خانه | ثبت نام | نظرسنجی | جستجو | موقعیت | قوانین   چت روم
شعر و ادبیات انجمن لوتی / شعر و ادبیات /

اشعار کردی و لکی


صفحه  صفحه 76 از 103:  « پیشین  1  ...  75  76  77  ...  102  103  پسین »
nisha2552 مرد #751 | Posted: 2 Apr 2014 22:48
کاربر

 
فەرموویە کە من پادشەهی حوسنی دڵ‌ئارام
خورشید و مەهن ئایینەداری روخی زیبام
فیردەوسی جەمالم بە نیهالی قەدی تووبام
یەعنی بە دوو لەب ساحیبی ئیعجازی مەسیحام
ماچێکی دەمم کافییە بۆ کوشتەیی باڵام
فنجانی دەمت ساغەرە یاقووتی رەوانە،
وەک نەشئی حەیات دولبەری یاقووتی رەوانە!
ئەو چاوە تەبیب و بەڵەدی دەردی دڵانە
عیللەت چییە بۆ من کە حەکیمێکی نەزانە؟
جێی نەشتەری وی ئاگری بەردا دڵ و سووتام
ئەگریجە و پەرچەم مەدەدی نێرگسی کاڵن
فەوجی حەبەشن، لەشکری سوڵتانی جەماڵن
ئارایشی روو، رەونەقی باغی خەت و خاڵن
هەریێکە لەلایێ بە ئومیدی سەر و ماڵن
بەو داوە ئەوی بەستەیە خۆم و دڵی شەیدام
من سائیلی ئاشفتەگیی زولفی دووتا بووم
تێکچوو کە ئەمن عەنبەری تەڕ میشکی خەتا بووم
من هەم‌نەفەس و هەم‌دەمی شاهزادە وو شا بووم
تا دیم گوڵی تۆ عاشقی ئەندامی بەڵا بووم
سەرگەشتە ئەوێستا کە لە دووی گوڵبونی بەڵام
ئەبرۆ و جەبین و روخی بێ‌شیبه و میسالن
تێکەڵ بە گوڵ و یاسەمەن و غەرقی لوئالن
بۆ موڵکی جەمالی کە شەهەنشاهی جەلالن
یا شەمس و قەمەر، قەوس و قوزەح ، بەدر و هیلالن
وا جوملە هەڵاتوون لە گەریبانی گوڵەندام
خەت هاتووە دەوری لەب و رووی داوە لەسەردا
یاخۆ حەبەشی فایەقە داغی لە جگەردا؟
گوڵزاری دەمی پوستە و باغی گوڵی بەردا
یا لەشکەری کێشاوە بزەی شیر و شەکەردا؟
شەڕیانە لەسەر کەعبەیی روو کافر ێسلام
ئەی میشکی خەتایی خەت و خەت جەوهەری کوڵمت!
ئەی سونبولی تەڕ دووکەڵی سەر مەجمەری کوڵمت!
سووتاوە وەفایی لە هەوای ئاگری کوڵمت
سا ئەو دەمە وا بێنە ئەتۆبی و سەری کوڵمت
غەیری ئەوە " باللە " نییە لەو لێوە تەمەننام


وەفــــــــــایی
      
nisha2552 مرد #752 | Posted: 2 Apr 2014 22:48
کاربر

 
واتا


ئه‌قڵ هه‌ر جاره‌ی پێم ده‌ڵێ ده‌ست له‌ یار هه‌ڵگره‌
عشقش ده‌ڵــێ :هه‌ی هه‌ی ؟واز له‌و قسه‌یه‌ بـێنه‌

عقڵ ده‌ڵێ:بڕۆ له‌گه‌ڵ به‌رماڵ وسوجده‌ بردن به‌
عشقش ده‌ڵێ: بڕۆ ته‌سبیحت بکه‌ره‌ زونناری گاوان

عقڵ ده‌ڵـــێ :کوڕه‌ به‌رگی ئاقڵان له‌ به‌رکــه‌
عشقیش ده‌ڵـێ :واز له‌ جوببه‌ و مێزه‌ر بێـنه‌

مــــن نـازانم باوه‌ڕ به‌کام له‌و قسانه‌ بــــکه‌م
خوایه‌ ! ڕازی ئه‌م نهێنییانه‌ تۆ بۆ دڵم ده‌رخه‌.
      
nisha2552 مرد #753 | Posted: 2 Apr 2014 22:49
کاربر

 
بەجێ نایێ، دەبێ ڕوو کەینە سارا،
حەقی ئادابی مەجنوونیی لە شارا

کە چەرخ ئەسکەندەری دیی دەردەدارە،
وتیی: ئەم هەم بووە هەمدەردی دارا

هەتا حەق ناصیرە، هەر حەقمە مەنڤوور
وەکوو (مەنصوور) ئەگەر بمکەن بە دارا

نەگەیمە ئەو جوانە و گەیمە پیریی
مەدەد یا پیری پیرانی بوخارا

لەبەر زار و نەزاریی بوومە وەک پووش
دە ئەمجا ڕابوێرە من بە زارا

مەگەر تۆ عەرچی حاڵم کەی لەکن یار
قەڵەم، ساغی قسە، من نیمە یارا

لەڕم دیی زاهید ئەم زستانە، زانیم
کلک نادا بە زڕپنگی بەهارا

وەرە دەستێ بە خوونم کە نیگارین
خووێنی من حەلاڵت بێ، نیگارا!

زوو ئەو شۆخە لە عاشق وەردەچەرخێ
لەگەڵ کەس، چەرخە ئەو، ناکا مودارا

موژەی خوێنێ دەکا هەر لەحڤە، سەیرە
ئەمەندە گوڵ لە بن یەک نووکە خارا

کە شک بەم 'مەحویا' هەر شەربەتی مەرگ
لەسەر ئەرزا نییە ئاوی گەوارا


شەرابی شیعری محوی
      
nisha2552 مرد #754 | Posted: 2 Apr 2014 22:49
کاربر

 
گوڵەندام ئەی تەنافی گەردەنم زولفی پەرێشانت
عیلاجێ،چارەیێ، روحمێ، ئەمان دەستم بە دامانت!

غەریبی تۆم، نەخۆشی تۆ بە گۆشەی چاوی بیمارت
ئەسیری تۆم شەهیدی تۆ بە نووکی تیری موژگانت

ئیشارەت ئافەتی روحم،کەلامت غارەتی دینم
تەبەسسوم سیحری لێوانت، رەمزی چاوانت

مەگەر سەرتاقەدەم زولفت وەکوو من خاو و شێوا بێ
کە سەرگەردانی سەودایە لەسەر چاکی گەریبانت

دەڵێی شەکەرفرۆشی شاری میسرە وا بە شیرینی
-بنازم!- خاڵی وەک هیندوو لە گۆشەی لێوی خەندانت

ئەگەر دڵ بوو، ئەگەر دین، دامە سورمەی چاوەکان،ئیدی
بەسم سەودازەدە و ریسوا کە تۆبی و دین و ئیمانت!

تەلیسمی بابلە، سیحری حەڵاڵە، رەنگی رەیحانە
شکەنج و بەندە، یاخۆ جێ‌دڵانە زولفی سەرشانت؟

بە ئازادی لەکن خۆی شوهرەیە من مات و حەیرانم
گوڵ و نارنجی بەر هێناوە خۆ سەروی خەرامانت

لەبەر چاوت بگریەم، یا لە دەست تۆ داد و هاوار کەم؟
لەبەر نەیڕەنگی مەستان، یا لە سیحری رەنگی دەستانت؟

دڵم سەودازەدەی باڵاتە خۆم دڵدادەیی ئەبرۆت
بە باڵا دڵ بەڵاگێڕت، بە ئەبرۆ خۆم بە قوربانت

لە دادی من بپرسە جارێ ئەی سوڵتانی عیشوە و ناز!
بە ناحەق بۆچی بمکووژێ ئیشارەی چاوی فەتتانت؟

وەفایی کەوتە حەلقەی زولفت، ئیدی مەیدە بەر موژگان
کە من کوشتەی تەنافت بووم چ لازم تیرەبارانت؟


وەفــــــــــایی
      
nisha2552 مرد #755 | Posted: 2 Apr 2014 22:50
کاربر

 

چاوی من ده‌م‌ ده‌م دەڕێژێ ئاوی ساف و خوێنی گه‌ش
دا بڵـێن ده‌ریای عـومـانـه‌ دوڕڕ و مـه‌رجـانی هـه‌یـه‌

په‌رچه‌می ڕوو داده‌پۆشێ ، پێچی زوڵفی پێچه‌یه‌
دا به‌ ڕۆژیش پێی بڵێن شه‌معی شه‌بوستانی هه‌یه‌

ئاسمانی حوسنی مه‌حبووبه‌م له‌ ئه‌برۆ و زوڵف و ڕوو
دوو هیلال و دوو شه‌و و دوو ماهی تابانی هه‌یه‌

هه‌ر له‌بت ، یا سینه‌شت هه‌ر دوو به‌ده‌رخه‌ ، دابڵێن:
له‌علی ڕوممانی هه‌یه‌ ، یا له‌عل و ڕوممانی هه‌یه‌

وه‌حشیه‌ لێمان له‌به‌ر ته‌عنه‌ی ڕه‌قیبی سه‌گ سیفه‌ت
ڕاسته‌ هه‌ر زیی‌ڕۆحێ بۆ وه‌سواسه‌ شه‌یتانی هه‌یه‌

دڵ موشه‌ببه‌ک بوو له‌ به‌ر ئێشانی نیشانی موژه‌ت
حه‌یفه‌ قوربان! ئاخر ئه‌م نیشانه‌یه‌ شانی هه‌یه‌

له‌حزه‌یێک و له‌محه‌یێک چاوم به‌ چاوی ناکه‌وێ
کێ ده‌ڵێ وه‌حشی غه‌زاله‌ مه‌یلی ئینسانی هه‌یه‌

تۆ ئه‌گه‌ر هه‌ستی ، له‌ جێ ڕاوه‌ستی دێو و کافریش
دێن ده‌ڵێن: به‌ خودا قیامه‌ت ڕاسته‌ هه‌ستانی هه‌یه‌

فارس و کورد و عه‌ره‌ب هه‌ر سێم به‌ ده‌فته‌ر گرتووه‌
(نالی) ئه‌مڕۆ حاکمی سێ موڵکه‌ ، دیوانی هه‌یه‌!


نالی
      
nisha2552 مرد #756 | Posted: 2 Apr 2014 22:50
کاربر

 
ئێواره‌یه‌و پیری خه‌م له‌ زستانه‌
ته‌نیا به‌فره‌ بۆلام دێن هێنده‌ له‌خاک دانراوه‌
خه‌مه‌کانم بێ چاره‌ دائه‌پۆشن سستانه‌
دوورم له‌تۆ باوه‌شم بۆت نه‌کراوه‌
شینه‌ی دڵـم بێ گوڵه‌و نه‌ک بیستانه‌
ملپێچه‌که‌م لۆچ لۆچه‌و واشێواوه‌
له‌بێ نیگات وه‌رزه‌که‌م بێ داستانه‌
جه‌ستی شه‌خته‌ بۆمن سه‌خته‌و گیراوه‌
چاوی خۆرت گه‌رپێم نه‌گا مه‌ستانه‌
بێ ژوانێکم خه‌می عومرم نه‌تواوه‌
ئێواره‌یه‌و پیری خه‌م له‌ زستانه‌


**
هۆنراوه‌ی
به‌همه‌ن به‌رزنجی
      
nisha2552 مرد #757 | Posted: 2 Apr 2014 22:53
کاربر

 
چــــاوه که م زانیـــوته بوچی خه و له چـــــــاوم نــــاکــه وی ؟
چونکه من پیش خزمه تم ، پیش خزمه تان نانــــوون شـــه وی!

روژ و شه و دایم لــــه بـــه ر دییــــــده و خه یـــــالم حــــــازری
سا چ فه رقیــــکی هه یه بو مـــن ئیـــــتر ئیــــــره وئـــــه وی

به س نیــه لیره ده و یـــرم جـــــارو بار بـــاســـــت بـــــکه م !
نه م ده ویرا قه ت له به ر ئه غیار که نــــــاوت بـــه م لـــه وی

دل له بــــــه ر زامی فیـــــراقت دائیــمـــــه ن زاری ئــــــه کا
روژ و شه و مه نعی ده که م باز ، دهردی سه خته ناســره وی

گه ر موه خه ییه ر بم له ما به ینی به هه شتو وه سلـــی تو
وه سلی تو بو من جه هه ننه م پر له جـــــه ننــــه ت نامه وی

ئه ی ره قیب ویــــلم له ده ستت لیــــره بو لیـــم ناگـــــه ریـی ؟
با وکه کوشته ت نیم ئه ری هه ی به دمه زه ب چیت لیم ده وی ؟

هه ر وه کو کیوی ده ما وه نـــــدی ســـــه رم پر شــــورشـــــه !
قه ت ته می هیجران و خه م ساتی له ده وری نـــــه ره وی !!

گه ردنی " کوردی " له کیوی بیستوون مــــه حکــــه متــــــره !!
چونکه سه د ساله له ژیر بــــاری خه مـــــایــــــه و نا نـــــه وی


طاهیر به گی جاف
      
nisha2552 مرد #758 | Posted: 2 Apr 2014 22:53
کاربر

 
ره‌ش ماسی


له باخی رووت دوو كانی ئاو دیار بوو
دوو ره‌ش ماسی له چاوت حه‌بس كرابوو


هه‌موو جارێ كه چاوی تۆم ده‌بینی
به خۆم ده‌مگوت كه تۆ بۆچ وا خه‌مینی


دوو چاوت بۆچی وا ره‌شپۆش و تارن
دوو ره‌ش ماسی له‌ سه‌ر چی لێو به‌ بارن


ئه‌یانگوت ماسیان هیلاكی ده‌ریاین
له نێو چاوان هه‌زاران ساڵه ته‌نیاین


ئه‌گه‌ر رزگار ببین له‌م حه‌بس و به‌نده
ژیان لای ئێمه شیرین تر له قه‌نده


دڵم سووتا له بۆ گریانی ماسی
هه‌زار هاوار كه خاس ماسیم نه‌ناسی


نه‌زیك تر بووم كه تا مافیان بسێنم
له‌بۆ ره‌ش ماسیان شادی بهێنم


قسه‌كانیان درۆ بوو، نه‌مده‌زانی
كه منيان برد به‌ره‌و گێژاوی كانی


هه‌زار ساڵه له چاوی تۆ ئه‌سیرم
به حاڵی زاری خۆم تێر تێر ئه‌گیرم


دو چاوت ئاوێنه‌ی به‌ختی ره‌شم بوو
له جوانی یار منیش ئه‌ونه به‌‌شم بوو


      
nisha2552 مرد #759 | Posted: 2 Apr 2014 22:53
کاربر

 
ڵه‌گه‌ڵ یار


ده‌نـــگی بێده‌نگی دڵـــــــــتم له‌ بیره‌
ه‌من پێكه‌نیم گوتم دڵت كــــــــوا؟

به‌ عیشوه‌ گوتت، له‌ ترسی شه‌یتان
باڵی گرتوه‌ و چوه‌ بۆ لای خـــــوا

به‌ ده‌نگی سازی ماچی عاشقـــــی
دڵ شه‌رمه‌نده‌ بوو،وه‌كوو یه‌خ تــوا

عاره‌قی شه‌رمت ڕژا سه‌ر زه‌وی
گوتت گووناهه‌، ته‌ك نه‌یـــــــــه‌ نوا

گوتم شێته‌گیان ئه‌مه‌ ژوانــــــــــه‌
مه‌گه‌ر من بمرم، ناكێشمــــــــــه‌ دوا


م : هه ناسه
      
nisha2552 مرد #760 | Posted: 2 Apr 2014 22:54
کاربر

 

"شاعیر"



چاوه کانم شێعر و
په نجه کانت شاعیر
داده بارێ به سه ر له شم
په نجه ت!
جێ شوێنی په نجه ت ده گرم
و
ون ده بم
تل ده خۆم و ده توێمه وه
هیچ له بیرته؟ شێعرت ده خوێند؟
به چاو
به ده م
به ده ست
ده ت خوێند

شێعرت ده خوێند و بزه ت لێل ده بوو
ده نگت ده له رزی و په نجه ت ئاره قه ی ده کرد
چاوه کانت ڕه نگی خوڵه مێشی شۆڕشێکی جوامێر
بزه ت کت و پڕ توڕه یی ده نواند
که شێعرت ده خوێند
په نجه ت عه سه بی تر له هه میشه
ده بوو به مشت
و
ده نگت ئاره قه ی ده کرد

ڕه گه خواره و خواره کانی ده ستت مولته هیب ده بوون
و
وه ک چنده ها و بگره هه زاران ماری به ڵه ک
تێک ده ئاڵان و باڵایان ده کرد
تاااا...
ده گوزه ران به سه ر ئێسقانت و
ده چونه ناو نه رمایی ئه نگۆسته کانت
و
ون ده بوون
ئه و ده م ده گریای...

تۆ!
موقه دده س تر له زاویه ی دیدی من و
من!
به رزتر له سنوری باڵات
سێو داده بارم
تۆ! شاعیرێکی ترسه نۆک و
من!
باڵق بوونی شێعره کانی بی تاوان تر له خۆتم
پشوم سواره
جێ شوێنی په نجه ت ده گرم و
پشوم سوار ده بێ

هێواش هێواش
ده خزییته ناو منداڵدانم
ده خزییته ناو منداڵدانم و
سه نگه ر سه نگه ر داده بارین
به سه ر پیاسه کانی ته نیایی دا
من ده ره قه تی ئه و هه موو ته نیاییه نایه م
که ون بووم
جێ شوێنی په نجه ت بگره و
په یدام که وه.



"گه لاوێژ سه ید ئه مینی"
      
صفحه  صفحه 76 از 103:  « پیشین  1  ...  75  76  77  ...  102  103  پسین » 
شعر و ادبیات انجمن لوتی / شعر و ادبیات / اشعار کردی و لکی

پاسخ شما روی این آیکون کلیک کنید تا به پستی که بازگفت کردید برگردید

رنگ ها Center  List   

 ?
برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.


 

 

Report Abuse  |  News  |  Rules  |  How To  |  FAQ  |  Moderator List  |  Sexy Pictures Archive  |  Adult Forums  |  Advertise on Looti
Copyright © 2009-2020 Looti.net. Looti.net Forum is not responsible for the content of external sites
↑ بالا