انجمن لوتی: عکس سکسی جدید، فیلم سکسی جدید، داستان سکسی
شعر و ادبیات
  
صفحه  صفحه 53 از 57:  « پیشین  1  ...  52  53  54  55  56  57  پسین »

اشعار ترکی


زن

 
بولاق




اؤزولدو داغلاردان اؤزولدو الی

چاغلادی چاغلادی آیریلدی بولاق

اونو بو چوللرده دویان اولمادی

آغلادی آغلادی آیریلدی بولاق



یاپیشدی قایادان یاردیم اولمادی

گؤر نئجه وفاسیز چیخدی بو داغلار

سریلدی آغاجلار آیاقلارینا

بیر آنلیق الینده ن توتمادی باغلار



احمالجا آخیردی او چوخورلارا

کوله ین آتینا مینمه دی کئچدی

دؤنوشون بیلیردی دؤغدوغو یئره

تومورجوق خطرینه دینمه دی کئچدی



کؤچونو باغلایان کؤرپه آخینلار

حزین نغمه لرله قوینونا آخدی

یولونو گؤزله ین بیر یالقیز دنیز

ساحیلدن بویلانیب حسرت له باخدی



او قده ر آغلادی گؤزو کور اولدو

قوزولار گؤزونده اؤزون گؤرمه دی

سارایلار ییغیشیب بولاق باشیندا

آچیب یایلیغینی ساچین حؤرمه دی



چیلپاق قالان چؤلون دره سی داغی

نه ایتیردیینی یاخشی آنلاییر

آغاجدان آسلانان سئنیق بوداقلار

مئشه نی دانلاییر باغی دانلاییر



بو چؤلون کهلیی توراجی سوسدو

بنفشه اؤزونه حسرت قالان وار

مین درده بوروندو یازیق چوبانلار

امه یی زای اولموش یؤردو تالان وار



چوخوردا ایلانلار کورسه یه چیخدی

یانقینلیق هر یانی حؤکمونه آلمیش

داغلارین مارالی بیر ایچیم سویا

گؤنشین الینده حسرته قالمیش


     
  
زن

 
قارداشیم





پنجره دن

اؤز اولدوزونو آختاریر

خیردا قارداشیم

دیواردان آسیلمیش

آتامین شکلینه دالیرام

آیریلیق

چوخداندیرکی کؤک آتیب آرامیزدا

گونو گوندن

حیات وئریریک حسرته

یاشاییریق آجیلاری

بیر بیریندن آیری اللریمیز

یوللار آیریجینداییق...

هه

بئله اولماز قارداشیم

سن و من

بیز اولمالییق

قؤوشدورمالییق

دامجینی دامجییا

داغلاری داغلارا

گؤنش آختارمالییق

سحر ائرکن

ال اله

باغلا پنجره نی

باغلا قارداشیم

بو دردلی گئجه لردن

چوخداندیرکی اوغورلاییبلار

اولدوزلاریمیزی

     
  
زن

 
قبیر







سویوقدور

بورا اؤرکلرده

بورا دامارلاردا قانی دوندوران قده ر سویوق

بورا یاشامین ان سویوق یئری

گؤنشده ن اوزاق

قونشولوقدا یاشییرلار

چیلپاق سؤموکلر

پاخیر توتموش ایاغلاریمدان خبرسیز

دورماق ایسته دیم

گؤنش سئوداسی باشیمدا

دنیزه گئتمک

ساحیلده

سئوگیلیمله

شکیل چکتیرمک

و

سئوگیله یاشاتماق ایسته ردیم

بوتون آنلاری...

اما

تکرار تکرار

بیر یولجونون ایاق سسلری

کیمدی گلن

کیمدی دلن سؤ کوتومو

ایچیمده ن کسیردی اومودومو

سسیمین چاتیشمازلیغی

تانیش سسیله

احمالجا چکدی آدیمی

" یالغی "

و آردینجادا

اؤلوم ۲۰۱۱


     
  
زن

 
نه اولار سئوگیلیم باریش منیم له





ووران اوره یم اول گؤره ن گؤزلریم

یاشا ایچریمده قاریش منیمله

دیلیمین ازبری شیرین سؤزلریم

نه اولار سئوگیلیم باریش منیمله



نغمه سیز اوزانام ساز گتیر گینن

گؤلومه دورنالار قاز گتیر گینن

شاختالی عومرومه یاز گتیرگینن

نه اولار سئوگیلیم باریش منیم له



سنسیز یوخوسوز گؤزلریم آغلار

ایزین سیز یوللاردا ایزلریم آغلار

ایچیمده حبس اولان سؤزلریم آغلار

نه اولار سئوگیلیم باریش منیم له



دومانسیز داغلارام چن سیزله میشم

قفسده بیر قوشام دن سیز له میشم

"یالغی" یام داریخیب سنسیز له میشم

نه اولار سئوگیلیم باریش منیم ته


     
  
زن

 
الویداع گنجلیییم الویداع سنه





آیریلیق الینده بئلیم بوکولوب

آخی شان یاشاماق یاراشمیر منه

حسرتده ن آغاران ساچیم توکولوب

الویداع گنجلیییم الویداع سنه



گونلر داملا داملا اریییب آخیر

طالعیم دایانیب قیراخدان باخیر

گؤزلریم کیرلیدیر آیاغیم پاخیر

الویداع گنجلیییم الویداع سنه



شیرین یوخودایدیم زامان اویاتدی

دنیانین شله سین بئلیمه چاتدی

دردلریم اویاندی سئوینجیم یاتدی

الویداع گنجلیییم الویداع سنه



مین بیر سیناق لیدیر عومور یوللاری

بیر بار گتیرمه دی آرزو خوللاری

یاپیشیب یاخامدان حسرت قوللاری

الویداع گنجلیییم الویداع سنه



دردلره قولوق بیز دردلره اسیر

زامانین یه هه ر سیز آتی تله سیر

فلک عومروموزده ن دوغراییب کسیر

الویداع گنجلیییم الویداع سنه



قورتولور عومرومون باهاری یازی

حاییف گئتدی الده ن گونلرین نازی

"یالغی" دان قالاجاق بو غملی یازی

الویداع گنجلیییم الویداع سنه


     
  
زن

 
ائلینده ن آیری آتا





گؤی اوخشاما دئییر بولود آغلایر

کولکده هاراسا یامان تله سیر

بیر آتا عومرونون کؤچون باغلایر

روحو قورتولمادا بدنی اسیر



قایغی کئش آتانی قورخو بوروموش

گؤزلری یاشاردی دوداق تیتره دی

قاسیرغا الینده اسن آغاج تک

یارپاق سیزیلدادی بوداق تیتره دی



یئلکن سیز گمییه بنزه ر اومودو

فلکده قامچیلا ایز قویوب گئدیر

آتا سئوینجینده ن چیرپان اوره یین

یاشیل باغچاسیندا کؤز قویوب گئدیر



آخ ا ئلینده ن آیری یوردوندان اوزاق

واختسیز اجل ایله دوئله چیخمیش

زامان دایانمیشدی هاوا چوخ سیزاق

تورپاقدان یارادان تورپاقا یخمیش

     
  
زن

 
آیرلیق شاختاسی





آیرلیق شاختاسی دوشنده ن بری

دونوبدور گلجک پلانیم منیم

عومرومون سولارکن آرزو باغچاسی

نیسگیللر جوجرتدی دورد یانیم منیم



اومودوم یارایدر هارا چکیلدی

اومودوم آسیلدی دارا چکیلدی

سئوگیمین گؤیونه قارا چکیلدی

سونوبدور اولدوزوم یوخ دانیم منیم



درد سارماشیقلارین الینده یم من

آیریلیق دیولرین ائلینده یم من

آغلایان گؤزلرین سئلینده یم من

دوزومه قالماییب گومانیم منیم



سولموش بیر چیچئکم یار باغیندا من

ایللردیر گؤینوره م یارداغیندا من

"یالغی"یام سورگونم سوراغیندا من

یانیر حسرتینده بو جانیم منیم

     
  
زن

 



آرزولاری بیچیب گلدیم


مین بیر سیناق کئچیب گلدیم

یورد یووامدان کؤچوب گلدیم

ایزیم قالدی او داغلاردا



قات قاریشیق اولدو یوخو

بیچاق گتیر آغزین اوخو

یاخشی باغلا یاخشی توخو

قوزوم قالدی او داغلاردا



دورنام اوردا قازیم اوردا

چوخوم اوردا آزیم اوردا

بیر سئحیرلی سازیم اوردا

سؤزوم قالدی او داغلاردا



ساوالان تک یاری واردی

زیروه سینده قاری واردی

آلما هئیوا ناری واردی

گؤزوم قالدی او داغلاردا



اونا نغمه قوشانی چوخ

قانقالی چوخ یووشانی چوخ

کوللاریندا دووشانی چوخ

دوزوم قالدی او داغلاردا

     
  
زن

 
با هالخدان
الله ئوزون حفظ ايله جهانه باهالخدان
حفظ ايله ئوزون خردو كلانه باهالخدان

بوبرهه ده انصاف ومروت ويجه گلمز

ايمان ازاليپ يوخدو يالانه با هالخدان

افسوس حقيقت اوزونه چكديلر پرده

ايمانه اولان قلبلره گتديلر درده

هر يركه گونش اولدو قوروت سرديلر اوردا

هي زالو گيمين سوردولر قانه باهالخدان

فرلانده عومور اهيله افغانيله گدي

يغده بركت سفره سين احسانيله گدي

مال غارت اولوپ اوغرو دايرقانيله گدي

گتدي اپاروپ شرم وحياني باهالخدان

چوخ چوخ سوروخ گونده بيزه هي گله مهمان

مهمان گله خوشحال اولار مردم ايران

اما باهالوخ جامعه ني ايله ده بحران

خلق انده باسير باغرا سوغانه باهالوخدان

امكان اولا اي كاش قيده بيرده اوجوزلوخ

مردم شاد اولا ايليه عمرون اونا قللخ

بوشرطيله كه باشلاميا بيرده فضوللوخ

تا توتمويالار شيشه يه قانين باهالوخدان

افسوس گچن گونلريميز بيرده قيتمز

حرمت كه سينيب خلق اولوب افسرده قيتمز

عرض ايليرم بوسوزو بي پرده قيتمز

گنده چكيليب دونياي فاني باهالخدان

هي گونده ديدوخ مردم ايران دوشوننده

حق بنده سي ده حق سوزون هرياندا دينده

گوردوخ باباجان داش قوتاريپ قوزدا توكنده

ديبدن قورويوب نطق وبيانه باهالخدان

بواولكه ده داي دين وشريعت ويجه گلمز

ايمان قوجاليب داي قوجا ايمان گوجه گلمز

يوخدور سوروشان اي بابا صابر نجه گلمز

عقلون لاپ ازيپ يازما يالان باهالخدان

     
  
زن

 
قضا
قضا انسانلاره مغرور ادیبده

ریاست گوزلرینی کور ادببده

چالیپ چالخاشدریپ اوضانه تاکه

بساط عیش ونوشین جور ادیبده

توتوپ گرد وغباره زور وتزویر

که قلبین گور نجه مستور ادیبده

الیب اطرافین افرادی طمع کار

حقیقتدن گوزینی دور ادیبده

عنان دست نادانه ورنده

قلوب ملته رنجور البده

قورندا زورویلن دارلحکومه

هر ایشده دوستلارین منظور دیبده

بویرده چونکه اشپز ایکی اولده

غذانه بی نمک یا شور ادیبده

بو امره مات وهیران قالموشم من

سیزه کیم بوایشه مجبور ایدیبده

قرانلوقدا چکیب باشیزه یاتدیز

ایوخ دشمن سیزه محسور ایدیبده

سیزیلار نی تکین همواره صابر

ولاکن حق سوزن منشور ادیبده

     
  
صفحه  صفحه 53 از 57:  « پیشین  1  ...  52  53  54  55  56  57  پسین » 
شعر و ادبیات

اشعار ترکی

رنگ ها List Insert YouTube video   

 ?

برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.

 

 
DMCA/Report Abuse (گزارش)  |  News  |  Rules  |  How To  |  FAQ  |  Moderator List  |  Sexy Pictures Archive  |  Adult Forums  |  Advertise on Looti
↑ بالا
Copyright © 2009-2024 Looti.net. Looti.net Forum is not responsible for the content of external sites

RTA