تالارها ثبت نام نظرسنجی جستجو موقعیت قوانین آخرین ارسالها   چت روم
شعر و ادبیات

اشعار ترکی

صفحه  صفحه 46 از 56:  « پیشین  1  ...  45  46  47  ...  55  56  پسین »  
#451 | Posted: 20 Jun 2013 18:40
" دئمه مجنونه دلی بلکه ده لیلا دلی دیر

عشق اولان یئرده بوتون عاقیل و دانا دلی دیر

وامقین حالینه یاندی اشیده ن سئوگیلی لر

دوشونن بیلدی یقین عشق ده عذرا دلی دیر

یوسفین ده حالینا شامیل اولور بو بورهان

شبهه سیز بنده چکن باشدا زولیخا دلی دیر

خان چوبانین اورگین سیلکه لیب فتح ائلین

سئله لبیک دئین غصه لی سارا دلی دیر

هرکیمین قلبی چالیر سئوگیلی جانانه سینه

آنلاییر درده دوشن آهیل و بورنا دلی دیر

دئمه سرمست اولانا اغلین آزیبدیر چاشیری

میکده اهلی بیلیر شیشه مینا دلی دیر

هاردادیر عشقه دوشن باغبانیمز حقی دئیه

گول لره آیدین اولا بولبول شیدا دلی دیر

وئریلیب چوخولو سینه چاک ائلیین نازلی گوزه

کونولی حیران ائده ن گوزلری شهلا دلی دیر

بویونا سرو آغاجی غیبطه یی یبر سئوگلیمین

گناهیم یوخدو منیم قامتی رعنا دلی دیر

باتمیری عقله داها هرنه یازیر شعره ( کیان )

قلمین یوخدو سوزی طالب رویا دلی دیر



( کیان )

     
#452 | Posted: 20 Jun 2013 18:41
یاغدیریر کپریک اوخون گوزده صف موژگانه باخ

بی خبر لشگر چکیر سن نحوه ی اعلانه باخ

تا گلیب قلخان توتام آماج دان جان قورتارام

امر ائلیر اولدورمگه یاردان گلن فرمانه باخ

قلبیمین مولکون سراسر اودلویوبدیر یاندیریر

توز سالان توفان سالان طوغیانلی بیر عوصیانه باخ

قوردوروبدیر آشیانیمدا خلافت تختینی

کونلومه حاکم اولان امر ائیلین خاقانه باخ

هرنه فرمانی اولا گوررم رعییت لر کیمی

یوخسا قلبین گوشه سینده گیزلنن زندانه باخ

وعده وئرمیشدیر گله خلوت ده مهمانیم اولا

گئج گلن جان ایستین قلبی شیشه مهمانه باخ

آتمیشام عقلی باشیمدان طالبم دردین چکم

درد سالان درد آرتیران دونیام دا کی انسانه باخ

یالواریر دائم ( کیان ) ال چک بو ایشلردن گولوم

رحم ائله قوربان سنه گوی دن گلن قورآنه باخ



( کیان )





     
#453 | Posted: 20 Jun 2013 18:41
یاندیریر قلب ائوینی سوزیله هیجران گئجه سی

بیر بویوک غم قالائیر کونلومه هیجران گئجه سی

آیریلیق درده سالیب جانیما یاریم بیلیری

چاتمییب چاتمیاجاق حاصیله هیجران گئجه سی

ا اورگیم قانه دونور گون بئله کچدیگجه عجب

هیجرانی ولوله سالمیش دئله هیجران گئجه سی

باغرینا سازینی باسمیش عاشقین فیکری بو دور

زخمه سی سیزلایا بلکه تئله هیجران گئجه سی

رنگیمی باخ سارادیب روزگارین صون خزانی

نیلئیم بو گونه سالدی بئله هیجران گئجه سی

نگران من دگیرم تکجه بو هیجران گئجه ده

عشقیمی ده وئره جاق تام یئله هیجران گئجه سی

گوزلریم دن آخیری غم یاشی یاغمور سایاقی

یاناغیمدان دئمیرم یاش سیله هیجران گئجه سی

تنیمین آغریلاری لرزیه سالمیش سسیمی

گتیریبدیر ( کیانی ) لاپ دیله هیجران گئجه سی


     
#454 | Posted: 20 Jun 2013 18:41
" اولموش گوزلیم ماه روخون آیه برابر

مستانه گوزون نرگس شهلایه برابر

دونیانی منه وئرسله سن سیز نه یه لازیم

تک بیر باخیشین هر ایکی دونیایه برابر

اندیر نقابی سئیر ایله ییم ماه روخوندا

جوت آل یاناغین قیرمیزی آلمایه برابر

شهد لبوون طعمینی می دن آلا بیلمم

بیر جورعه سی یوزلر می صهبایه برابر

ائشمه ساچووی سالسان اگر بوینوما بیرگون

اوللام سنیله عین چلیپایه برابر

رویاده گورم خلوتیمه گلمیسن آی گول

پرواز ائله رم اوج دا مینایه برابر

سهو ایله مه رم باغبان اولام گول لر ایچینده

بنزدمه رم آیری گول زیبایه برابر

سن قلب ائوینین صاحبی سن گتمه خیاله

صاف عشقیمیزی ایلمه رویایه برابر

هجرینده اگر حیران اولوب دوشسم ایاق دان

جان قایتاراسان عین مسیحایه برابر

قد قامتوه گور نه یازیب شعره ( کیان ) باخ

سروین آغاجی تک قده رعنایه برابر


     
#455 | Posted: 20 Jun 2013 18:42
گورمه میشدیم عومرده مستانه ساحیر قاره گوز

بندینی قیردی داغیدی قلبیمی صد پاره گوز
بس گوزلدیر گوزلری گوزدن اوزولموز گوزلریم

گور نئجه سحر ایلیب هجرینده سالمیش زاره گوز

یوخدو جورئت قورتارام اوز جانیمی بو عشق دن

قصد جانیم ایلیب تیرین آتیر پیکاره گوز

چوخ چالیشدیم قلبیمه تا تیر موژگان دگمیه

سینه می آماجیله دونده ردی تز خونباره گوز

هر باخیشدا مین بلانی یوللادی او جانیمه

دینمه دیم شاید ائده جان دردینه مین چاره گوز

ائو یخار او دیده کی افسونیله کپریک وئرا

دودیمانین اوچدورار ویران ائده ر دلداره گوز

بار ایلها غم قالیر قات قات ( کیان ) غم خانیه

یاردیم ائت تا یغماسین بوندان چوخون انباره گوز



( کیان )


     
#456 | Posted: 20 Jun 2013 18:42
" هرکسین دل ده غم سیمبری اولموش اولا

خوشدیر عشقینده اونون چشم تری اولموش اولا

بو معمما دئیری کیم لره عاشق دئیلیر

عاشقین عشقه گرکدیر هنری اولموش اولا

غم هجرانه دوزه ر تاریخه باخ عاشق لر

بو گرکدیر سئوه نین سون نظری اولموش اولا

داغلاری گور نه یاریب شیرینه خاطر فرهاد

بو مسللم دی اونون خون جیگری اولموش اولا

یا کی قیسین اورگین پارچالیب باخسان اگر

لیلی یه لایق اولان بیر گوهری اولموش اولا

سهل سایما کرمین اصلی یه خاطر سوزونو

فرش دن عرشه ساری گوی سفری اولموش اولا

هر کیمین سارا تکین دونیادا ناز سئوگی سی وار

خان چوباندان دا گرک لاپ بتری اولموش اولا

گر فضولی ساییری عشق مرامین دوشوناق

( کیان ) نین دا سوزونون چوخ اثری اولموش اولا



( کیان )

     
#457 | Posted: 20 Jun 2013 18:42
قونچه تک اوندا کی لبخندینی پنهان ائله دی

لاله تک باغریمی بیر پارچا تیلیب قان ائله دی

من کی ال چکمیشیدیم مسلکمین قیدیندن

او چکیب دیر دینینه دوغرو مسلمان ائله دی

قلبیمه مالک اولوب ییغدی محبت ائوینه

مجنونی لیلی یئنه وارد زندان ائله دی

جیزیقیمدان چیخاریب شهره آفاق ائلیب

دیه سن سائلی او شهرده سلطان ائله دی

عومرومون چارچوواسین بیر بالا دخمه بیله لی

بو کیچیک دخمه نی جانان یکه میدان ائله دی

قالمیشام بیر بئله عنوانی هارا من داشییم

گوده قیسسا نغیلی دیلره دستان ائله دی

چوخ چالیشدیم اورگین سیررینی پنهان ائلیم

او گوزل عشقیمیزی خلقه نمایان ائله دی

غم یوکون آلدی چئین دن نفسی تازه لییم

بیر قارانلیق زامانی جلوه لی دووران ائله دی

اومیدین نورونی سالدی اورگین ظولمه تینه

قلبیمی سیلکه له دی صاحب ایمان ائله دی

بو گوزلیک لرینن عشق آلولانی بو گون

( کیان ) نین دفتر شعرین یکه دیوان ائله دی



( کیان )

     
#458 | Posted: 20 Jun 2013 18:43
" لاله تک من باغریمی قان ایله دیم ، سن نیله دین ؟

جانیمی اودلاردا بریان ایله دیم ، سن نیله دین ؟

غم داغیدمیش چهره می گیزلدمیشم اغیاریدن

جبریله سیمانی خندان ایله دیم ، سن نیله دین ؟

کویووین ترکین قیلیب مجنون سایاقی قالمادیم

چولرین حالین پریشان ایله دیم ، سن نیله دین ؟

تا کی هیجران آتشی اود ویردی جانا دینمه دیم

ناله می پیوسته پنهان ایله دیم ، سن نیله دین ؟

تا رقیب لر آتدیلار تیر جفانی سمتووه

سینه می آماجه قلخان ایله دیم ، سن نیله دین ؟

بیر کره محتاج دیدارین اولوب سن گلمه دین

نقد جانی هیجره احسان ایله دیم ، سن نیله دین ؟

کونلومون ایستک لرین بیر بیر مهار ائدیم بوگون

اونلاری قلبیمده زندان ایله دیم ، سن نیله دین ؟

چوخ زامانلار خلق ایچره تحسین اولدوم عشق ده

صبریله دونیانی حیران ایله دیم ، سن نیله دین ؟

ال گوتوردوم قهریدن بئل باغلادیم رویالره

عشقیمی صبریله میزان ایله دیم ، سن نیله دین ؟

بو فلک دن انتظاریم اولمادی سویلور ( کیان )

بختیمی شعریمده دیوان ایله دیم ، سن نیله دیم ؟


     
#459 | Posted: 20 Jun 2013 18:44
" ای وطن سن سن اورک مولکونده سلطانیم منیم

نازنین یاریم منیم ، نازنده جانانیم منیم

بو جهاندا یوخ سنین تک مهربان توپراق اینان

سن محبت یوردوسان ، محنت ده درمانیم منیم

تاریخه جان وئرمیسن ایسمین اولوبدور زرنگار

سنله هیبت تاپمیشام ای مهد شیرانیم منیم

کچمیسن چوخلی گوذردن مین بلانی سوومیسان

ایتمیب تدبیریله تاریخده عنوانیم منیم

توپراغیندان سورمه لر چکدیم گوزه عومروم بویو

گوزلریم آیدین اولوب گورکملی لقمانیم منیم

اولکه لر ایچره گوزلیکده تایون یوخدیر وطن

بیزلره اعطا ائدیب بیر یئرده سبحانیم منیم

چایلارین داغدان آخارکن جسمیمه جان قایتارار

عین قلبیمده آخان قیمتلی دیرقانیم منیم

توپراغیندا ایله رم اوز جانیمی خلقه فدا

بو دیارین مللتی همت ده ولگانیم منیم

سن سن آذربایجان اودلار دیاری فخریمیز

باغلانیب سنله وطن گویلرده پیمانیم منیم

سن (کیان) تبریز بالاسی یاخچی یازدین شعرووی

ارخیین سویله وطن سرفصل دیوانیم منیم



( کیان )



     
#460 | Posted: 20 Jun 2013 18:44
" الیمدن صبریمی آلدی ایاق دان سالدی سئوداسی

باشیمدان چیخماییر نئیلیم ، او دیلدارین تمناسی

یولوندا جان وئریب اولسم ، سرین سو تک گوارادیر

منی توخدادمیری یاریم ، اودیر دردین موداواسی

کونولده آق گورچین تک وفانین ان بویون گزدیم

ایناندیم عهد و ایلقارین گنیش دیر عرض و پهناسی

دیه ردیم من ده مجنونم ، اورک ده لیلی یه خاطر

دوشوندوم دوغروچو عشقین هله یوخدور الفباسی

نه دن سه عاشقم او مه لقایه ، حیرانام دل ده

باشی اغیاریله قالدیر بو عشقین یوخدی معناسی

آچاندا ناوک موژگانینی اطرافینا باخسین

بیرآنی سحر ائدیر ظالم باخیشدا چشم شهلاسی

دانیشسا بولبوله های دیر سسی مخمل سایاقیندا

کونول ده لام به لام یاتمیش ، نگارین نطق گویاسی

اورک ده ولوله سالمیش ، یارین سیمای زیباسی

اوزون زولف چلیپاسی ، خورامان قدده رعناسی

بو سوز قالمیش قولاغیمدا ، پیریم اویرددی پیوسته

وصالین لذتین دن چوخ ، شیرین دیر هیجر دونیاسی

الیم چاتمیر یارا هرگز ، دئیم احساسیمی بیلسین

گورنده اعتنا ائدمیر بو ایش دن یوخدی پرواسی

(کیان) بو حالینه قالسین گوزل دیلبرده او حاله

وصالی غیر ممکن دیر ، قالار تکحه تاما شاسی



( کیان )

ا

     
صفحه  صفحه 46 از 56:  « پیشین  1  ...  45  46  47  ...  55  56  پسین » 
شعر و ادبیات انجمن لوتی / شعر و ادبیات / اشعار ترکی بالا
جواب شما روی این آیکون کلیک کنید تا به پستی که نقل قول کردید برگردید
رنگ ها  Bold Style  Italic Style  Highlight  Center  List       Image Link  URL Link   
Persian | English
  

 ?
برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.



 
Report Abuse  |  News  |  Rules  |  How To  |  FAQ  |  Moderator List  |  Sexy Pictures Archive  |  Adult Forums  |  Advertise on Looti

Copyright © 2009-2020 Looti.net. Looti.net Forum is not responsible for the content of external sites