تالارها ثبت نام نظرسنجی جستجو موقعیت قوانین آخرین ارسالها   چت روم
شعر و ادبیات

اشعار ترکی

صفحه  صفحه 48 از 56:  « پیشین  1  ...  47  48  49  ...  55  56  پسین »  
#471 | Posted: 20 Jun 2013 19:09
ایلدیریم حک ائیله یر عرشه سما آیه لرین

عرش ده نقش ائله یر فرشه هدا آیه لرین

باغلایب قول قولا بیر جاذبه مین لر فلکی

مین هالای ذکر ائله یر گوی ده ثنا آیه لری

یئل اسیر یازنفسین ده‌ن اویانیر گوللو باهار

دولدورور جامه سوزه‌ن چاغدا صفا آیه لرین

هرنه وارسینه افلاک ده تسبیح ائله یر

ذکر ائدیر هرنه کی وار یئرده دعا آیه لرین

قابلیت آنا توپراق دا بویوک معجزه دیر

کی دوزوب سرگی یه خوش نشو و نما آیه لرین

بیر مقدس گئجه نین خاطره سین ده‌ن نه دئییم

حوری لر یای دی سماواته حرا آیه لرین

(ائلچی) از باب بشیرا و نذیرا قرآن

هر نفس نشر ائله یر خوف و رجا آیه لرین

عباسعلی یحیوی(ائلچی)


     
#472 | Posted: 20 Jun 2013 19:09
گوی ده ن منه بیر بایداقیزیل قان گتیریب لر

یوخ یوخ گونشین آلماسین احسان گتیریب لر

حیرت یوگوره رکن ائله اوزسوزله میشم کی

بوهیکله آلقان داچیمه ن جان گتیریب لر

بیر دالغالی جوشغون دنیزی من ده اکرکن

هر بیریئنی چیرپینتیما طوفان گتیریب لر

گوی قورشاغی منظومه لری بیرساپا دوزموش

بوسینه مه مین حالقالی کیهان گتیریب لر

بوجان کی غزل چشمه لرین ده ن می ایچیب دیر

هر دالغادامین شیهه لی دیوان گتیریب لر

بهت عالمی دیر سن هار بو من هارا بالله

بیلمم منی هاردانن هارا حیران گتیریب لر

قوی دال بادال انسین نفسون روحومه وحشی

مجنونلوقوما عشقی پریشان گتیریب لر

شاعردئیه بیلمز نه یازیر یا یازاجاق دیر؟

وحی عطرلی الهام لاری الان گتیریب لر

حورالره باخ ائلچی غزل طرحی توکنده

مضمون یئرینه آتش و عصیان گتیریب لر

عباسعلی یحیوی اردبیلی


     
#473 | Posted: 20 Jun 2013 19:10
دولغون سمالاردان یاغیر توفان لی توفان یاخشی باخ

حیران کونول ده چیرپینیر عصیان لی توفان یاخشی باخ

یئرسیز ده ییل بیر بویله های بیربویله گون بیر بویله آی

هاردان آخیر بیربویله چای بو جان لی توفان یاخشی باخ

جوشغون دی شاعرسینه سی اوددور اوره ک گنجینه سی

شاعر خیالیندان بیتر آلقان لی توفان یاخشی باخ

بو حس یوخ بیر جذبه دیر روحو یاران بیر ضربه دیر

توپراق جانین دیکسیندیریر عصیان لی توفان یاخشی باخ

رقصان دی عالم شبهه سیز هم غمزه گر هم عشوه ریز

وارلیق نه دی جوشغون دنیز طغیان لی توفان یاخشی باخ

آخ آخ ریاست ده ن دئمه زوردان سیاست ده ن دئمه

دیل باغلادار قان آغلادار بحران لی توفان یاخشی باخ

قوی کوکره سین قان چایلاغی جوشسون سوزون قان قایناغی

چاخناشدیران دا ائلچی نی جولان لی توفان یاخشی باخ

عباسعلی یحیوی اردبیلی




     
#474 | Posted: 27 Jun 2013 18:15




سیزلاییر احوالیما صبحه قدر تاریم منیم
تکجه تاریم دیر قارا گونلرده غمخواریم منیم

چوخ وفالی دوستلاریم واردیر، یامان گون گلجه یین
تاردان اوزگه قالماییر یار وفاداریم منیم

یئر توتوب غمخانه ده، قیلدیم فراموش عالمی
من تارین غمخواری اولدوم، تار غمخواریم منیم

گوزلریمه هر تبسم سانجیلیر نئشتر کیمی
کیپریگی خنجردی، آه، اول بی وفا یاریم منیم

آسمان آلدی کناریمدان آی اوزلو یاریمی
یاش توکر اولدوز کیمی بو چشم خونباریم منیم

ای بو غملی کونلومون تاب و توانی، سویله بیر
عهد و پیمانین نه اولدو، نولدو ایلغاریم منیم

"شهریار"م گرچی من سوز مولکونون سلطانی یم
گوز یاشیمدان باشقا یوخدور در شهواریم منیم




ناگهان رسیدی و خوشبختی شیشه عطری بود
که از دستم افتاد و در تمام زندگیم پخش شد
     
#475 | Posted: 27 Jun 2013 18:39




قیزیـلدان تـــللی قــــــالاندی
بـــاتیب ظلماتـــه قـــویلانـــدی

اولـــوب تــــللی تـــــالان دنیـــــا
ده لـــی ، ویـــرانه نی خوشلار

دولان عقـــله ، ســـنی بوشـلار
ایچی بوشـــــــلا ، دولان دنیـــا


قـــبرستانلیق ،سـون دئشیگون
نــه ایچـــه ریــن نـــه ائشیگون

قــــارانلـــیق بیـــر دالان دنیــــا
قـــالانیب هـــی جالانیب سـان

ازلـــدن چـــالـــخالانیب سان
یــــــئنه ده چــــــالخـــالان دنیـــا

دوغـــوب خـــلقی بـــوغان یئرده
اوغـــول نعشین اوغــــان یئرده

آنـــا زولفـــــین یـــــولان دنیـــــا
اجــل جامین ، ایچه ن کئچــدی

اولان اولــدی ، کـئچن کــئچدی
نــــه ایســــتیردیــن اولان دنیـــا

طـــــــوفانـــلاردا بوغـــولایدیــــن
نـــولـــیدی بیر داغــــیلایـــدیـن

بیــــزی درده ســــــــالان دنیـــا
کــیم قیلیج تک قان توکن دیـــر ؟

تـــیمور هـــله کـــوره کــن دیــر
چــــنگیز جــــانین ، آلان دنیــــا

قــوجــالار بـــوز بــاشین یئیه ن
قــــبیر لــرین داشـــین یــئیه ن

ئــــــوزو یـــئنه قــــــــالان دنیــــا
بیری آیــدین ، بیری کــاس دیـر

گئجه طوی دیر ، سحر یاس دیــر
گــول آچــدیقدا ، ســولان دنیـــا

یــورولــدوقجا ، دالــی قــالـدیق
آتـــــی ســـاتدیق اولاغ آلـــــدیق

یه هــــر اولـــدی ، پـــالان دنیـا
چوخ دا اوزون اولما کی اوزوندا عقیل اولماز

آزاد قومی اوغول عشقی طبیعتده بولونسون
داغ-داشا دوغولموش ده لی جیران حمیل اولماز
بو "شهریار" ین طبعی کیمی چیمملی چئشمه
کوثر اولا بیلسه دئمیرم،سلسبیل اولماز



ناگهان رسیدی و خوشبختی شیشه عطری بود
که از دستم افتاد و در تمام زندگیم پخش شد
     
#476 | Posted: 27 Jun 2013 18:43





برق اولمادی، قیزیم گئجه یاندیردی لاله‌نی
پروانه‌نین، اودم ده باخیردیم اداسینه

گؤردوم طواف کعبه ده یاندیقجا یالواریر
سؤیلور: «دؤزوم نه قدر بو عشقین جفاسینه؟

یا بو حجاب شیشه‌نی قالدیرکی ساورولوم
یا سوندوروب بو فتنه‌نی، باتما عزاسینه!»

باخدیم کی شمع سؤیله دی: «ای عشقه مدعی!
عاشق هاچان اولوب یئته اؤز مدعا سینه؟

بیر یار مه لقادی بیزی بئیله یاندیران
صبر ائیله یاندیران دا چاتار اؤز جزاسینه»

اما بو عشقی آتشی عرشی‌دی، جاندا دیر
قوی یاندیریب خودینی یئتیرسین خدا سینه


ناگهان رسیدی و خوشبختی شیشه عطری بود
که از دستم افتاد و در تمام زندگیم پخش شد
     
#477 | Posted: 10 Jul 2013 18:30
من اوموزون گولويم خوش نغمه بولبولويم

آنام بابام چوخ سئو ه ر اووين شيرين ديلييم



شوكور اولسون اللها مني ايديب سلامت

سنيم اولوبدي دوقوز واجب اولوب عبادت



خانوم معلم منه اورگديبدي نمازي

آنام تيكيب دي منه بير گوزل جانمازي



جشن عبادت منه اچيب رحمت سفره سي

الله وئيريب اجازه منده اولام بنده سي


     
#478 | Posted: 10 Jul 2013 18:30
چون موحرم اولدی کعبه جانانه یاریلر

چاتدی قرار وصله اودم بی قراریلر

باشلاندي كوي عشق طرف كاروان يولي

شوق وصاليدن هامونون گوزلري دولي

گورسندي ناگهان گوزه صحراي نينوا

آلدي قرار و صبرلري شوق كربلا

كيم تله چيخدي قتلگهه باخدي آغلادي

ديلده كتاب محنتي آچدي وراقلادي

اولدي دوباره تازه اوركلرده ماجرا

گويا دوباره حمله ايدور قوم اشقيا

يانديردي اهل بيت اورگين خيمه يانماقي

دوشدي اوشاقلارين يادينا چولده قاچماقي

سولدي يئنه عطشدن او غنجچه دوداقلاري

ياده دوشن چاقي قابار اولموش اياقلاري

چون گلمدي قولاقه علي اصغرين سسي

عرشه اوجالدي غملي ربابينده ناله سي

گلدي فرات موجه اشيب داشدي شرميدن

سسلنديلر فراته كي قان اولمادون ندن

اخدون چوله اوركلري سوزيله داغلادون

سقا قووقندا ويردي بيزه قسمت اولمادون

علت ندور كي گوز داغي ويردون قوناقلارا

بير نمده قسمت اولمادي عطشان دوداقلارا

اولمادي سو آنا بالادان اولدي شرمسار

تا عومري وار ديير بالا واي اخشار اغليار

اوخ گر چي صودامر بالاني راحت ايلدي

اما آنانين آرزي باغين غارت ايلدي

بير بير دوبار ه ياده دوشوب ماجراي غم

گوزلر ياغيب دي كربوبلا اولدي تازه نم

غم كارواني چاتدي آي اولدوز باتان يئره

حجاج گلدي قبله عالم ياتان يئره

هرکس که سوز هجره یانوب تاپدی دلبرین

ووردی شرار اتشه پروانه شهپرین

یادتدان چیخاتدی یاری گورن ديلده كي سوزون

محو جمال يار اولوب بيلمدي اوزون

باشه يئتب فراق غمي وصله چاتديلار

ايام هعجر درديني ياتددان چيخاردتلار

شوق وصال آلدي اوركلردن اختيار

گويا بهار فصلدي بلبل گوله قونار

دیل اولمادی دانشماقا گوزلر یاغوبدولا

انس و ملک او لحظیه حیران قالوبدولا

زينب حسين تشنه لبون غم كشيده سي

دولموشدي جام هجريله چون داغلي سينه سي

قبر حسيني گوردي چاتيب آرزوسينه

اول سلام ايديب حرم مشكبوسينه

تل سلاميدن سورونوب قبرينه ساري

گل تك دوزوب قبر كنارينه قيزلاري

گلدي بيانه بلبل غم شرح حال ایدوب

اوچ شعبه اوخ یاراسینی اول سوال ایدوب

آرامين الدي قارداشينون تشنه اولمگي

قبر اوسته سالدي قانه باتان قانلي كوينگي

توكدي دوباره گوزياشيني ايلدي ندا

دور قبريدن حيسن منه بير ايله خوش صفا

دینیدرمسون منی یئنه من ایتمرم گله

سالدی فلک ارامیزا بیر عومر فاصله

هیچ من دیمم حسین نقدر چکمشم جفا

شمریله زجر قافله می چکدیولر هارا

اما دانیش منیله سوروش چكميشم نه لر

باخ گو نجه قوجاتدي مني درد و غصه لر

آچ صحبتی سنه دانیشیم انقلابیدن

هم کوفه دن دیوم همی شام خرابیدن

شامین بلاسی گر چه اخا شرح اولان دگول

مین دفتریله گر یازیلا قورتاران دگول

اما خلاصه یاور اولوب لطف حق منه

وردیم بو قاره پرچمیله ضربه دوشمنه

سیندیرمیشام ابهت کاخ یزیدی من

پیروز اولموسان قانیله ظلم و کفره سن

من قتلگاه عشقيده سندن دويانماديم

عفو ايت مني كي باروه مرحم قوانماديم

هجرانه توشه وصل زماني الانماديم

شامه چكيبله قافله ني من قالانماديم

هيچ بير ديونجا من سنه بير اغليانماديم

عفو ايت يارلي يارولرين باغليانماديم

اي شاه عشق دوره وی المیش کمک لرون

گلمش بو گون زیارته قاره لچک لرون

غم اشدي حديدن بالار تاب ايدنمدي

جان ويردي ظلم اليله رقيم گلنمدي

درديم چوخالدي شاميده درمان تاپولمادي

همدرد اولا بيزيله بير انسان تاپولمادي

اولدي بالام جنازه سينه اولمادي كفن

اوز گوينگيله دفن ايلديم محنتيله من

نسگل لزين اورك باشينا يازديم اغلاديم

ويرانسراده قبرين اوزوم قازديم اغلاديم

قازديم اوزوم مزاريني من سينه داغلاديم

اثبات حق ايلوب آزاده گلميشم

قالدي رقيه شامه نماينده گلميشم

گر چي فلك رقيه مي الدن فلك اليب

اما يزيد تختينه بير ولوله سايب

قاره علمله فتح ايلوب شامي چيخمشام

كاخ اميد زاده سفياني ييخميشام

یر سوز دیوم حسین سنه حال ربابیدن

کچمشدی محنت و غمی حد و حسابیدن

دیلده شرار محنتنی بیلدیرنمدی

یاندی دوتولدی بیر کس اونی دیندرنمدی

سالدی او بینوانی ایاقدان اوغول غمی

حتی بشیکده قالمادی تا اولسون همدمی

هی اغلادی سیزیلدادی سسلندی وای بالا

نولموش منیم قوجاقیمه گلمورسن آی بالا

بولمم نقدری شکر ایلوم حی داوره

زوار ایدوب بو گون منی بو با صفا یره

قورتارمياندي گرچي منيم درد و محنتيم

ايكاش بو مزارون اولا بيرده قسمتيم



     
#479 | Posted: 10 Jul 2013 18:31
عشقون بولاغین قویما بولانسین کی درولماز

عشقئن یولونی دوز گیده هر کیمسه یورولماز

هر کیمسه گلوب عاشق لایق اولا بولمز

بو مکتب عشق ایچره یالان اولمیوب اولماز

گر آغلاماسا قاره بولوط غنچا گول آچماز

گر گولمسه گول درد و غمه چاره تاپولماز

گلشنده گولون قیمتی گولدور گوله بولسه

نامرد الی سیندیرماسا بو شاخه نی سولماز

بیر عومر چکوب نازینی بولبول آچا بیر گون

درد اهلی اولان غنچه لنن شاخه نی یولماز

عشق اولماسا عالمده گوزلیک گوزه گلمز

بو چارداغی قویما یخا یئل بیرده قورولماز

دیوانه لیگین لذتی حیران ائدر عشقی

عومرون بویی سرمایه دی بش گونده قوتولماز

باشدان گئچر عاشق ولی یاردان گئچه بولمز

آیری طرفه هر نه اولا یولدا بورولماز


     
#480 | Posted: 10 Jul 2013 18:31
قوتاردي كوفه غمي ختمه يئتدي برنامه

چكوبله قافله عشقي بو سفر شامه

****

بوخيدي اذن بيري ايلسون نوا يولدا

يانان ياناردي غم و درده بيصدا يولدا

كيمن صداسي اوجالسيدي ني كيمي بير ان

ديرديله اونا قمچي له آغلاما يولدا

گئدرديله او يولي شمامه قان توكنلريله

او غربت ايلده يوخيدي بير اشنا يولدا

جدالر اوسته كي باشلار اولارلا همدميدي

بيان حال ائلييردي انا بالا يولدا

گيدردولر يولي اهسته ديللري داغلي

شهيد اولالنلارا دوتموشدولا عزا يولدا

حسين باشي جدا اوسته جلوه لنور

گوزتليور هامي قراني باشليا يولدا

گيده گيده يولي بير دم دايانديلار ناگه

هامي تعجب ايدوب وار نه ماجرا يولدا

او نيزه كي اوني مسكن ايدوب حسين باشي

حركت ايتومري هر نيلور اشقيا يولدا

داياندي قافله بير كيمسه تاپميوب علت

ديوبله چاره بيلر حجت خدا يولدا

گلوبه محضر زين العبايه چاره اوچون

بويوردي عمه مه دي قيرلاري سايا يولدا

جداده باشيندا باخور قيزلارينا تشنه بابام

يقين اولور كي قاليب نازلي بير بالا يولدا

تاپيب گتوردوله نه نوعيليه او خردا قزي

يا نا يانا ديدي گل هارداسان بابا يولدا



يتشيدي قافله شامه چوخالدي درد و الم

قاليب دروازه ده نچه ساعت اهل حرم


     
صفحه  صفحه 48 از 56:  « پیشین  1  ...  47  48  49  ...  55  56  پسین » 
شعر و ادبیات انجمن لوتی / شعر و ادبیات / اشعار ترکی بالا
جواب شما روی این آیکون کلیک کنید تا به پستی که نقل قول کردید برگردید
رنگ ها  Bold Style  Italic Style  Highlight  Center  List       Image Link  URL Link   
Persian | English
  

 ?
برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.



 
Report Abuse  |  News  |  Rules  |  How To  |  FAQ  |  Moderator List  |  Sexy Pictures Archive  |  Adult Forums  |  Advertise on Looti

Copyright © 2009-2020 Looti.net. Looti.net Forum is not responsible for the content of external sites