیمدیر منیم
بال آچیب گوی لرده پرواز ایله رم سیمرغ وار
آزادام ماوی سماء شن آسمانیمدیر منیم
من همای فررخ آم قوننام بولوت لار عرشینه
بیله بیر اوج آلمالار عالی نیشانیمدیر منیم
قورخمارام صیاددن مین لرجه تورلار قورسالار
خلقمین گور همتی آتشفشانیمدیر منیم
بوش دئیر اطرافیدا یوزلرجه شاهین لر اوچور
بیر ایچیمده آنلیرام طعم دهانیمدیر منیم
شیکوه یوخدیر ایسته سم دونیانی تسخیر ایله رم
هایلاسام مین لر قوچاق دار و نداریمدیر منیم
قارتالام باش اگمرم هر نا کسین فرمانینا
تکجه آللاه بیلمیشم صاجب زمانیمدیر منیم
من وطن سربازیام توپراغیما جانیم فدا
پارلاسین شانلی وطن روح و روانیمدیر منیم
یوردونا یازدی ( کیان ) بو شعریله وصف ختن
من وطن قوربانیام بو آرمانیمدیر منیم

     
#438 | Posted: 20 Jun 2013 18:33
" مریض عشقه ای دیلبر طبیب مهربان ایستر

علیل درد هیجرانم کونول آرام جان ایستر

یاماندیر آیریلیق دردی گیرفتار اولمویان بیلمز

عذابی کیمسیه موشکول یوخاری بیر توان ایستر

اینانماز سئوگی لر هرگز رقیبین عشقینی گویا

دوغورچو عاشیقه البت بو یول دا امتحان ایستر

سوزوم ده عاجیزم هیهات دیلیم قاصیردی گوفتاره

توکنمز عشقیمه لایق دیلیم ده خوش بیان ایستر

اورک ده یغمیشام سیرری نه جور افشا ائدیم جانا

بو واضح دیر بئله سیرره یقین خلوت مکان ایستر

آدین لیلی منم مجنون جنون عشقه مشهورم

بو سونسوز وورغونا لابد سینه مده آل نیشان ایستر

اوزوم دن چیخمیشام یارب سرا پا غرق عصیانم

بئله دیوانیه حتمن که زنجیر و عنان ایستر

بو دور عاشیق لرین حالی ، (کیان) شرحین بیان ائدی

عجب دیر کی بو احوالی اورک دن هر جاوان ایستر


     
#439 | Posted: 20 Jun 2013 18:34
بوتون گوزلیگی تانریم او سرو نازه وئریب

او هر نه ائدسه طبیعت اونا اجازه وئریب

باخاندا کشیده بویونا او زیبا پریوشین

طراوتی ظرافتی کوک دن او طنازه وئریب

کمند زولفونه دوشموشم قیریب قاچانمیرام

الولی عشق دیر کی منی بیله گودازه وئریب

تن بلورینی خالیق اوخشادیب تونگ مینایه

آق آبباغ بیلک لری قاناد کیمی پروازه وئریب

گوزو شوه قاشی کماندیر بوخاغی مرمردن

ملاکه لر سسی نی ده او دلنوازه وئریب

چکیرم باغریما سازیمی تللرینی کوکلویم

یاریم دیر کی دمینی نوائیلن بو سازه وئریب

( کیان ) جاوان قالاجاق هاردا؟ مغنی اولان یئرده

نوای یاریلن کی دمینی او حجازه وئریب

     
#440 | Posted: 20 Jun 2013 18:34
" ساقیا حسرتلی باغریم غصه دن قان اولدو گل

صبر ائوی میخانه تک باغلاندی ویران اولدو گل

توک گتیر پیمانه می می دن داها بوش قالماسین

گوزلریم یول چکدیلر هیجرینده گریان اولدو گل

چوخ یوبانما انتظاردا ساخلاما فورصت گئدیر

بیر زمان گوزدون کی زاهدلر پشیمان اولدو گل

چاره قیل بو حال دن دونده ر منی اوز حالیوه

حالیمه صاحب دوران خلوت ده شیطان اولدو گل

گیزلی وخت ده دانلیرام اوز بختیمی دیوانه تک

دوستاغام خلوتکده م غوربت ده زندان اولدو گل

سن بیزیم میخانه نین اود سوندوره ن سققاسی سان

میکده اهلی بو گون هیجرینده عطشان اولدو گل

مونس و همدم بیزه اولدو غم رویون سنین

خاطر مجموعوموز سن سیز پریشان اولدو گل

وعده وئرمیشدون گله رسن قلب ائوی آباد اولار

قالمادی معموره سی اولدوقجا ویران اولدو گل

خاطیره دوشدوگجه یادین گوزیاشیم طوغیان ائده ر

کونلومون دریاسی جوشدو اوندا طوفان اولدو گل

خط بطلان چکدی کوفره حالیمی گورجاق منیم

آغلادی احوالیمه کافیر مسلمان اولدو گل

موژده سین وئردی ( کیان ) مستانه لر بیربیر گلیر

اهل می دیلشاد اولوب کونلونده خندان اولدو گل

     
صفحه  صفحه 44 از 56:  « پیشین  1  ...  43  44  45  ...  55  56  پسین » 
شعر و ادبیات انجمن لوتی / شعر و ادبیات / اشعار ترکی بالا
جواب شما روی این آیکون کلیک کنید تا به پستی که نقل قول کردید برگردید
رنگ ها  Bold Style  Italic Style  Highlight  Center  List       Image Link  URL Link   
Persian | English
  

 ?
برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.



 
Report Abuse  |  News  |  Rules  |  How To  |  FAQ  |  Moderator List  |  Sexy Pictures Archive  |  Adult Forums  |  Advertise on Looti

Copyright © 2009-2020 Looti.net. Looti.net Forum is not responsible for the content of external sites