تالارها ثبت نام نظرسنجی جستجو موقعیت قوانین آخرین ارسالها   چت روم
شعر و ادبیات

اشعار کردی و لکی

صفحه  صفحه 91 از 103:  « پیشین  1  ...  90  91  92  ...  102  103  پسین »  
#901 | Posted: 3 Apr 2014 21:19
شه وی پاییز


خوشه ویستم که شه و دادی شه وی پائیز

کاتی خشپه ی گه لای وه ریو

په لی هه ستم ئه گری و ئه یبا بو کوتایی دوونیای ئه ودیو

من په خیلی به کوتایی گه لا ئه به م

چونکه که مرد هاوریی هه یه

ده می زه ردی بنیته ده م


په شیو
     
#902 | Posted: 3 Apr 2014 21:20
قانوونی مرۆڤ


ئه مه قانوونی گه رمی مرۆڤه
له ره ز شه راب دروست بکا
له خه لووز ئاگر
له ماچ ئینسان

ئه مه قانوونی سه ختی مرۆڤه
که ده یه وێ ساغ بمێنێته وه
سه ره رای کلۆلی و جه نگه کان
سه ره رای مه ترسییه کانی مردن

ئه مه قانوونی نیانی مروۆه
که ئاو بکاته رووناکی
خه ون بکاته راستی
دوژمنه کانیش بکاته وه برا

ئه مه ریسایه کی کۆن و تازه یه
که خه ریکه گه لاله ده بێ
له کانگای دلی منداله وه تا ده گاته که شکه شانی عه قل
     
#903 | Posted: 3 Apr 2014 21:20
بێ‌تاقه‌تـــی


له‌ نه‌هات و نه‌هاتی ساڵی نه‌هات
خوێن تف ئه‌که‌نه‌وه‌ نینۆک و
چه‌ناکه‌م هیلاکی ئه‌ژنۆمه‌،
من تامی سوێر تاڵ تاڵ
ئه‌نێرمه‌ مێژووێکی بێ تێر، بێ برسی
له‌ چۆڵه‌ شار ی بێ تۆز، قوڕاوی.
له‌ زڕه‌ی زڕه‌کانی ئه‌لۆ تا نامه‌یێکی کورت کورتی که‌ره‌وه‌،
تاقه‌تم له‌ تاقه‌که‌ی ماڵی دراوسێ جێ ماوه‌
چه‌ناکه‌م هیلاکی ئه‌ژنۆمه‌،
من تامی سوێر تاڵ تاڵ
ئه‌نێرمه‌ مێژووێکی بێ تێر، بێ برسی
له‌ چۆڵه‌ شار ی بێ تۆز، قوڕاوی.
له‌ زڕه‌ی زڕه‌کانی ئه‌لۆ تا نامه‌یێکی کورت کورتی که‌ره‌وه‌،
تاقه‌تم له‌ تاقه‌که‌ی ماڵی دراوسێ جێ ماوه‌
ئێره‌
چاوه‌ ده‌رپه‌ریوه‌کانی مێهره‌بانیه‌ له‌ ته‌نیشت درۆ.
چاوم ،چاوم
که‌ ئه‌یکه‌مه‌وه‌
وا دوورم ئه‌ڵێی ته‌پ و تۆزی هه‌لاتنمن
له‌ رۆژه‌ بگه‌رێته‌وه‌که‌ی گه‌ڵاکان و پیاسه‌ ده‌س گرتووه‌که‌ی ماچه‌کان
ده‌ستت لابه‌ بزانم چی خه‌ریکه‌ ئه‌مخێنکێنێ
ئه‌م گوڵه‌ چ بۆنێکی خستووه‌ته‌ دڵم
خه‌وم له‌ ڵێڵیا لێ ناکه‌وێ
کاتژمێر له‌ وێستگه‌ی چوارم که‌وتووه‌ته‌ سواڵ
هه‌یه‌ که‌س؟
خوایه‌ سه‌فه‌رێک، شانێ، جگه‌ره‌یێک، .....
بۆ له‌ ژێر چه‌تره‌که‌مه‌وه‌ باران ئه‌بارێ؟
بۆ ئه‌مسال له‌ دایک نابم؟
ژووره‌که‌م چوارده‌وری بووه‌ته‌ خه‌ت
که‌چی هه‌ر ناگاته‌ من
خوایه‌!
قه‌یماخێ بۆ دایکم
با ‌ هه‌نارو سێو بیری هێڵنجی نه‌خاته‌وه‌
خوایه‌!
ژانێ بۆ دایکم
با بیبژێرێته‌وه‌‌،
با کز بێ ئه‌م پرچه
که‌ بایش هێلانه‌ی تیا ناکات.
له‌ قاپم گره
قه‌ت ئیتر ئاوا ده‌ر ناچم له‌ فلاشه‌ به‌په‌له‌کانت
خوا نه‌تگرێ بۆ نامگری؟
خوایه‌ شانه‌یێک بۆ له‌ یاد کردنی شانت
که‌ هه‌لئه‌ته‌کێ به‌رده‌وام له‌ ئالۆزاوی پرچێک
که‌ نزگه‌ره‌ی ده‌ستت ئه‌دا،
خوایه‌ تاقه‌تێک
تاقه‌تم له‌ تاقه‌که‌ی مآڵی تۆ به‌جێ ماوه‌.



بەهار حسەینی
     
#904 | Posted: 3 Apr 2014 21:21
هه‌ ناسه‌که‌م هۆگرت بوم واهه‌ست ئه‌که‌م به‌شێکم له‌ تۆ
له‌ خه‌ ونــــیشدا خه‌وئه‌ بینم هه‌ربه‌ڕوخــــساروجوانی تۆ

♥♥♥♥♥♥♥♥♥♥♥♥♥♥♥♥♥♥♥♥ ♥♥♥♥
خۆله‌ جوانــیه‌که‌ت که‌مـنابـــێ ئه‌گه‌رجارێـک بڵێــیت ناوم
من ئه‌وکه‌ســه‌م که‌ عاشــقتم زۆر له‌ مێژه‌ بۆت ســـوتاوم

♥♥♥♥♥♥♥♥♥♥♥♥♥♥♥♥♥♥♥♥ ♥♥♥♥
له‌ که‌ ناری حـــه‌ زه‌کانـــتا چـــاوه‌ڕوانــــــم بــم دوێــــــنی
بێوه‌فابوی هه‌ ناســــــه‌ که‌م یاده‌ کانم ئه‌ ســـو تــــــێنی

♥♥♥♥♥♥♥♥♥♥♥♥♥♥♥♥♥♥♥♥ ♥♥♥♥
من ناتوانم له‌ یادت که‌م خۆشـــــه‌ویســـــتیت له‌ دڵمـــایه‌
ئه‌ ی ئه‌ وکه‌سه‌ی تۆی له‌منکرد ده‌ک نابـــــینابێت خودایه‌

♥♥♥♥♥♥♥♥♥♥♥♥♥♥♥♥♥♥♥♥ ♥♥♥♥


     
#905 | Posted: 3 Apr 2014 21:22
مـــــــه‌ حـــــوی


نه‌وه‌ك هه‌رچاوی مه‌سته خۆشی هه‌رمه‌ست
به‌ لا دادێ كه‌ دێ وه‌ك توركی سه‌رمه‌ست

له‌حه‌جله‌ی نازوئیعزازی به‌ سه‌د ناز
خودا تۆ حافیزی بی هاته‌ده‌ر مه‌ست

به‌دوویا‌ شێخ و سۆفی مه‌ستی عیشقی
له‌ رێیا كه‌وتوون مه‌سته‌ له‌ سه‌ر مه‌ست

نیگاهی مه‌ستی تا مه‌ستانی ڕێ دا
نه‌ ما له‌وجێگه‌ ڕێگه‌ی كه‌س له‌ به‌ر مه‌ست
بنازم به‌و پیاڵه‌ی چاوی مه‌سته‌
به‌ یه‌ك پرشنگی عاله‌م سه‌ر به‌سه‌ر مه‌ست .

له‌ به‌ر حوكمی نیگایا قاته‌ هۆشیار
هه‌تا چاوی بكا بڕ.مه‌سته‌ .هه‌ر مه‌ست .

وتی:سه‌یری ده‌رو ده‌شتم نه‌ماوه‌
له‌ چاوم مه‌وج ئه‌دا پڕ ده‌شت و ده‌ر مه‌ست

به‌ جوز مه‌ی ناوی ئه‌م ناوه‌ به‌چی به‌م
به‌ نه‌شئه‌ی ئه‌و به‌شه‌ر هه‌م ((بو البشر)) مه‌ست

ده‌ناسێ باده‌كه‌ی.مه‌قسودی حه‌شره‌
ده‌ڵێ ( مه‌حوی))بنوو تۆ تا سه‌حه‌ر مه‌ست
     
#906 | Posted: 3 Apr 2014 21:22
شەهوەت خەیاڵێکی وەنەوشەیی


تۆ ... تۆ ئەی قەدەغەکراوی مانەوە لەسەر لەپی دڵم
تۆ ئەی حەرامترین ماچ لەسەر وشکانی لێوم
من لەسەر ئەژنۆم و سەرم بۆ ئاسمان ....
کوا ئایەتە سورەکانی ئاهەنگی گواستنەوەی دڵ بۆ پەپولە ؟
ئەمەوێ قژت بە خەیاڵی شیعرم ڕابکێشم
ئەمەوێ سیحر بەسەر مەمکە زیوییەکانت بڕێژم
ئەمەوێ هەموو سروشت بۆ دانیشتنێکی تۆ لەبەردەم دەریا خەریک بکەم
ئاگات لە شاری دڵت بێت
جادە لمینەکەی بە شەرابی سور ڕاماڵە
دەستی دڵت بگرە و بەسەر شۆستەکانی مناڵیی بەڕێکەوە
بە بەرائەتەوە ڕاکە بەرەو باڵۆنە سور و سپییەکانی خەیاڵ
دەنگی تۆ سەما لەگەڵ سەرمای تەنیاییم دەکات
پێویستم بە مۆسیقایەک نییە ، پێکەنینت شوێنی نەمانم گەرم دەکاتەوە
دڵۆپەکانی پێت بتەکێنە و بە کراسە وەنەوشەییەکەت وەرە ...
وەرە ئازادیی ڕوخسارت لەبەردەمم بڵاو بکەرەوە ..
تەمێک لە حەقیقەت و سێوێکی سور بکە بە دوو لەتی لەشمەوە
دوایی ....
بەو دەستە نەرمانەت کە پڕن لە شەهوەتی ئاشتی بمخنکێنە .


ئالان پەری
     
#907 | Posted: 3 Apr 2014 21:26
کانی


تۆ ئایۆنه ی ئاسمانی
خوێنی جەرگی چیا سەخت و به رزه كانی
خۆزگا ئەوەی من دە یزانم تۆش بیزانی كانی كانی
دەزانی بۆ زۆر دێمه لات؟
چون له لای تۆ به جێ ماون جی پی كانی
كانی كانی
تۆ شاهیدی پشكۆتنی ئەوینێكی ئاسمانی
قاتڵی من له تۆی داشۆرد پەنجه كانی
خوێنی دڵم تكاوه نێو ئاوی كانی
به دەم دزەی ئەوینەوه
دەمردم و نەم دەزانی
كانی كانی كانی كانی


- لە مامۆستا بێکەس
     
#908 | Posted: 3 Apr 2014 21:27
شه‌کراوی قه‌ده‌ره‌کان


قه‌ده‌ره‌کان وه‌ک خۆت جوانن
(با) کان وه‌ک خۆتن پڕن له‌ پێکه‌نینن
نه‌رمیی قژی ڕه‌شت په‌نجه‌ تاساوه‌کان ده‌توێنی
په‌ڕه‌ی دڵی فڕینت به‌ تامه‌زرۆوه‌ گڵی زه‌وی ده‌جوڵێنی
خوا به‌ ناوی تۆ به‌ ماڵه‌کانمان پیاسه‌ ده‌کا
دوو جووته‌ کۆتر به‌ هه‌ناسه‌ی تۆ باڵ ده‌گرن
ئاوابوونی خۆر له‌ ڕه‌نگی تۆ ده‌بێته‌ ئێواره‌
مانگ له‌ سیمای پڕ ژیانی تۆ دا سه‌وز ده‌بێ
تۆ مه‌خلوقێکی بۆن خۆشی
تۆ دونیایه‌کی له‌ هه‌تاهه‌تایی
تۆ سه‌مایه‌کی له‌سه‌ر ئه‌ستێره‌ی شادی

قه‌ده‌ره‌کان وه‌ک خۆت جوانن
وه‌ک زریانێکی بێ زیان ، کاتێک خۆشه‌ویستی ببارێنێ
وه‌ک بوومه‌ له‌رزه‌یه‌کی بێ ڕووخان ، کاتێک ناخی دوو دڵ بهه‌ژێنێ
تۆ ئاوا دێیت، کاتێک کاره‌سات بوونی نامێنێ
کاتێک مه‌رگه‌سات ده‌بێته‌ خۆش به‌هات
کاتێک گۆڕستانه‌کان له‌ سه‌مای نووکی پێت
گۆرانی ده‌چڕن ...
کتێبه‌کان به‌ ناوی تۆ پێشکه‌ش ده‌کرێن
هه‌ر له‌ به‌ر تۆش دێنه‌ خوێندن
هه‌ناسه‌ی ژێر چه‌رچه‌فه‌کانی ڕامووسان ،
پێغه‌مبه‌ره‌کان دێنێته‌ خوانی موشتو مڕی هه‌بوونیان
تۆ هه‌لهه‌له‌یکی له‌ ته‌ڕایی
ته‌زبیحێکی له‌ پاکیی
کۆشکێکی ئاویت له‌ ده‌ریا
هه‌ورێکی قژ درێژی له‌ هه‌نگوینی (با)
قه‌ده‌ره‌کان وه‌ک شیله‌ی بنی مه‌مکه‌کانت شیرینن
قه‌دره‌کان وه‌ک بۆنی گوڵاوی ڕه‌حمت پڕن له‌ ده‌ماری ژیان
قه‌ده‌ره‌کان وه‌ک دۆڵی ڕازه‌وه‌ی نێو ڕانت ته‌ڕن بۆ زه‌ریاچه‌ی مان


ئالان په‌ری
     
#909 | Posted: 3 Apr 2014 21:28
كه‌ خه‌می نوسینه‌وه‌ی شیعرێ
به‌ دڵمه‌وه‌ ده‌نوسێ و
گێژاوی گه‌یشتنی خه‌یاڵێ
زاكیره‌م به‌ خۆیه‌وه‌ ده‌پێچێته‌وه‌
ئیدی په‌نایه‌ك نامێنێ...خۆمى تیا بڵێًم...!
من،رۆحی خۆمم
له‌ نێو گۆرِێكى خاڵیدا به‌جێ هێشتووه‌ و
ئێستا ناتوانم...
به‌م جه‌سته‌ غه‌ریبه‌م بڵێم:
تۆ ده‌توانی.. تێ هه‌ڵچیته‌وه‌ جاران و
هه‌ورێك له‌ گریان ژوور سه‌رت نه‌گرێ؟
ده‌توانی... به‌ مناڵه‌كانى ئه‌وێ بڵێیت
گه‌وره‌ مه‌بن
گه‌وره‌ بوون جگه‌ له‌ عه‌زاب هیچی تر نییه‌؟
ده‌توانى...غه‌ریب
ئه‌و رێگا دووره‌ی ژیان قه‌دبرِ بكه‌یت و
چركه‌یه‌ك رۆحم بۆ بێنیته‌وه‌؟
تا منی وه‌ریووی ناو ئه‌م جه‌نگه‌ڵه‌
بۆ بێزاری...پێناسه‌یه‌ك و
بۆ گه‌رِان...هاورِێیه‌كم هه‌بێت و
له‌ شوراى ئه‌م ته‌نیایه‌ په‌نهانه‌ى خۆم ده‌ربچمء
له‌وێى به‌جێماویه‌كه‌ى خۆمدا
پرِ.. پرِ ببمه‌وه‌ له‌ رابردووى وه‌رین
له‌ گه‌یشتنه‌وه‌ به‌ مه‌ودا ماندووه‌كانى باران،
ئاخر ئێستا...
من له‌ سه‌رای خه‌مێكدا روواوم
له‌و سه‌ری ماتڵبوونی خۆمه‌وه‌
نیگا ده‌خه‌مه‌ سه‌ر هه‌ر شتێ
هه‌ر ئاگرى بىَ وه‌لاَمیه‌
پوشى ئۆقره‌م ده‌سوتێنىَ،
خۆ ئه‌گه‌ر ...غه‌ریب
ئه‌م ئه‌نگوسته‌ حوزنه‌م تیا نه‌بێ و
ئه‌م دڵ پرِییه‌ له‌ مندا نه‌بووایه‌
چۆن ده‌متوانی
گریانى خوا بنوسمه‌وه‌،
لوتفێَك بكه‌.. ئه‌ی غه‌ریب
ئه‌م ماڵه‌ له‌ ده‌نگدانه‌وه‌ی خۆیدا
خه‌ریكه‌ كه‌رِ دبێ و
ئه‌م په‌نجه‌رانه‌
له‌به‌ر نه‌بوونی رووانین
خه‌ریكه‌ ژه‌نگ بیانگرێ
ده‌ست له‌ سه‌ر نوری دوعایه‌ك دانێ و
ئیمانم پرِبكه‌ له‌ پارِانه‌وه‌
چاو له‌سه‌ر شیعرێكی "مه‌حوی "هه‌ڵخه‌ و
رۆحم بسپێره‌ به‌ خودا
بێباكبه‌ و
ئه‌م گیانه‌ی ته‌رِه‌ی ناو شیعرم
فرِێده‌ره‌...ناو لاشه‌ی سووتاوی ئاسكێكه‌وه‌
ئه‌م گیانه‌ گرانه‌ی قه‌سیده‌م
بخه‌ره‌ ناو جه‌سته‌ی كوژراوی ژنێكه‌وه‌
چونكه‌ ده‌زانم
به‌ده‌م هه‌ناسه‌سواری دێرِێكه‌وه‌ له‌ ناوبران و
له‌وێی نائومێدی خۆیاندا
حه‌زێكیان له‌پاش جێ ماوه‌
قه‌نده‌ حه‌زه‌ێك...ده‌بێ بیچێژن،
شكۆمه‌ندی ئه‌م هیچگه‌راییه‌
له‌ كوێوه‌ هاتووه‌...غه‌ریب
من لێره‌ى ده‌رقه‌ت نه‌هاتنی تاوانه‌كاندام
جه‌سته‌م بووه‌ به‌ عه‌ساى ده‌ستی جه‌لادێك و
یه‌كپارچه‌...هه‌ست به‌ تێكشانی خۆم ده‌كه‌م،
ئیتر به‌م هه‌موو برینه‌وه‌ چۆن برِژێم
یان ئا به‌م خه‌مه‌ قوورسه‌وه‌
له‌ كوچه‌ی چ دڵێكی ته‌ریودا
ئێستا...له‌نگه‌ر پێ بگرم
نازانم چۆن خۆم بڵێمه‌وه‌
كه‌ رۆحی خۆمم
له‌وێی مه‌رگێك به‌جێ هێشتبێ و
كه‌ جه‌سته‌ى غه‌ریبیشم
به‌دیار شنه‌بای به‌سه‌ر چوونی ته‌مه‌نه‌وه‌
خه‌ریكی نوسینه‌وه‌ی
وه‌رزه‌ قه‌مبووره‌كان بێت و
عاده‌ت به‌ ژه‌نینی شمشاڵی گریانه‌وه‌ بگرێت
چۆن بتوانم
حیكایه‌تی ئه‌و رۆژانه‌ ئه‌زبه‌ر بكه‌م
كه‌ منیان كرده‌ سێبه‌ر و
هه‌تا ئه‌به‌د لكاندمیان...به‌ جه‌سته‌یه‌كی غه‌ریبه‌وه‌،
ته‌نیایی...شه‌وانی بێداری چاوی خوێنینی منه‌ و
وون بوونیشم... له‌و ئێواره‌ شه‌رمنانه‌وه‌ ده‌ست پێده‌كات
كه‌ له‌ نێو تاڵه‌ سپیه‌كانى قژمدا... ده‌مه‌وێت
فه‌لسه‌فه‌ی پیر بوون دابنێم
كه‌ له‌به‌رده‌م پێكى ته‌مه‌ندا
دڵنه‌وایى (ئاو) ئه‌ده‌مه‌وه‌
خۆى له‌و مه‌نگییه‌ ده‌ربێنىَء
خورِه‌ بخاته‌ رۆحمه‌وه‌
نه‌باده‌ ووشك بێته‌وه‌،
گه‌لێ جاران
چه‌شنی مه‌خلوقێكی سه‌رخۆش
خۆم به‌ نهێنی باخچه‌كاندا ده‌كێشم و
كه‌چی ئینجانه‌یه‌كی شین
كه‌پرِه‌ له‌ حیكایه‌تی سه‌وز و سوور
دێته‌ كۆشمه‌وه‌ و...یه‌ك به‌ خۆی
ده‌پارِێته‌وه‌ و ده‌ڵێ...
بیكه‌ به‌ خاتری
ته‌مه‌نی نازنازێكی بچووك
به‌ بۆنی خاكی پاش باران
به‌ گۆرانییه‌ تۆراوه‌كانى ناو باخچه‌ و
به‌ مانگرتنی پارچه‌یه‌ك غه‌زه‌ل...له‌ داخی شه‌رِ
بیكه‌ به‌ خاتری
هه‌نسكه‌ شێداره‌كانى.. دایك
لێگه‌رِێ..
لێگه‌رِێ ئه‌م نهێنیانه‌
له‌جێى خۆیاندا سه‌نگین بن...؟
بهێڵه‌...
بهێڵه‌ گوڵزاری ئه‌م شوێنه‌ نه‌شوێ و
باخچه‌ له‌ هه‌ڵچون و داچوونی خۆیادا بمێنێته‌وه‌ و
تۆ شتێكی كه‌م
بچۆره‌وه‌ بۆ ناو خۆت و ...بزانه‌
بزانه‌ چ ئینسانێكی عاجزی و
بیر بكه‌ره‌وه‌ كه‌ تۆ
پاشماوه‌ی چ شه‌رِێكی وێرانی ناوخۆتی!؟
گه‌لێ جاران
هه‌ست ده‌كه‌م
شه‌وى شێتبوونێك
سپێده‌ى ته‌نیایم ده‌خواء
له‌خۆمه‌وه‌ ده‌ڵێی
تا هه‌میشه‌... له‌به‌ر ئاوێنه‌ی مردنێكی عه‌جیبدا رابوه‌ستن
له‌خۆوه‌ ده‌ڵێی
سوێندێكم خواردووه‌...سوێندێكی خۆمانه‌
گریان له‌ تابلۆیه‌كه‌ی "ستار قادر "بسه‌نمه‌وه‌ بۆ خۆم
مه‌مكێك له‌ "قوباد "هه‌ڵكه‌نم بۆ ته‌نیایی و
توورِه‌ بوونێك له‌ "رۆژ " داگیر بكه‌م بۆ عیرفانییه‌ت و
هه‌رده‌ڵێی به‌ڵێنم داوه‌
دوعا خوساوه‌كانى كچه‌كه‌م... وه‌ك خۆیان
بنێرم بۆ خودا و
گله‌ییه‌ شیرینه‌كانى ژنه‌كه‌م
بخه‌مه‌ به‌ینی كتێبه‌كانمه‌وه‌ و
ئیدی بۆ خۆم غه‌ریبانه‌
له‌ نامۆییه‌كانی خۆمدا
برِۆم و كۆتایی ئه‌م قه‌سیده‌یه‌
بۆ هاورِێیه‌كی عاجزم به‌جێ بهێڵم
برِۆم و كۆتایی ئه‌م خه‌ونه‌
بۆ ئاوازی كه‌مانچه‌یه‌كی تۆراو دابنێم و
له‌خۆمه‌ ده‌ڵێی
مردنی خۆمم
له‌ نوسینه‌وه‌ پێ جوانتره‌ و
مانه‌وه‌ له‌ خۆ خواردنه‌وه‌ی خۆمدا
گه‌یشتنه‌
به‌ هه‌موو كۆتاییه‌كانى رۆح و
له‌خۆمه‌وه‌ ده‌ڵێی
واز له‌ هه‌موو شتێك بهێنم و...نه‌هێڵًم
نه‌هێڵم ببم به‌ شاعیر.



زانا سامان
     
#910 | Posted: 3 Apr 2014 21:28
ده‌سته‌کانی من سپین


له‌نێو هاژه‌ هاژه‌ی
تافگه‌ی گه‌رووی ژنێکه‌وه‌ له‌ دایک بووم
له‌ شوین برینی پیاوێکه‌وه‌ ڕژامه‌ ژیانه‌وه‌
هێشتا له‌ وه‌رزه‌ سارده‌کانی مناڵی خۆم ده‌رنه‌چووبووم
به‌ ته‌نافی عومرێکی درێژه‌وه‌ هه‌ڵیانواسیم
به‌دبه‌ختی له‌رزۆکی من ئه‌وه‌ بوو
ده‌بوو له‌سه‌ر ڕێساکانی به‌رد
ژیان له‌ چاڵه‌ به‌فرێکدا بگه‌وزێنم
لاساری من ئه‌مه‌ بوو
چه‌ندین جار
په‌نجه‌ی شایه‌تمانی خۆمم
له‌ ژماردنی ماسیه‌کانی ده‌ریادا ونکرد
گوناهه‌کانی من ئه‌وه‌بوو
چاوم له‌ نیگاکانی چێژدا لێبه‌جێماو
ژنێک بردیی و
به‌ ئاوێنه‌ی ژووره‌که‌یه‌وه‌ لکاندی
تاوانی من ئه‌وه‌بوو
سه‌ری ئه‌و مناڵانه‌م ده‌گه‌وزانده‌ خوێن
که‌ ئاراسته‌ی دارلاستیکه‌کانیان
ڕووده‌کرده‌
ترپه‌ .. ترپه‌
خێراکانی دڵی چۆله‌که‌
مناڵی ئه‌و کۆڵانه‌ باریکانه‌م
که‌ له‌ نووسینه‌وه‌ی مێژووی ده‌سته‌کانی خۆیاندا
کافربوون
نه‌سه‌بم ده‌چێته‌وه‌ سه‌ر
ئه‌و پیره‌ داره ‌قه‌مبوورانه‌ی
ڕه‌چه‌ڵه‌کیان ده‌چێته‌وه‌
سه‌ر ڕێگا ونبووه‌کانی خۆشنودی و
که‌چی سیگارێک له‌گه‌ڵا
پرچبووه‌کانی ڕوومه‌تی خۆیان ده‌پێچنه‌وه‌و
به‌ده‌م چاوه‌ڕوانی گه‌یشتنی سیسبوونه‌وه‌
ئاگری ئه‌ده‌ن،
بێشه‌ر‌می من ئه‌وه‌بوو
سه‌دان جار
له‌ڕێی دۆزینه‌وه‌ی
یارییه‌کی تازه‌ی عه‌شقدا
سه‌ری خۆم داناو
هه‌رگیز له‌ گه‌ڕان نه‌که‌وتم
بێحورمه‌تی من ئه‌وه‌بوو
هه‌رگیز لێنه‌ده‌گه‌ڕام
سوورمه‌ی سه‌رسینه‌ی
گۆی مه‌مکی
پێچاوپێچی
دار بیه‌ قژخاوه‌کان
به‌ر‌ده‌می مشاره‌ شه‌هوه‌تیه‌کانی زه‌مه‌ن بکه‌وێت،
هه‌تا ژیان به‌خۆیدا ده‌چێته‌وه‌
هه‌تا ته‌مه‌ن هێواش ده‌بێته‌وه‌ و
هه‌تا به‌ته‌واوی گوێم لێده‌گیرێت
له‌م یاخیبوونه‌ی خۆم
نایه‌مه‌‌ده‌رێ و
هه‌ر له‌وێمدا ده‌مێنمه‌وه‌،
ده‌مێنمه‌وه‌
تا سه‌رپۆشێکی جوانتر
بده‌م به‌سه‌ر ئه‌م زه‌ویه‌دا
ده‌مێنمه‌وه‌ و
هاژه‌ی گه‌لی یه‌کی تر
ده‌خه‌مه‌ نێو بێده‌نگیه‌وه‌،
ئاخر سه‌رشێتیه‌کانی من ئه‌بوو
له‌ هه‌ناوی پرته‌قاڵه‌وه‌ ده‌هاتمه‌ ده‌رێ و
له‌زاری شمشاڵێکی که‌مه‌ر باریکه‌وه‌ ده‌پژام
یان له‌ سێبه‌ری په‌نجه‌ره‌کانه‌وه‌
وێنه‌ی شنه‌بام ده‌بینی و
به‌ یادی عه‌شقێکی ته‌ڕه‌وه‌
گوێم بۆ گۆرانیه‌کی
سه‌رماش و برنجی ده‌گرت،
داڕوخانی من ئه‌وه‌بوو
سه‌نتورێکی جرپن له‌ دڵما
ده‌یوست خۆی بژه‌نێ و
پایزێکیش له‌رۆحمدا
گه‌ره‌کی نه‌بوو بوه‌رێت،
هه‌تا دۆزینه‌وه‌ی
وێنه‌یه‌کی نه‌بینراو
تا کۆکردنه‌وه‌ی
ته‌واوی ده‌نکه‌هه‌ناریه‌ ڕۆحییه‌کان،
به‌ڵین نیه‌
له‌م یاخیبوونه‌ی
خۆم بێمه‌ده‌رێ،
گه‌ر بێمه‌ده‌رێ
ده‌بمه‌وه‌ به‌ توتیه‌کی ڕه‌زاگران و
گه‌ر له‌وێشدا بمێنمه‌وه‌
باڵنده‌یه‌کم
مه‌گه‌ر هه‌ر نهێنیه‌ گه‌وره‌کانی گه‌ردوون
بزانێت چۆن ده‌چریکێنم
ده‌مێنمه‌وه‌و
ڕوبارێکی شیرین
ده‌نێرمه‌وه‌ بۆ عه‌رعه‌ر
(ئه‌نفال) ده‌خه‌مه‌ قه‌وسه‌وه‌و
هێمایه‌کی (؟)ی تۆقیوی بۆ داده‌نێم
هه‌ڵه‌بجه‌ هه‌ر به‌ ڕووتی
ده‌هێڵمه‌وه‌!
نه‌ک له‌ چرپه‌ی ئازادییه‌که‌ی خۆی و
پێی له‌ تابلۆکه‌ی کانی ئاشقانی هه‌ڵکه‌وێت و
بکه‌وێت به‌سه‌ر باخی میردا و
گوڵاڵه‌ سوره‌ی ته‌مه‌نی
جارێکی تر بوه‌ریته‌وه‌،
بێتاقه‌تی من ئه‌وه‌بوو
سه‌رم له‌ ترقه‌.. ترقی
دارکونکه‌ره‌و
بۆڵه‌ بۆڵه‌کانی گوڵه‌هه‌رمێ
درنه‌ده‌چوو..؟!
خۆخواردنه‌وه‌م ئه‌وه‌بوو
له‌گه‌ڵ دوکه‌ڵ بووومه‌ هاورێی و
له‌ته‌ک باراندا پیاسه‌مان ده‌کرد
له‌ته‌ک شه‌قامدا نه‌ڕۆیشتم و
له‌گه‌ڵ دره‌ختا تائه‌به‌د ڕانه‌وه‌ستام،
من هاژ و هوژی ((با))یه‌ک نیم
پرچی ژنێتی چه‌مێک
تێکبده‌م
تاقو تریقی
لوله‌ی ژه‌نگنی
یان مسکی ئه‌م تفه‌نگه‌ جه‌للادانه ‌نیم
هه‌تا دورگه‌که‌ی
خوێنینی دڵ
بشڵه‌قێنم
چرکه‌ چرکی
عومر ژمێری ژووره‌که‌م نیم
به‌ده‌م له‌ نه‌وه‌ستان که‌وتنه‌وه‌
ڕۆژه‌کانی نامورادی و
هه‌فته‌ و
مانگ و
ساڵ و
ته‌مه‌ن بچرکێنم،
له‌ سه‌فه‌ری یاخیبوونم
چۆن دێمه‌وه‌
که‌ دڵنیام
چوون ئێشانی هه‌زاران دڵ
چوون ڕشتنی ملیۆنان خوێن
چوون به‌ستنی بلیۆنان چاو
تێهه‌ڵده‌چمه‌وه‌ ڕابردوو، و
زمانم وردوخاش ده‌بێ و
سه‌ریشم کیسه‌ڵێکی نوستوو
ده‌سته‌کانی من سپین
شینیان ناکه‌م
له‌ یاخیبوون ده‌مێنمه‌وه‌
نایه‌مه‌وه


زانا سامان
     
صفحه  صفحه 91 از 103:  « پیشین  1  ...  90  91  92  ...  102  103  پسین » 
شعر و ادبیات انجمن لوتی / شعر و ادبیات / اشعار کردی و لکی بالا
جواب شما روی این آیکون کلیک کنید تا به پستی که نقل قول کردید برگردید
رنگ ها  Bold Style  Italic Style  Highlight  Center  List       Image Link  URL Link   
Persian | English
  

 ?
برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.



 
Report Abuse  |  News  |  Rules  |  How To  |  FAQ  |  Moderator List  |  Sexy Pictures Archive  |  Adult Forums  |  Advertise on Looti

Copyright © 2009-2020 Looti.net. Looti.net Forum is not responsible for the content of external sites